جناب سیوا سبرامنین رامن نے پنشن فنڈ ریگولیٹری اینڈ ڈیولپمنٹ اتھارٹی (پی ایف آر ڈی اے) کے چیئرپرسن کے طور پر 20 جون 2025 کو چارج سنبھال لیا۔ انہیں حکومتِ ہند نے 8 اپریل 2025 کے نوٹیفکیشن کے ذریعے پانچ سال کی مدت کے لیے مقرر کیا ہے، جو اُن کے عہدہ سنبھالنے کی تاریخ سے مؤثر ہوگی۔ ان کی میعاد پانچ سال، یا اُن کی عمر 65 برس ہونے تک، یا حکومت کی جانب سے کسی نئے حکم کے جاری ہونے تک،جو بھی پہلے ہو،تک جاری رہے گی۔

جناب رامن نے انڈین آڈٹ اینڈ اکاؤنٹس سروس (آئی اے اینڈ اے ایس) کے 1991 کے بیچ کے افسر کے طور پر خدمات انجام دیں۔ پنشن فنڈ ریگولیٹری اینڈ ڈیولپمنٹ اتھارٹی (پی ایف آر ڈی اے) میں شمولیت سے قبل، انہوں نے دفترِ معتمدِ مالیات و محتسبِ اعلیٰ ہند میں نائب معتمدِ مالیات و محتسبِ اعلیٰ اور چیف ٹیکنالوجی افسر کے طور پر فرائض انجام دیے۔

وہ اس سے قبل کئی اہم انتظامی اور قیادت کے مناصب پر فائز رہے، جن میں چھوٹی صنعتوں کی ترقیاتی بینک آف انڈیا (ایس آئی ڈی بی آئی) کے چیئرمین و منیجنگ ڈائریکٹر، نیشنل ای-گورننس سروسز لمیٹڈ (این ای ایس ایل) کے منیجنگ ڈائریکٹر اور چیف ایگزیکٹو افسر، اور ریاست جھارکھنڈ کے پرنسپل اکاؤنٹنٹ جنرل شامل ہیں۔سنہ 2006سے 2013 تک کے عرصے میں، انہوں نے سیکیورٹیز اینڈ ایکسچینج بورڈ آف انڈیا (سیبی) میں پہلے چیف جنرل منیجر اور بعد ازاں ایگزیکٹو ڈائریکٹر کے طور پر بھی خدمات انجام دیں۔

جناب رامن نے دہلی یونیورسٹی سے معاشیات میں بیچلر کی ڈگری اور ایم بی اے کی تعلیم حاصل کی ہے۔ اُن کے پاس متعدد پیشہ ورانہ اور تعلیمی اسناد بھی موجود ہیں، جن میں لندن اسکول آف اکنامکس اینڈ پولیٹیکل سائنس سے مالیاتی ضوابط میں ماسٹر آف سائنس (ایم ایس سی)، قانون میں بیچلر کی ڈگری (ایل ایل بی)، انڈین اسکول آف بزنس سے چیف ڈیجیٹل آفیسر کا سرٹیفکیٹ، انسٹیٹیوٹ آف انٹرنل آڈیٹرز (فلوریڈا) سے مصدقہ اندرونی آڈیٹر (سی آئی اے) کا درجہ، اور سیکیورٹیز قانون میں پوسٹ گریجویٹ ڈپلومہ شامل ہیں۔

عوامی مالیات، ٹیکنالوجی اور مالیاتی ضوابط میں اپنے وسیع تجربے کے ساتھ، جناب رامن پنشن فنڈ ریگولیٹری اینڈ ڈیولپمنٹ اتھارٹی (پی ایف آر ڈی اے) کو ہندوستان کے پنشن نظام کو مضبوط بنانے اور تمام شہریوں کے لیے ریٹائرمنٹ سیکورٹی کو فروغ دینے کے مقصد میں رہنمائی فراہم کریں گے۔

****

(ش ح۔ اس ک۔ش ب ن )

UR-1934