ঙসি ন্যু দিল্লিদা দিফেন্স একাউন্তস দিপার্তমেন্তগী কন্ত্রোল্লরস কনফরেন্সতা রক্ষ মন্ত্রী শ্রী রাজনাথ সিংহনা ৱা ঙাংখ্রে। মহাক্না হায়খি ওপরেসন সিন্দুর মনুংদা উৎখিবা থৌনা অমসুং লৈবাক অসিদা শাবা খুৎলায়শিং উৎখিবদগী, ঐখোয় ইশানা শাজবা পোৎথোকশিং মালেমদা পাম্নবা হেনগৎলক্লে। মালেম্না ঐখোয়গী দিফেন্স সেক্তর অসিদা অনৌবা মীৎয়েং অমা য়েংলে।

রক্ষ মন্ত্রী শ্রী রাজনাথ সিংহনা হায়খি মদুদি দিফেন্স সেক্তরদা হৌজিক অওনবা পুরকলিবা অসি প্রধান মন্ত্রী শ্রী নরেন্দ্র মোদীগী লমজিং মখাদা পাংথোকপনি, মহাক্কী লমজিং মখাদা দিফেন্স প্লান্নিং, ফাইনান্স অমসুং ইন্নোবেসন্দা অওনবশিং পুরক্লে অমসুং লৈবাক অসি অত্মানির্ভরতাগী মাইকৈদা চঙশিল্লে। মতম অমদা মপান লৈবাকশিংদগী লৈরম্বা খুৎলায়শিং হৌজিক ভারত্ত শারে। ঐখোয়গী পান্দম ময়েক শেংবদগী ঐখোয়গী অওনবশিং পুরকপা ঙম্বনি।

রক্ষ মন্ত্রী শ্রী রাজনাথ সিংহনা মখা তানা হায়খি ২০২৪ দা মালেমগী ওইনা মিলিতরিগী চাদিং য়ু এস ত্রিল্লিয়ন ২.৭ য়ৌরে অমসুং মসিদা ভারতনা মশাগী দিফেন্স ইন্দস্ত্রিগী খুদোংচাবশিং লৌগদবনি। দিফেন্সতা অত্মানির্ভরতা ওইনবা প্রধান মন্ত্রীগী পান্দমগা লোয়ননা মালেমগী হোংলকলিবা ফিবম অসিদা অচৌবা থৌদাং অমা লৌনবা ভারতকী ইন্দস্ত্রিশিংনা থৌরাং তৌগদবনি। ঐখোয়গী থবক্তি ৱারেপশিং য়াংনা লৌবনি মসিনা ভারত্ত অচৌবা ইঞ্জিনশিং শাবা হৌবা ঙমগনি।

দিফেন্স সেক্তরগী মরুওইবা অমসুং শেন-থুমগী কান্নবশিং পল্লদুনা, রক্ষ মন্ত্রী শ্রী রাজনাথ সিংহনা মখা তানা হায়খি দিফেন্সকী চাদিং তৌবা অসি ইচম চম্বা চাদিং তৌবনি হায়বা মীৎয়েং অদু হোংদোক্তুনা ঙাক-শেনগী চাদিং অসি কান্নবা কয়া ফংনবা শেন থাদবনি হায়না লৌগদবনি। দিফেন্স বজেতশিং অসি লৈবাক্কী ইকোনোমি অমা ওইনা উদে। ঙসিদি মখোয় চাউখৎনবা মচাকশিং ওইরে। ঙসিদি ভারতকা লোয়ননা মালেমগী লৈবাকশিং দিফেন্স সেক্তরদা শেন য়াম্না থাদরে। দিপার্তমেন্তনা আর অমসুং দি প্রোজেকশিং অমসুং হিরম অনিমক্ত তেক্নোলোজি শীজিন্নবগী মতাংদা য়েংশিনগদবনি।

রক্ষ মন্ত্রী শ্রী রাজনাথ সিংহনা মখা তানা হায়খি লুপা করোর লাখ ১ গী বজেতকা লোয়ননা হন্দক হৌদোকখিবা রিছার্স, দিবলপমেন্ত অমসুং ইন্নোবেসন স্কিম অসিনা দিফেন্স সেক্তরদা অৱাংবা থাক্কী তেক্নোলোজি লৈবদা শীজিন্নগনি। অহানবা ওইনা, দিফেন্স একুইজিসন কাউন্সিলনা কেপিতেল রুতকী খুৎথাংদা খুৎলায়শিং লৈবদা অয়াবা পীরে।

