মালেমগী থাক্কী এয়র ইনফ্রাস্ত্রকচর শেমগৎনবা অমসুং কন্নেক্তিবিতী হেনগৎহন্নবা মহাক্কী ফিরেপ অদুগী মতুং ইন্না, প্রধান মন্ত্রী শ্রী নরেন্দ্র মোদীনা ঙসি নই দিল্লীগী ভারত মন্দাপমদা পাংথোকপা ইন্তর্নেস্নেল এয়র ত্রান্সপোর্ত এসোসিএসন (IATA)গী 81শুবা এন্যুএল জেনরেল মীতিং (AGM) অমসুং ৱার্ল্দ এয়র ত্রান্সপোর্ত সম্মিৎ (WATS)গী প্লেনরী সেসনদা ৱা ঙাংখ্রে। থৌরম অদুদা ৱা ঙাংলদুনা প্রধান মন্ত্রীনা মীথুংলেনশিংবু তরাম্না ওক্লদুনা মহাক্না দিকেদ তরাগী মতুংদা ভারত্তা অমুক হন্না থৌরম অসি পাংথোকপগী মরুওইবা অদু পনখি। মহাক্না হায়রিবা মতম অসিগী মনুংদা ভারতনা অচৌবা অহোংবশিং অদু পুরকপা ঙমখি পল্লদুনা মহাক্না হায়খি মদুদি ঙসিগী ভারত অসি হান্নদগী হেন্না কনফিদেন্স লৈরে। মালেমগী এভিএসন ইকোসিস্তেমদা অচৌবা কৈথেল অমা ওইবতা নত্তনা পোলিসী লিদরশিপ, ইন্নোবেসন অমসুং ইনক্লুসিব দিবেলপমেন্তকী খুদম অমা ওইনা ভারতনা লৌরিবা থৌদাং অদু মহাক্না ফোংদোকখি। সিভিল এভিএসন সেক্তরনা হৌখিবা দিকেদ অমদা পুৱারী ওইরবা খুমাং চাউশিল্লকপা উবা ফংখি, মসি নীংথিনা শকখঙখি হায়রদুনা প্রধান মন্ত্রীনা হায়খি মদুদি “ঙসি ভারতনা স্পেস-এভিএসন কনভর্জেন্সতা মালেমগী লুচিংবা অমা ওইনা থোরক্লি”।

সম্মিৎ অমসুং দাইলোগ অসিনা এভিএসনগীদমক্তা নত্তনা মালেমগী ওইবা মতেং পীনবা, ক্লাইমেৎ কম্মিৎমেন্তশিং অমসুং চপ মান্নবা চাউখৎপা পুরক্নবা প্লেৎফোর্ম অমা ওইরি হায়না পল্লদুনা শ্রী মোদীনা হায়খি মদুদি মীফম অসিদা খন্ন-নৈনবনা মালেমগী এভিএসনগী অনৌবা মায়োল অমা পীগনি, মাগী লোইনাইদ্রবা ওইথোকপা য়াবশিং অদু ফংহল্লগনি অমসুং মাগী পোতেন্সিএল অদু হেন্না ফগৎহল্লগনি। মীওইবা খুন্নাইনা অরাপ্পা মফমশিং অমসুং ইন্তর কন্তিনেন্তেলগী খোঙচৎশিং পুং খরা খক্তদা চৎপা ঙম্বগী মতিক অদু মহাক্না পনখি। 21শুবা চহি চাগী এস্পিরেসনশিং অসি মহৌশাদগী চৎনরক্লবা খোঙচৎশিংদগী হেন্দোক্তুনা লেপ্তনা হেনগৎলক্লি হায়না মহাক্না ফোংদোকখি। প্রধান মন্ত্রীনা ইন্নোবেসন অমসুং তেক্নোলোজীগী খুমাং চাউশিল্লকপগী খোঙজেল য়াংনা হেনগৎলক্লিবা অদু পনখি। মহাক্না হায়খি মদুদি খোঙজেল য়াংনা হেনগৎলকপগা লোয়ননা অরাপ্পা মফমশিং অসি ঐখোয়গী দেস্তিনী ওইরক্লি।

