’’ونگس ٹو اووَر ہوپس-  والیوم II‘‘ 51 تقاریر کی احتیاط سے تیار کی گئی تالیف ہے، جو صدر جمہوریہ ہند مرمو کے دوسرے برس (اگست 2023- جولائی 2024) کے دوران ان کے نظریے، فلسفے اور ترجیحات پر ایک نظر ڈالتی ہے۔ راشٹرپتی بھون کے ذریعہ تالیف کردہ اور اطلاعات و نشریات کی وزارت کے ماتحت پبلی کیشن ڈویژن کے ذریعہ شائع کردہ یہ کتاب حکمرانی، شمولیت اور قومی امنگوں پر ابھرتی ہوئی گفتگو کو بیان کرنے میں اپنے پیشرو کی پیروی کرتی ہے۔

صدر جمہوریہ ہند کی تقاریر کی دوسری جلد، ہندی اور انگریزی دونوں میں اور ای-ورژن کے ساتھ، وزیر دفاع جناب راج ناتھ سنگھ 23 جون کو راشٹرپتی بھون کامپلیکس میں ایک تقریب کے دوران جاری کریں گے۔ اطلاعات و نشریات کے مرکزی وزیر جناب اشونی ویشنو اور اطلاعات و نشریات کے مرکزی وزیر مملکت جناب ایل مروگن بھی تقریب میں شرکت کریں گے۔

پبلی کیشن ڈویژن کے بارے میں

یہ کتابیں پبلی کیشن ڈویژن نے بڑی محنت سے تیار کی ہیں۔ حکومت ہند کے ایک سرکردہ اشاعتی ادارے کے طور پر، پبلی کیشن ڈویژن عوامی دلچسپی، قومی آزادی کی تحریک، ثقافت، فن اور ادب کے مختلف موضوعات پر کتابیں شائع کر رہا ہے اور آٹھ دہائیوں سے ہندوستان کے صدور اور وزرائے اعظم کی منتخب تقاریر کو دستاویزی شکل دینے میں بھی اہم کردار ادا کر رہا ہے۔

**********

 (ش ح –ا ب ن)

U.No:2019