রক্ষ মন্ত্রী শ্রী রাজনাথ সিংহনা হায়খি দিপার্তমেন্তগী অনৌবা মোতি ‘এলার্ত, এজাইল, এদাপতিপ’ অসি অচম্বা ৱাহৈশিং নত্তে, মসিদা ঙসি ভারতকী দিফেন্সকী লমদা অহোংবা লাকলিবা অসিগী মমি অমনি। ইন্তরনেসল ইভালুয়েসনগী খুৎথাংদা ফিবমশিং ফগৎহনগদবনি অমসুং অহিংবা লুপশিং ওইহনগদবনি।

রক্ষ মন্ত্রী শ্রী রাজনাথ সিংহনা মখা তানা হায়খি শান্তিগী মতম অসি করিশু নত্তে। ইংনা লৈবা মতম ফাওবদা, তম্বা ঙমদবা ফিবমগীদমক ঐখোয় থৌরাং তৌগদবনি। খঙহৌদনা লাকপা থৌদোকশিংনা ঐখোয়গী শেন-থুম অমসুং ওপরেসনগী ফিবমশিং হোংহনবা ঙমগনি। মতম পুম্নমক্ত অনৌবা তেক্নিকশিং অমসুং পাউখুম পীনবা থবকশিংগা লোয়ননা ঐখোয় থৌরাং তৌগদবনি। দি.এ.দিনা মসিগী ৱাখল অসি মখোয়গী প্লান্নিং, বজেত শেম্বা অমসুং ৱারেপ লৌবদা শীজিন্নগদবনি।

রক্ষ মন্ত্রী শ্রী রাজনাথ সিংহনা মখা তানা হায়খি অরোন-অথুপ লৈতবা অমসুং প্রাইভেদ সেক্তর শরুক য়াবগী খুদোংচাবা পীদুনা জি.ই.এমগী খুৎথাংদা সরকারগী পোৎলমশিং লৈরে। জি.ই.এমগী খুৎথাংদা শেনবা চহি ২০২৪-২৫ ফাওবদা দিফেন্স মিনিস্ত্রিনা লুপা করোর লাখ ২ হেনবগী পোৎলমশিং অমসুং থবকশিং লৈরে।

সিস্তেম ফোর পেন্সন এদমিনিস্ত্রেসন-রক্ষ (স্প্রাস) চৎনদুনা দিফেন্স পেন্সন্নর লাখ ৩২ হেনবদা অরোন-অথুপ লৈতনা ফেসলেস পেন্সন ফংহল্লে। স্প্রাসকী খুৎথাংদা থা খুদিংগী লুপা করোর কয়া য়েন্থোক্লে। ঐখোয়না পায়খৎলিবা থবক অসি বজেতকী মশিং খক নত্তনা, মখোয়গী কৎথোকপদা ঐখোয়গী তৌবীমল খঙবা উৎপনি। ভেতেরানশিং য়াইফনবা থবক পাংথোকপা অসি থৌদাং অমনি, থৌজাল পীবা নত্তে।

রক্ষ মন্ত্রী শ্রী রাজনাথ সিংহনা মখা তানা হায়খি কমপ্রেহেন্সিপ পে সিস্তেম অমসুং সেন্ত্রেলাইজ দেতাবেজ মেনেজমেন্ত সিস্তেমগুম্বা অনৌবা দিজিতেলগী থবকশিংনা পে অমসুং দেতা মেনেজমেন্তগী থবকশিং লাইহনগনি অমসুং য়াংহনগনি অমসুং খুদক্ত ৱারেপ লৌবা ঙমগনি। দিফেন্স ফাইনান্স অমসুং ইকোনোমিক্সগীদমক ভিজন দোকুমেন্ত অমসুং রোদমেপদা দিপার্তমেন্তনা থবক তৌরিবা অসি তরাম্না ওক্লি।