স্পেস ফ্লাইৎশিং অমসুং ইন্তরপ্লানেতরী জর্নীশিং কম্মর্সিএলাইজ তৌনবা অমসুং মখোয়শিং সিভিল এভিএসনদা পুনশিন্ননবা পান্দম থম্বা হেনগৎলকপগা লোয়ননা ত্রেবেল অসি হৌজিক্তি মালেমগী শহরশিং খক্তদা য়ুম্ফম ওইদ্রে হায়বা ৱাফম থম্লদুনা শ্রী মোদীনা হায়খি মদুদি অসিগুম্বা চাউখৎপশিং অসি মতম চংলবসু, মখোয়না এভিএসনগী তুংলমচৎ অসি ভারতনা মপুং ফানা শেম শারিবা ত্রান্সফোর্মেসন অমসুং ইন্নোবেসনগী সেন্তর অমা ওইরগনি। প্রধান মন্ত্রীনা ভারতকী এভিএসন সেক্তরদা থৌদাং লৌরিবা য়ুম্ফম ওইবা য়ুম্বী অহুম পনখি। অহানবদা, পাক চাউবা কৈথেল অমা - কঞ্জুমরশিংগী অপুনবা খক্তমক নত্তে অদুবু ভারতকী এস্পিরেস্নেল খুন্নাইগী মমি তাই। অনিশুবদা, নহা ওইরিবা ইন্নোবেতরশিংনা আর্তিফিসিএল ইন্তেলিজেন্স, রোবোতিক্স, অমসুং ক্লিন ইনর্জীগী লমদা অহেনবা খোংজেল য়াঙনা চংশিল্লিবা মপাঙ্গল লৈরবা দেমোগ্রাফিক অমসুং তেলেন্ত পুল অমা। অহুমশুবদা, ইন্দস্ত্রিএল গ্রোথ লৈহন্নবা ওপন অমসুং সপ্পোর্তিব পোলিসী ইকোসিস্তেম। অসিগুম্বা মপাঙ্গলশিং অসিগা লোয়ননা, ভারতনা মসিগী এভিএসন সেক্তর অসি মমাংদা অমুক্তা ওইখিদ্রিবা থাক্তা পুখৎনবা শেম-শারি হায়না শ্রী মোদীনা অকনবা ৱাফম থমখি।

প্রধান মন্ত্রীনা হৌখিবা চহিশিংদা ভারতনা সিভিল এভিএসনদা চাউনা অহোংবা পুরকখিবা অদু পনখি। মহাক্না মখা তাখি, "ভারত অসি মালেমগী খ্বাইদগী চাউবা দোমেস্তিক এভিএসন মার্কেৎ অহুমশুবা লৈবাক ওইরে।" ভারতকী সিভিল এভিএসনগী পুৱারীদা UDAN স্কিম অসি মরু ওইবা পন্দুপ অমা ওইরি হায়না পল্লদুনা শ্রী মোদীনা হায়খি মদুদি মসিগী খোংথাং অসিগী মখাদা, পেসেঞ্জর মিলিয়ন 15 হেনবনা অহানবা ওইনা ফ্লাইৎ চৎপা ঙমহন্দুনা শেল চংদবা এয়র ত্রেভেলগী কান্নবা ফংলে।  প্রধান মন্ত্রীনা হায়খি মদুদি ভারতকী এয়রলাইন্সনা চহি খুদিংগী পেসেঞ্জর মিলিয়ন 140 পাইদুনা মালেমগী লৈবাক অয়াম্বগী অপুনবা মীশিংদগী হেনগৎতুনা দবল গ্রোথ ফংদুনা লৈরি। মহাক্না পান্দম থমখি মদুদি 2030 ফাওবদা মসিগী মশিং অসি পেসেঞ্জর মিলিয়ন 500 য়ৌরগনি। শ্রী মোদীনা হায়খি মদুদি ভারত্তা চহি খুদিংগী কার্গো মেত্রিক তন মিল্লিয়ন 3.5না এয়রগী খুত্থাংদা পুশিল্লি অমসুং হায়রিবা ভোল্যুম অসি দিকেদ অসিগী লোইশিল্লকপদা মেত্রিক তন মিল্লিয়ন 10দা হেনগৎলগনি।

