انسانی حقوق کے قومی کمیشن (این ایچ آر سی) انڈیا نے ایک میڈیا رپورٹ کا از خود نوٹس لیا ہے کہ 16 جون 2025 کو آندھرا پردیش کے چتوڑ ضلع میں واقع کوپم منڈل کے نارائنا پورم گاؤں میں ایک خاتون کو درخت سے باندھ کر عوام کی نظروں کے سامنے ایک ساہوکار نے اس وقت مارا پیٹا جب اس کا شوہر اپنا قرض ادا کرنے میں ناکام رہا۔  اسے بعد میں مبینہ طور پر گاؤں والوں نے خاتون کو آزاد کر دیا تھا ۔

کمیشن نے مشاہدہ کیا ہے کہ میڈیا رپورٹ کے مندرجات، اگر سچ ہیں تو، انسانی حقوق کی خلاف ورزی کے سنگین مسائل کو جنم دیتے ہیں۔  اس کے مطابق، کمیشن نے ریاست آندھرا پردیش کے چیف سکریٹری اور ڈائریکٹر جنرل آف پولیس کو نوٹس جاری کر کے دو ہفتوں کے اندر اس معاملے میں تفصیلی رپورٹ طلب کی ہے۔

17 جون 2025  کی میڈیا رپورٹ کے مطابق، تقریباً تین سال پہلے ایک مقامی ساہوکار سے متاثرہ کے شوہر نے 80,000 روپے کا قرض لیا تھا ۔ لیکن وہ اسے ادا کرنے میں ناکام رہا۔  اس نے دوسرے گاؤں والوں سے بھی قرض لیا تھا ۔  چونکہ وہ قرض ادا کرنے سے قاصر تھا ، اس لیے اس نے گاؤں چھوڑ دیا اور تب سے اس کی بیوی یومیہ اجرت پر کام کرتے ہوئے اپنی اور اپنے تین بچوں کی دیکھ بھال کر رہی ہے۔  وہ لوگوں کو قسطوں میں قرض بھی ادا کر رہی ہے۔

۔۔۔۔۔۔۔۔۔۔۔۔۔۔۔۔۔

ش ح۔ م ع ۔ م ر

Urdu No. 1935