இந்திய குடியரசுத்தலைவர் திருமதி திரௌபதி முர்மு, 2025, ஜூன் 19 முதல் 21 வரை உத்தராகண்டிற்குப்  (டெஹ்ராடூன்) பயணம் மேற்கொள்கிறார். இந்தப் பயணத்தின் போது, ​​அவர் குடியரசுத்தலைவர் மாளிகையில் தங்கி பல்வேறு திட்டங்களுக்கு அடிக்கல் நாட்டுவார்.

ஜூன் 19 அன்று, குடியரசுத் தலைவர் ஓய்வு இல்லமான ராஷ்டிரபதி நிகேதனில் ஒரு ஆம்பிதியேட்டரை குடியரசுத்தலைவர் திறந்து வைப்பார் மற்றும் பணியாளர்கள் குடியிருப்புகள், தொழுவங்கள் மற்றும் முகாம்களுக்கு அடிக்கல் நாட்டுவார்.

ஜூன் 20 அன்று, பொதுமக்களுக்காக ராஷ்டிரபதி நிகேதனின்  திறப்பு விழாவில் குடியரசுத்தலைவர் கலந்து கொண்டு, பார்வையாளர் வசதி மையம், சிற்றுண்டிச்சாலை மற்றும் நினைவு பரிசு கடை போன்ற பொது வசதிகளைத் திறந்து வைப்பார். ராஷ்டிரபதி தபோவனத்தின் திறப்பு மற்றும்  ராஷ்டிரபதி உதயன் என்ற சுற்றுச்சூழல் பூங்காவிற்கான  அடிக்கல் நாட்டு விழாவிலும் அவர் கலந்து கொள்வார்.

ராஷ்டிரபதி நிகேதனும் ராஷ்டிரபதி தபோவனமும் ஜூன் 24, 2025 முதல் பொதுமக்கள் பார்வைக்காகத் திறக்கப்படும்.

ஜூன் 20 ஆம் தேதி, குடியரசுத் தலைவர் டேராடூனில் உள்ள பார்வை குறைபாடுகள் உள்ளவர்களின் அதிகாரமளிப்புக்கான தேசிய நிறுவனத்திற்கும் வருகை தருவார், அங்கு அவர் ஒரு கண்காட்சி மற்றும் மாதிரி பள்ளி அறிவியல் ஆய்வகத்தைப் பார்வையிட்டு மாணவர்களுடன் உரையாடுவார். அன்று மாலை, நைனிடாலில் உள்ள ராஜ் பவனின் 125 ஆண்டு நிறைவையொட்டி, அதன் தபால் தலையை குடியரசுத்தலைவர் வெளியிடுவார்.

ஜூன் 21 ஆம் தேதி, சர்வதேச யோகா தினத்தன்று டேராடூனில் உள்ள உத்தராகண்ட் மாநில காவல் துறை மைதானத்தில் நடைபெறும் யோகா நிகழ்ச்சியில் குடியரசுத்தலைவர் பங்கேற்பார்.

மேலும் விவரங்களுக்கு இந்த செய்திக் குறிப்பை ஆங்கிலத்தில் இங்கே காணவும்: https://www.pib.gov.in/PressReleasePage.aspx?PRID=2137419

****

(Release ID: 2137419)

RB/DL