হায়রিবা মশীংশিং অসি স্তেতিস্তিক্স খক্তা নত্তে অদুবু ভারতকী অপুনবা পোতেন্সিএলগী মমি তারি হায়বা ৱাফম থম্লদুনা, প্রধান মন্ত্রীনা হায়খি মদুদি ভারতনা পোতেন্সিএল অসিবু খ্বাইদগী পাকথোক চাউথোকহন্নবগীদমক ফ্যুচরস্তিক রোদমেপ অমদা থবক পায়খৎলি। মালেমগী থাক্কী এয়রপোর্ত ইনফ্রাস্ত্রকচরদা ভারতনা থাদরিবা শেনফম অদু মহাক্না ফোংদোকখি। 2014দা লৈবাক অসিদা ওপরেস্নেল এয়রপোর্ত 74 লৈরম্মি, হৌজিক্তি মসি 162দা হেনগৎলে। শ্রী মোদীনা মখা তারদুনা হায়খি মদুদি সেক্তর অসিদা খোঙজেল য়াংনা চাউখৎলক্লিবা অসিগী খুদম ওইনা ভারতকী কেরিয়রশিংনা অনৌবা এয়রক্রাফ্ত 2,000 হেন্না ওর্দর তৌখ্রে। ভারতকী এভিএসন ইন্দস্ত্রী অসি হান্নদগী হেন্না চাউখৎনবা হোৎনরিবা মরুওইবা তাঙ্কক অমদা লৈরি হায়না পল্লদুনা মহাক্না হায়খি মদুদি অহোংবা অসিনা জিওগ্রাফিকেলগী ঙমখৈদগী হেন্দোকপা খক নত্তনা মালেমগী থাক্তা সস্তেনেবিলিতী, গ্রীন মোবিলিতী অমসুং ইক্বিতেবল এক্সেসসু হেনগৎহনগনি।

প্রধান মন্ত্রীনা হায়খি মদুদি “ভারতকী এয়রপোর্তশিংনা হৌজিক চহিগী ওইনা পেসেঞ্জর মিলিয়ন 500 হেন্দল তৌবা ঙম্মি অমসুং তেক্নোলোজীগী খুত্থাংদা য়ুজর এক্সপরিয়েন্সকী অনৌবা স্তেন্দর্দশিং শেম্লিবা লৈবাক খরগী মনুংদা অমা ওইরে” হায়রদুনা মসিনা সেফতী, ইফিসিএন্সী অমসুং সস্তেনেবিলিতীদা চপ মান্নবা প্রাইওরিতী পীরি হায়খি। মহাক্না মখা তানা ভারতনা তুং কোইনা চৎকদবা এভিএসন ফ্যুএল, গ্রীন তেক্নোলোজীশিংদা শেন থাদবা, অমসুং কার্বোন ফুতপ্রিন্ত হন্থহন্নবা হোৎনরিবশিং অদু পনখি। শ্রী মোদীনা হায়খি মদুদি ভারতনা চাউখৎপা অমসুং অকোয়বগী ফীভম অনিমক লৈহন্নবা, চাউখৎপগীদমক বেলেন্স ওইবা থৌওং অমা মপাঙ্গল কনখৎহন্নবা অচেৎপা ৱাফম থম্লি।

দিজি য়াত্রা অসি দিজিতেল এভিএসনগী মরুওইবা খুদম অমনি হায়না শন্দোক্না তাক্লদুনা দিজি য়াত্রা এপ অসি খঙজিন্নবা ইন্তর্নেস্নেল গেস্তশিংদা তকশিনখি। প্রধান মন্ত্রীনা হায়খি মদুদি দিজি য়াত্রানা ফেসিএল ভেরিফিকেসন তেক্নোলোজী শীজিন্নদুনা মপুং ফাবা, মওং চুম্বা ত্রেবেল সোলুসন অমা পীরি। মসিনা পেপর দোকুমেন্তশিং নৎত্রগা আই.দি উৎপগী মথৌ তাদনা পেসেঞ্জরশিংনা এয়রপোর্তকী এন্ত্রিদগী বোর্দিং গেৎ ফাওবা চৎপা য়াহল্লি। শ্রী মোদীনা হায়খি মদুদি ভারতকী ইন্নোবেসনশিং অমসুং চাউরবা মীশিং অমগী সেবা তৌবগী এক্সপরিয়েন্সনা লৈবাক কয়াদা কান্নবা পীবা ঙমগনি। মহাক্না মখা তাখি, "দিজি য়াত্রা অসি সেক্যুর অমসুং স্মার্ত সোলুসন অমা ওইনা লৈরি অমসুং গ্লোবেল সাউথকীদমক্তা ইন্সপিরেসনগী মোদেল অমা ওইনা মথৌ তৌরি।"

