امور داخلہ کی وزارت
امور داخلہ اور باہمی تعاون کے مرکزی وزیر جناب امت شاہ نے آج نئی دہلی میں مرکزی داخلہ سکریٹری، رجسٹرار جنرل اور مردم شماری کمشنر اور دیگر سینئر افسران کے ساتھ آئندہ مردم شماری کی تیاریوں کا جائزہ لیا
Posted On:
15 JUN 2025 8:14PM by PIB Delhi
امور داخلہ اور باہمی تعاون کے مرکزی وزیر جناب امت شاہ نے آج نئی دہلی میں مرکزی داخلہ سکریٹری، آر جی اینڈ سی سی آئی اور دیگر سینئر عہدیداروں کے ساتھ آئندہ مردم شماری کی تیاریوں کا جائزہ لیا۔ مردم شماری کے انعقاد کا نوٹیفکیشن 16 جون 2025 کو سرکاری گزٹ میں شائع کیا جائے گا۔
مردم شماری دو مرحلوں میں کی جائے گی۔ پہلے مرحلے یعنی ہاؤس لسٹنگ اور ہاؤسنگ اینومریشن (ایچ ایل او) میں ہر خاندان کی رہائشی حیثیت، جائیداد اور سہولیات کے بارے میں معلومات اکٹھی کی جائیں گی۔ اس کے بعد دوسرے مرحلے یعنی مردم شماری (پی ای ) میں ہر گھر میں رہنے والے ہر فرد کی آبادیاتی، سماجی، اقتصادی، ثقافتی اور دیگر معلومات اکٹھی کی جائیں گی۔ مردم شماری میں ذات پات کی گنتی بھی کی جائے گی۔
مردم شماری کے کام کے لیے تقریباً 34 لاکھ شمار کنندگان اور سپروائزر اور تقریباً 1.3 لاکھ مردم شماری افسران تعینات کیے جائیں گے۔
مردم شماری کا عمل شروع ہونے کے بعد سے یہ 16ویں مردم شماری ہے اور آزادی کے بعد 8ویں مردم شماری ہے۔
آئندہ مردم شماری موبائل ایپلیکیشن کے ذریعے ڈیجیٹل میڈیم کے ذریعے کی جائے گی۔ لوگوں کو خود گنتی کی سہولت بھی فراہم کی جائے گی۔
جمع کرنے، ترسیل اور ذخیرہ کرنے کے وقت ڈیٹا کی حفاظت کو یقینی بنانے کے لیے انتہائی سخت ڈیٹا سیکیورٹی اقدامات نافذ کیے جائیں گے۔
******
U.No:1765
ش ح۔ح ن۔س ا
(Release ID: 2136523)