پارسی برادری کی حمایت کرنے اور اس کی کم ہوتی ہوئی آبادی کو روکنے کی مسلسل کوششوں میں مدد فراہم کرنے میں اقلیتی امور کی وزارت نے آج ممبئی میں جیو پارسی اسکیم کے مستفیدین کے لیے بائیو میٹرک تصدیق  کی ایک روزہ مہم چلائی ۔

اقلیتی امور کی وزارت کے ڈپٹی ڈائریکٹر جنرل جناب آلوک کمار ورما اور وزارت کے دیگر سینئر عہدیداروں کے ساتھ ساتھ بامبے پارسی پنچایت اور مہاراشٹر حکومت کے نمائندوں نے اس موقع کا فائدہ اٹھاتے ہوئے اسکیم کے نفاذ کا جائزہ لیا اور مستفیدین کے ساتھ براہ راست رابطہ قائم کیا ۔ اس تقریب میں ممبئی میں رجسٹرڈ 148 مستفیدین میں سے تقریباً 100 نے شرکت کی اور اپنی لازمی سالانہ بائیو میٹرک تصدیق کو مکمل کیا ۔

اقلیتی امور  کی وزارت کی فلیگ شپ پہل جیو پارسی اسکیم تین کلیدی اجزاء پر مشتمل ہے:

طبی مدد — بانجھ پن کے علاج جیسے آئی وی ایف ، آئی سی ایس آئی ، سروگیسی ، اور حمل کے بعد کی دیکھ بھال کے لیے مالی مدد فراہم کرتا ہے ۔

کمیونٹی کی صحت— بچوں کے ساتھ ساتھ  پارسی جوڑوں کے ساتھ  انحصار کرنے والے بزرگ افراد کو ماہانہ مالی مدد فراہم کرتا ہے ۔

وکالت— کمیونٹی کے اندر بروقت شادی ، فرٹیلٹی سے متعلق آگاہی ، اور خاندانی تعاون کو فروغ دیتا ہے ۔

مذکورہ وزارت اسکیم کی رسائی کو بڑھانے کے لیے سرگرمی سے کام کر رہی ہے ۔ ابھی تک جیو پارسی اسکیم کے تحت اندراج کے لیے 138 نئی درخواستیں موصول ہوئی ہیں ۔ یہ درخواستیں فی الحال جانچ پڑتال کے  دائرے میں ہے اور اسکیم کے رہنما خطوط کے مطابق ان پر کارروائی کی جائے گی ۔

جیو پارسی اسکیم ہندوستان کی سب سے چھوٹی اور ممتاز برادریوں میں سے ایک کے ثقافتی اور آبادیاتی تسلسل کی حمایت میں اہم کردار ادا کرتی ہے ۔ آج کی کامیاب بائیو میٹرک مہم شفافیت ، جوابدہی اور پارسی برادری کے فوائد کی مسلسل فراہمی کو یقینی بنانے کے لیے حکومت کے عزم کی نشاندہی کرتی ہے ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 (ش ح – ش م - ت ح)

U. No. 2180