ભારતના રાષ્ટ્રીય માનવ અધિકાર પંચ (NHRC), એ એક મીડિયા રિપોર્ટની સ્વતઃ નોંધ લીધી છે જેમાં કહેવામાં આવ્યું છે કે 16 જૂન, 2025ના રોજ, આંધ્રપ્રદેશના ચિત્તૂર જિલ્લાના કુપ્પમ મંડલના નારાયણપુરમ ગામમાં એક મહિલાને એક શાહુકાર દ્વારા ઝાડ સાથે બાંધીને જાહેરમાં માર મારવામાં આવ્યો હતો. કારણ કે તેનો પતિ લોન ચૂકવી શક્યો ન હતો. ગ્રામજનો દ્વારા તેણીને બચાવી લેવામાં આવી હોવાના અહેવાલ છે.

આયોગે શોધી કાઢ્યું છે કે મીડિયામાં પ્રકાશિત થયેલા સમાચાર, જો સાચા હોય, તો તે માનવ અધિકારોના ઉલ્લંઘનનો ગંભીર મુદ્દો છે. તદનુસાર, કમિશને આંધ્રપ્રદેશના મુખ્ય સચિવ અને પોલીસ મહાનિર્દેશકને નોટિસ ફટકારી છે અને બે અઠવાડિયામાં આ મામલે વિગતવાર અહેવાલ માંગ્યો છે.

17 જૂન 2025ના રોજ એક મીડિયા રિપોર્ટ અનુસાર, પીડિતાના પતિએ લગભગ ત્રણ વર્ષ પહેલાં સ્થાનિક શાહુકાર પાસેથી 80000 રૂપિયાની લોન લીધી હતી. પરંતુ તે ચૂકવી શક્યો ન હતો. તેણે ગામના અન્ય લોકો પાસેથી પણ લોન લીધી હતી. લોન ચૂકવી શકવાની અસમર્થતાને કારણે, તેણે ગામ છોડી દીધું અને ત્યારથી તેની પત્ની પોતાનું અને તેના ત્રણ બાળકોનું ગુજરાન ચલાવવા માટે દૈનિક મજૂર તરીકે કામ કરી રહી છે અને હપ્તામાં લોકોના દેવા પણ ચૂકવી રહી છે.

AP/IJ/GP/JD