লেপ্পা লৈতনা লৌখৎলিবা রিফোর্মশিং অসি ভারতকী য়াম্না থুনা চাউখৎলক্লিবা এভিএসন সেক্তরগী মরুওইবা মচাক অমনি হায়না পল্লদুনা প্রধান মন্ত্রীনা ভারত অসি মালেমগী মেন্যুফেকচরিং হব অমা ওইনবা হোৎনরিবা অসিদা মরুওইবা ৱাফম থমখি। ভারতনা ইন্দস্ত্রীএল গ্রোথতা মীৎয়েং থম্লিবা অসি মপাঙ্গল কনখৎহন্নবা চহি অসিগী বজেৎতা মিসন মেনুফেকচরিং লাউথোকখিবগী ৱাফম পল্লদুনা শ্রী মোদীনা চহি অসিদা পার্লিয়ামেন্ততা পাস তৌখিবা প্রোতেক্সন ওফ ইন্তরেস্ত ইন এয়রক্রাফ্ত ওবজেক্ত বিলগী মতাংদা পনখি। প্রধান মন্ত্রীনা হায়খি মদুদি আইন অসিনা ভারত্তা মালেমগী এয়রক্রাফ্ত লিজিং কম্পনীশিংগীদমক অনৌবা খুদোংচাবা কয়া অমা পীরি। মহাক্না গিফ্ত সিতিদা পীরিবা ইন্সেন্তিবশিংগী মতাংদসু পনখি। মসিগী খোঙথাংশিং অসিনা এয়রক্রাফ্ত লিজিংগীদমক্তা ভারত অসি য়াম্না পাম্নবা মফম অমা ওইহল্লে হায়না মহাক্না ফোংদোকখি।

শ্রী মোদীনা হায়খি, “অনৌবা ইন্দিয়ন এয়রক্রাফ্ত এক্ত অসিনা এয়রক্রাফ্তকী আইনশিং অসি মালেমগী খ্বাইদগী ফবা প্রেক্তিসশিংগা মান্নহল্লি। মসিনা অচুম্বা রেগ্যুলেতরী ফ্রেমৱার্ক অমা, ইজ ওফ কমপ্লাইএন্স অমসুং অচম্বা তেক্স স্ত্রকচর অমা লৈহল্লগনি”। মসিনা মালেমগী মরুওইবা এয়রক্রাফ্ত কম্পনীশিংগীদমক শেল থাদবগী মরুওইবা খুদোংচাবা অমা পীগনি। এভিএসন সেক্তরদা চাউখৎলকপা অসিনা অনৌবা ফ্লাইৎশিং, অনৌবা থবকশিং অমসুং অনৌবা ওইথোকপা য়াবশিং পুরক্লগনি হায়না মহাক্না ফোংদোকখি। ইন্দস্ত্রী অসিনা পাইলোৎশিং, ক্রিয়ু মেম্বরশিং, ইঞ্জিনীয়রশিং অমসুং গ্রাউন্দ স্তাফকীদমক্তা চাউখৎলক্লিবা খুদোংচাবশিং শেমগৎলি হায়না মহাক্না ফোংদোকখি। প্রধান মন্ত্রীনা মেনতেন্সন, রিপিয়র অমসুং ওভরহোল (MRO) অসিনা সনরাইস সেক্তর অমা ওইনা হৌরকপগী মতাংদা পল্লদুনা ভারতনা এয়রক্রাফতগী মেনতেন্সনগী মালেমগী হব অমা ওইনবগীদমক হোৎনরিবশিং অদু মহাক্না ফোংদোকখি। মহাক্না হায়খি মদুদি 2014দা ভারত্তা MROগী ফেসিলিতী 96 লৈরম্মি, মসি হৌজিক 154দা হেনগৎখ্রে। ওতোমেতিক রুতকী মখাদা 100% FDI, GST হন্থহনবা অমসুং তেক্স রেস্নেলাইজেসনগী খোঙথাংশিংনা ভারতকী MRO সেক্তরদা অনৌবা ইথিল পীরি। শ্রী মোদীনা 2030 ফাওবদা লৈবাক অসিগী এভিএসন গ্রোথ স্ত্রেতেজী মপাঙ্গল কনখৎহন্নবা ভারতনা দোল্লর বিল্লিয়ন 4গী MRO হব অমা লিংখৎনবা পান্দম থম্লিবা অদুসু ফোংদোকখি।

