રાષ્ટ્રીય માનવ અધિકાર પંચ
NHRC, ભારતે ઓડિશાના ગંજમ જિલ્લામાં ગેરકાયદેસર પશુ તસ્કરીની શંકામાં અનુસૂચિત જાતિના બે વ્યક્તિઓ પર અન્ય સમુદાયના કેટલાક લોકો દ્વારા કરવામાં આવેલા અત્યાચારના અહેવાલની સ્વતઃ નોંધ લીધી છે
ઓડિશાના મુખ્ય સચિવ અને પોલીસ મહાનિર્દેશકને નોટિસ જારી કરવામાં આવી હતી અને બે અઠવાડિયામાં આ મામલે વિગતવાર રિપોર્ટ માંગવામાં આવ્યો હતો
પોસ્ટેડ ઓન:
02 JUL 2025 1:39PM by PIB Ahmedabad
રાષ્ટ્રીય માનવ અધિકાર પંચ (NHRC), ભારતના એક મીડિયા અહેવાલની સ્વતઃ નોંધ લીધી છે. જેમાં ખુલાસો કરવામાં આવ્યો છે કે 26 જૂન, 2025ના રોજ ઓડિશાના ગંજમ જિલ્લામાં અન્ય સમુદાયના કેટલાંક લોકો દ્વારા ગેરકાયદેસર પશુ તસ્કરીની શંકાના આધારે અનુસૂચિત જાતિના બે વ્યક્તિઓને માર મારવામાં આવ્યો હતો. તેમને ઘાસ ખાવા અને નદીનું પાણી પીવા માટે દબાણ કરવામાં આવ્યું હતું. અહેવાલ મુજબ, તેમના મોબાઇલ ફોન છીનવી લેવામાં આવ્યા હતા અને તેમના માથા પણ બળજબરીથી મુંડન કરવામાં આવ્યા હતા.
કમિશને અવલોકન કર્યું છે કે સમાચાર અહેવાલની સામગ્રી, જો સાચી હોય તો માનવ અધિકારોના ઉલ્લંઘનનો ગંભીર મુદ્દો ઉઠાવે છે. તદનુસાર, તેણે ઓડિશાના મુખ્ય સચિવ અને પોલીસ મહાનિર્દેશકને નોટિસ ફટકારી છે, જેમાં 2 અઠવાડિયાની અંદર આ બાબતે વિગતવાર અહેવાલ માંગવામાં આવ્યો છે.
રિપોર્ટમાં ગુનેગારો સામે લેવામાં આવેલી કાર્યવાહી અને પીડિતોને ચૂકવવામાં આવેલ વળતર, જો કોઈ હોય તો, સામેલ હોવાની અપેક્ષા છે.
AP/IJ/GP/JT
સોશિયલ મીડિયા પર અમને ફોલો કરો : 
@PIBAhmedabad 
/pibahmedabad1964 
/pibahmedabad 
pibahmedabad1964[at]gmail[dot]com
(રીલીઝ આઈડી: 2141480)
મુલાકાતી સંખ્યા : 39