রক্ষ মন্ত্রী শ্রী রাজনাথ সিংহনা মখা তানা হায়খি দিফেন্স মেনুফেকচরিংদা লনাই কাংবু শরুক য়াবা হেনগৎনবা ফেসলেস অমসুং অকক্নবা মতমগী মনুংদা শেন পীথোক্নবা থবক দিপার্তমেন্তনা পায়খৎকদবনি। হেন্না ফজনা অমসুং অরোনবা লৈতনা অদোম্না থবক পাংথোকলিবমখৈ, ঐখোয়গী থবকশিংদা হেন্না থাজবা লৈগনি।

রক্ষ মন্ত্রী শ্রী রাজনাথ সিংহনা মখা তানা হায়খি দিপার্তমেন্তগী থবকশিং অরানবা মচা অমা লৈরবা ফাওবদা মসিনা চাউনা ফত্তবা ফলশিং ফংগনি। অদোম্না থবক তৌরিবা মফম অদুদা, করিগুম্বা অদোম্না অপীকপা অরানবা অমা তৌরবদা, লান্মীশিং মতম চানা দরকার ওইবশিং ফংবা ঙম্লোই। ঐখোয়গী চেকশিন্দবনা বজেত এল্লোকেসনদা অচৌবা খুদোংচাদবা থোক্কনি অমসুং মসিনা ওপরেসনগী থৌরাং তৌবদা হকথেংননা অপনবা পীরি।

রক্ষ মন্ত্রী শ্রী রাজনাথ সিংহনা মখা তানা হায়খি হৌখিবা শেনবা চহিদা বজেত মপুংফানা শীজিন্নবগীদমক দিফেন্স সেক্রেতরি অমসুং সি.জি.দি.এ থাগৎপা ফোঙদোকচরি। শেন-থুমগী থৌরাং তৌবা অসি বজেত হেনগৎনবা খক মীৎয়েং চঙলোইদবনি, ফজনা চাউখৎনবা, অচুম্বা পান্দম অচুম্বা মতমদা ফংহনবা ঙমগদবনি।

রক্ষ মন্ত্রী শ্রী রাজনাথ সিংহনা মখা তানা হায়খি মীকুপ নাহুম শিংনা লৈনবা ঐখোয় ৱাশক লৌরসি। ঐখোয়গী থৌদাং অসিনা অমসুং ৱারেপ খুদিংমক্না লৈবাক্কী সেকুরিতি অমসুং মশা মরোমদোম লেপচবদা ঐখোয়না মতেং পাংলিবনি। মেনেজমেন্ত হোংদোকপা, বজেত শেম্বা, ইন্তরনেল ওদিৎ, পোৎ লৈবা, ইন্দস্ত্রিগী থবক তৌমিন্নবা অমসুং কেপাসিতি বিল্দিংগী সেসনশিং য়াওনা কনফরেন্সকী পান্দম মহাক্না থাগৎপা ফোঙদোকখি।

থৌরম অদুদা ভিজন দোকুমেন্ত, মিসন স্তেৎমেন্ত, অনৌবা মোতো, মার্কেত ইন্তিলিজেন্স রিপোর্ত ২০২৫ গী অনিশুবা ইদিসন অমসুং নৌনা শেমদোক্লবা দিফেন্স একাউন্তস কোদ ফোঙখি।

থৌরম অদুদা চীফ ওফ দিফেন্স স্তাফ জেনেরেল অনিল চৌহান, চীফ ওফ নেভেল স্তাফ এদমিরেল দিনেস কে ত্রিপাথি, চীফ ওফ আর্মি স্তাফ জেনেরেল উপেন্দ্র দ্বিবেদি, চীফ ওফ এয়র স্তাফ এয়র চীফ মার্সেল এ.পি সিংহ, দিফেন্স সেক্রেতরি শ্রী রাজেস কুমার সিংহ, দি.আর.দি.ওগী চিয়ারমেন দোক্তর সমির ভি কমাত, ফাইনান্সিএল এদভাইজর (দিফেন্স সর্বিসেস) শ্রী এস জি দাস্তিদার অমসুং কন্ত্রোল্লর জেনেরেল ওফ দিফেন্স একাউন্তস দোক্তর মায়ান শর্মা শরুক য়াখি।

****