ভারত অসি এভিএসনগী কৈথেল অমা ওইনা খক্তা উরোইদবনি অদুবু ভেল্যু চেনগী লুচিংবা অমা ওইনা উগদবনি হায়না পল্লদুনা প্রধান মন্ত্রীনা হায়খি, দিজাইনদগী দেলিভরী ফাওবদা, ভারত অসি গ্লোবেল এভিএসন সপ্লাই চেনগী মরু ওইবা শরুক অমা ওইরক্লি। ভারতকী মাইকৈ অমসুং খোঙজেল অসি অচুম্বা লম্বীদা চংশিল্লি হায়না মহাক্না ফোংদোক্লদুনা লৈবাক অসিনা খোঙজেল য়াংনা মাংলোমদা চংশিনবগী থাজবা থমখি। শ্রী মোদীনা এভিএসন কম্পনীশিংদা 'মেক ইন ইন্দিয়া' খক্তা নত্তনা 'দিজাইন ইন ইন্দিয়া'সু পায়খৎনবা তকশিনখি। মসিনা মালেমগী এভিএসন ইন্নোবেসনদা ভারতনা লুচিংবা ওইবগী মঙলান অদু মপাঙ্গল কনখৎহনখি।

প্রধান মন্ত্রীনা হায়খি মদুদি ভারতকী এভিএসন সেক্তর অসি মাগী ইনক্লুসিব মোদেলনা মপাঙ্গল কনখৎহল্লি। ভারত্তা পাইলোৎশিংগী চাদা 15 হেন্না নুপীশিংনি। মসি মালেমগী চাংচৎতগী শরুক অহুম হেন্না ওইরি। মালেমগী ওইনা কেবিন ক্রিয়ুদা নুপীগী চাংচত্তা চাদা 70 রোম লৈরবসু ভারতকী ওইনদি চাদা 86 ওইরি হায়না মহাক্না অকনবা ৱাফম থমখি। শ্রী মোদীনা হায়খি মদুদি ভারতকী MRO সেক্তরদা নুপী ইঞ্জিনীয়রশিংনা মালেমগী চাংচৎতগী হেনগৎলি, মসিনা ইন্দস্ত্রী অসিদা নুপীশিং শরুক য়াবগী চাং হেনগৎলক্লিবা অদু উৎলি।

দ্রোন তেক্নোলোজী অসি এভিএসনগী তুংলমচৎকী মরুওইবা মচাক অমনি অমসুং ভারতনা তেক্নোলোজিকেল এদভান্সমেন্তশিংগা লোয়ননা শেল-থুমগী অমসুং খুন্নাইগী ওইবা ইনক্লুজনগীদমক মদুগী কান্নবা লৌরি হায়না পল্লদুনা প্রধান মন্ত্রীনা হায়খি মদুদি দ্রোনশিং অসি নুপীগী সেল্ফ হেল্প গ্রুপশিংবু মপাঙ্গল কনখৎহন্নবা, লৌউ-শিংউদা, দেলিভরী সর্বিসশিং অমসুং অতোপ্পা সেক্তর কয়াদা মখোয়গী শরুক য়াবা হেনগৎহন্নবা শীজিন্নরি।

“এভিএসন সেফতী অসি মতম পুম্নমক্তা ভারতকী খ্বাইদগী মরুওইবা অমনি। ভারতনা ICAOগী গ্লোবেল স্তেন্দর্দশিংগা লোয়ননা মাগী রেগুলেসনশিং অসি মান্নহল্লে।" মহাক্না হায়খি মদুদি ICAOগী হন্দক্কী সেফতী ওদিৎনা এভিএসন সেফতী মপাঙ্গল কনখৎহন্নবা ভারতনা হোৎনরিবশিং অদু খঙলে অমসুং এসিয়া-পেসিফিক মিনিস্তরেল কনফরেন্সতা দিল্লী দিক্লারেসন লৌখৎখিবা অসি মালেমগী এভিএসন এক্সলেন্সকীদমক ভারতনা লেপ্লিবা অদুগী মখা তাবা খুদম্নি।

