امور داخلہ اور باہمی تعاون کے مرکزی  وزیر جناب امت شاہ کی صدارت میں آج نئی دہلی میں واقع وزارت تعاون میں  کوآپریٹو سیکٹر میں دنیا کی سب سے بڑی خوراک ذخیرہ کرنے کی اسکیم کا جائزہ اجلاس منعقد کیا گیا۔ میٹنگ میں تعاون کے وزیر مملکت جناب کرشن پال گرجر اور جناب مرلی دھر موہول کے علاوہ، وزارت تعاون، خوراک اور عوامی تقسیم، امور صارفین، فوڈ کارپوریشن آف انڈیا (ایف سی آئی)، نابارڈ، نیشنل کوآپریٹو ڈیولپمنٹ کارپوریشن (این سی ڈی سی) سمیت دیگر اداروں کے عہدیدار موجود تھے۔

میٹنگ سے خطاب کرتے ہوئے امور داخلہ اور باہمی تعاون کے مرکزی  وزیر جناب امت شاہ نے کہا کہ دنیا کی سب سے بڑی اناج ذخیرہ کرنے کی اسکیم وزیر اعظم جناب نریندر مودی جی کے "سہکار سے سمردھی" کے وژن کو عملی جامہ پہنانے کی طرف ایک بڑا قدم ہے انہوں نے کہا کہ ہندوستان میں اقتصادی ترقی کی جانچ کے لیے دو بڑے پیرامیٹرز ہیں - مجموعی گھریلو پیداوار (جی ڈی پی) اور روزگار پیدا کرنا۔ اناج ذخیرہ کرنے کی اسکیم ان دونوں پہلوؤں کو مضبوط کرنے کا ایک ذریعہ ہے، جس کا مقصد پرائمری ایگریکلچرل کریڈٹ سوسائٹیز (پی اے سی ایس) کی آمدنی میں اضافہ کرنے کے ساتھ ساتھ دیہی روزگار کے مواقع پیدا کرنا ہے۔ جناب شاہ نے زرعی انفراسٹرکچر فنڈ (اے آئی ایف) کے تحت قرض کی مدت کو بڑھا کر پی اے سی ایس کی مالی حالت کو بہتر بنانے کے لیے فوری کارروائی کی ضرورت پر زور دیا۔

فوڈ سٹوریج اسکیم میں پی اے سی ایس کی وسیع شمولیت پر زور دیتے ہوئے مرکزی وزیر تعاون نے کہا کہ پی اے سی ایس کو اس اسکیم کا لازمی حصہ بنانا ضروری ہے تاکہ پی اے سی ایس کی مالی استحکام اور سماجی تاثیر کو یقینی بنایا جاسکے۔ انہوں نے فوڈ اینڈ پبلک ڈسٹری بیوشن کی وزارت اور فوڈ کارپوریشن آف انڈیا کو ہدایت دی کہ وہ ملک بھر میں گوداموں کی قومی سطح کی نقشہ سازی کریں تاکہ اس اسکیم پر عمل آوری علاقائی ضروریات کے مطابق آسانی سے ہو سکے۔ جناب امت شاہ نے ایف سی آئی، این سی سی ایف، این اے ایف ای ڈی اور اسٹیٹ گودام کارپوریشنوں کو پی اے سی ایس کو زیادہ سے زیادہ گوداموں سے جوڑنے کی بھی ہدایت دی۔

میٹنگ میں یہ بھی فیصلہ کیا گیا کہ ریاستوں کو اپنی سطح پر اس اسکیم میں زیادہ سے زیادہ پی اے سی ایس کو شامل کرنا چاہیے اور ریاستی سطح کی مارکیٹنگ فیڈریشنوں کو بھی اس سے منسلک کیا جانا چاہیے تاکہ ایک مکمل کوآپریٹو سپلائی چین تیار کیا جاسکے۔

مرکزی وزیر کوآپریٹیو جناب امیت شاہ نے موجود تمام تنظیموں سے کہا کہ وہ اس اسکیم کو بروقت اور مؤثر طریقے سے تال میل کے ساتھ نافذ کریں تاکہ یہ اسکیم 'آتم نر بھر بھارت' اور 'تعاون کے ذریعے خوشحالی' کے ہدف کو پورا کرنے میں سنگ میل ثابت ہو۔

****

U.No:1376

ش ح۔ح ن۔س ا