مشن کرم یوگی ٹیم (صلاحیت سازی کمیشن اور کرم یوگی بھارت) نے 2 جولائی 2025 کو تلنگانہ کے حیدرآباد میں گورنر تلنگانہ جناب جشنو دیو ورما سے ملاقات کی۔ ڈاکٹر الکا متل (ممبر - انتظامیہ، صلاحیت سازی کمیشن) اور محترمہ نونیت کور (ڈائریکٹر، صلاحیت سازی کمیشن) کی قیادت میں ٹیم نے گورنر کو ریاست میں مشن کرم یوگی کے جاری نفاذ سے آگاہ کیا۔ گورنر نے اس پہل کی حمایت کا اظہار کیا اور ٹیم کی حوصلہ افزائی کی کہ وہ ریاست میں اس تبدیلی کے مشن کو آگے بڑھائے۔

قبل ازیں، مشن کرم یوگی ٹیم نے ریاست میں سرکاری ملازمین کی صلاحیت سازی کی پیشرفت کے لیے حکومت تلنگانہ کے چیف سکریٹری جناب  کے رام کرشن راؤ اور محکمہ کے سینئر سربراہان سے ملاقات کی۔ ٹیم نے مشن کرم یوگی کا ایک تفصیلی جائزہ پیش کیا، جس میں ڈیجیٹل لرننگ اور قابلیت پر مبنی تربیت کے ذریعے مستقبل کے لیے تیار، شہریوں پر مبنی سول سروس کو پروان چڑھانے کے اپنے وژن پر زور دیا۔

بات چیت میں اہم توجہ کا مرکز آئی جی او ٹی کرم یوگی پلیٹ فارم رہا، جو تمام محکموں کے افسران کے لیے کسی بھی وقت کہیں بھی سیکھنے کی سہولت فراہم کرتا ہے۔ محکمہ کے سربراہان نے اپنی مخصوص تربیتی ضروریات اور چیلنجز کا اشتراک کیا، ہر محکمے کے کام کاج کی ترجیحات کے مطابق اپنی مرضی سے سیکھنے کے راستوں کی اہمیت کو اجاگر کیا۔ میٹنگ کا ایک اہم نتیجہ آئی جی او ٹی پلیٹ فارم پر متعدد محکموں کے سرکاری ملازمین کو شامل کرنے کا فیصلہ تھا۔ یہ قدم تلنگانہ کی صلاحیت سازی کے سفر میں ایک اہم پیشرفت کی نشاندہی کرتا ہے۔

صلاحیت سازی کمیشن نے گورنر، چیف سکریٹری اور تلنگانہ انتظامیہ کی طرف سے دیے گئے تعاون کی تہہ دل سے ستائش کی۔ یہ سرگرمیاں مشن کرم یوگی کے تحت مسلسل سیکھنے اور ترقی کے ذریعے حکمرانی کو مضبوط بنانے کے لیے مشترکہ عزم کی عکاسی کرتی ہیں۔

****

ش ح۔م ش۔ع د

U NO: 2402