প্রধান মন্ত্রীনা হায়খি মদুদি ভারতনা ওপন স্কাইস অমসুং গ্লোবেল কন্নেক্তিবিতীদা লেপ্পা লৈতনা মতেং পাংলি। মহাক্না চিকাগো কনভেন্সনগী প্রিন্সিপলশিংবু ভারতনা শৌগৎপা অদু অমুক হন্না ফোংদোকখি। মহাক্না হেন্না কন্নেক্তেদ অমসুং এক্সেসিব ওইবা এভিএসন নেৎৱার্ক অমগীদমক অপাম্বা ফোংদোকখি। শ্রী মোদীনা স্তেকহোল্দরশিংদা এয়র ত্রেভেল অসি মীপুম খুদিংমক্তা ফংহনগদবা, শেল চংদবা অমসুং সেক্যুর ওইগদবা তুংলমচৎ অমা শেমগৎনবা পুন্না থবক তৌমিন্ননবা তকশিনখি। মহাক্না সেক্তর অসিনা এভিএসনবু হেন্না ৱাংবা থাক্তা পুখৎনবা অনৌবা সোলুসনশিং পুথোকপা ঙম্বদা থাজবা থমদুনা লোইশিনখি অমসুং স্তেকহোল্দর পুম্নমক্তা য়াইফ-পাউজেল পীখি।

কেন্দ্রগী মন্ত্রীশিং শ্রী কিঞ্জারাপু রাম মোহন নাইদু, শ্রী মুরলিধর মোহোল, IATAগী বোর্দ ওফ গবর্নরসকী চেয়রমেন, শ্রী পিতর এলবর্স অমসুং IATAগী দাইরেক্তর জেনরেল, শ্রী ৱিলি ৱাল্স, ইন্দিগোগী মেনেজিং দাইরেক্তর, শ্রী রাহুল ভাতিয়া অসুং অতৈ মকোক থোংবা মীওইশিংসু থৌরম অদুদা শরুক য়াখি।

বেকগ্রাউন্দ

ইন্তর্নেস্নেল এয়র ত্রান্সপোর্ত এসোসিএসন (IATA)গী 81শুবা এন্যুএল জেনরেল মীতিং অমসুং ৱার্ল্দ এয়র ত্রান্সপোর্ত সম্মিৎ (WATS) অসি জুন 1দগী 3 ফাওবা পাংথোক্লি। ভারত্তা অরোইবা AGM অসি চহি 42গী মমাংদা 1983দা পাংথোকখি। মসিনা মালেমগী এভিএসন ইন্দস্ত্রীগী মকোক থোংবা লুচিংবশিং, সরকারগী ওফিসিএলশিং অমসুং ইন্তর্নেস্নেল মীদিয়াগী মীহুৎশিং য়াওনা শরুক য়ারিবা 1,600 হেন্না পুনশিল্লি।

ৱার্ল্দ এয়র ত্রান্সপোর্ত সম্মিৎ অসিদা এয়রলাইন্স ইন্দস্ত্রীগী ইকনোমিক্স, এয়র কন্নেক্তিবিতী, ইনর্জী সেক্যুরিতী, সস্তেনেবল এয়র ফ্যুএল প্রদক্সন, ফাইনান্সিং দিকার্বোনাইজেসন, ইন্নোবেসনশিং য়াওনা এয়র ইন্দস্ত্রীনা থেংনরিবা মরুওইবা ইসুশিংদা মীৎয়েং থমগনি। মালেম শিনবা থুংবদগী এভিএসনগী লুচিংবশিং অমসুং মীদিয়াগী মীহুৎশিংনা এভিএসনগী লমদা ভারতকী মশক থোকপা অহোংবা অমসুং লৈবাক অসিগী সোসিও-ইকনোমিক দিবেলপমেন্তদা মসিগী কন্ত্রিব্যুসন অদুসু উবা ফংলগনি।

India's aviation sector is a key player in the global air transport industry. Addressing the AGM of the IATA in New Delhi. https://t.co/78ll1I8uER

— Narendra Modi (@narendramodi) June 2, 2025

Today, India is emerging as a leading force in the Global Space-Aviation convergence. pic.twitter.com/XBsSJIu7QY

— PMO India (@PMOIndia) June 2, 2025

Today, India is the world's third-largest domestic aviation market.

The success of the UDAN scheme is a golden chapter in Indian civil aviation. pic.twitter.com/z3gHkUqOJA

— PMO India (@PMOIndia) June 2, 2025

For the world's leading aviation companies, India presents an excellent opportunity for investment. pic.twitter.com/ZQe3J495Rd

— PMO India (@PMOIndia) June 2, 2025

****