ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ
ଦେଶର ଆତ୍ମନିର୍ଭରଶୀଳତାକୁ ସଶକ୍ତ କରୁଥିବା ଯୁବ ନେତୃତ୍ୱାଧିନ ପ୍ରଯୁକ୍ତିବିଦ୍ୟା ନବାଚାରକୁ ପ୍ରଶଂସା କଲେ ପ୍ରଧାନମନ୍ତ୍ରୀ
ଡିଜିଟାଲ ଇଣ୍ଡିଆର ୧୧ ବର୍ଷରେ ଲୋକଙ୍କ ଜୀବନରେ ଆସିଥିବା ପରିବର୍ତ୍ତନ ଉପରେ ଆଲୋକପାତ କଲେ ପ୍ରଧାନମନ୍ତ୍ରୀ
Posted On:
12 JUN 2025 10:00AM by PIB Bhubaneshwar
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆଜି ପ୍ରଯୁକ୍ତିବିଦ୍ୟାକୁ ଆଗକୁ ବଢ଼ାଇବା ଏବଂ ଦେଶର ଆତ୍ମନିର୍ଭରଶୀଳତାକୁ ଆଗେଇ ନେବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବା ଭାରତର ଯୁବ ଉଦ୍ଭାବକମାନଙ୍କୁ ପ୍ରଶଂସା କରିଛନ୍ତି । ସେ କହିଛନ୍ତି ଯେ, ଗତ ୧୧ ବର୍ଷ ଧରି ଡିଜିଟାଲ ଇଣ୍ଡିଆ ଯୁବପିଢ଼ିଙ୍କୁ ନବସୃଜନ ତଥା ନୂତନ ଉଦ୍ଭାବନର ବ୍ୟବହାର କରିବା ପାଇଁ ସଶକ୍ତ କରିଛି । ଏହା ଦ୍ୱାରା ବିଶ୍ୱସ୍ତରୀୟ ପ୍ରଯୁକ୍ତିବିଦ୍ୟା ମହାଶକ୍ତି ଭାବରେ ଭାରତର ସ୍ଥିତି ସୁଦୃଢ଼ ହୋଇପାରିଛି ।
ଶ୍ରୀ ମୋଦୀ ମଧ୍ୟ କହିଛନ୍ତି ଯେ, ଗତ ୧୧ ବର୍ଷ ମଧ୍ୟରେ ପ୍ରଯୁକ୍ତିବିଦ୍ୟାର ଶକ୍ତିକୁ ବ୍ୟବହାର କରି ଭାରତର ଜନସାଧାରଣ ବହୁ ଲାଭାନ୍ୱିତ ହୋଇଛନ୍ତି । ଏହା ଦ୍ୱାରା ସେବା ପ୍ରଦାନ ଏବଂ ସ୍ୱଚ୍ଛତା ବହୁ ପରିମାଣରେ ବୃଦ୍ଧି ପାଇଛି ।
ମାଇଗଭ୍ଇଣ୍ଡିଆ ପକ୍ଷରୁ ଏକ୍ସରେ କରାଯାଇଥିବା ଏକ ପୋଷ୍ଟ ଉପରେ ମନ୍ତବ୍ୟ ଦେଇ ଶ୍ରୀ ମୋଦୀ କହିଛନ୍ତି;
“ଭାରତର ଯୁବପିଢ଼ିଙ୍କ ସହାୟତାରେ ଆମ ନବାଚାର ଏବଂ ପ୍ରଯୁକ୍ତିବିଦ୍ୟା ପ୍ରୟୋଗରେ ଉଲ୍ଲେଖନୀୟ ଅଗ୍ରଗତି କରୁଛୁ । ଏହା ଆତ୍ମନିର୍ଭରଶୀଳ କରିବା ସହ ପ୍ରଯୁକ୍ତିବିଦ୍ୟାରେ ଏକ ବିଶ୍ୱସ୍ତରୀୟ ମହାଶକ୍ତିରେ ପରିଣତ ହେବା ପାଇଁ ଆମର ପ୍ରୟାସକୁ ମଧ୍ୟ ମଜବୁତ କରିଛି ।
#11YearsOfDigitalIndia”
“ପ୍ରଯୁକ୍ତିବିଦ୍ୟାର ଶକ୍ତିକୁ ବ୍ୟବହାର କରି ଲୋକମାନେ ଲାଭାନ୍ୱିତ ହୋଇଛନ୍ତି । ସେବା ପ୍ରଦାନ ଏବଂ ସ୍ୱଚ୍ଛତା ମଧ୍ୟ ବହୁ ପରିମାଣରେ ବୃଦ୍ଧି ପାଇଛି । ଏହାଛଡା, ପ୍ରଯୁକ୍ତିବିଦ୍ୟା ଅତି ଗରିବ ଲୋକମାନଙ୍କ ଜୀବନକୁ ସଶକ୍ତ କରିବାର ଏକ ମାଧ୍ୟମ ପାଲଟିଛି ।
#11YearsOfDigitalIndia”
SR
(Release ID: 2136050)
Read this release in:
Bengali-TR
,
English
,
Urdu
,
Marathi
,
Hindi
,
Bengali
,
Manipuri
,
Assamese
,
Punjabi
,
Gujarati
,
Tamil
,
Telugu
,
Kannada
,
Malayalam