লোকমাতা দেবী অহিল্য বাই হোল্করগী ৩০০শুবা মপোক কুমওন্দা, প্রধান মন্ত্রী মধ্য প্রদেশতা মে ৩১ দা চৎকনি‍। মহাক্না ভোপালদা অয়ুক পুং ১১.১৫ তাবা মতমদা লোকমাতা দেবী অহিল্যবাই মহিলা সশক্তিকরন মহাসম্মেলন্দা শরুক য়াগদৌরি‍। মহাক্না ভোপালদা য়াম্লবা চাওখৎ থৌরাংগী প্রোজেক্তশিং শঙ্গাগনি অমদি উরেপ উয়ুং তমগনি‍ লোয়ননা মীয়ামগী মীফম অমদসু ৱা ঙাংগনি‍।

প্রধান মন্ত্রীনা লোকমাতা দেবী অহিল্যবাই মহিলা সশক্তিকরন মহাসম্মেলন্দা শরুক য়াগদৌরি‍। মহাক্না লোকমাতা দেবী অহিল্যবাইদা কত্থোকপা নীংশিং পোস্তেজ স্তাম্প অমা অমদি অখন্নবা শেনয়েক ফোঙগনি‍। লুপা ৩০০ গী শেনয়েক অদুদা অহিল্যবাই হোল্করগী শক্তম অমা য়াওগনি‍। প্রধান মন্ত্রীনা নপী আর্তিস্তশিংগী মফমদা ত্রাইবেল, ফোল্ক, অমসুং ত্রেদিস্তনেল আর্তকী লমদা থৌদাং লৌবগীদমক নেস্নেল দেবী অহিল্যবাই এৱার্দসু লান্থোক্কনি‍।

প্রধান মন্ত্রীনা উজৈন্দা ২০২৮ দা পাঙথোক্কদৌরিবা সিম্হাস্থ মহাকুম্ভগা মরী লৈননা ক্ষিপ্রা তুরেলদা লুপা করোর ৮৬০ হেনবগী খাত শেমগৎ শাগৎপগী থবক্কী উরেপ উয়ুং তমগনি‍। তুরেল অসিগী ঈশিংগী ঈচেল রিগুলেত তৌননবা বরাজ, স্তোপ দাব, অমদি ভেন্তেদ কোজৱেনচিংবা স্ত্রকচর কয়াসু শেমগৎ শাগৎকদৌরি‍।

লাস্ত মাইল এয়র কন্নেক্তিবিতী হেনগৎহন্নবা, প্রধান মন্ত্রীনা দাতিয়া অমসুং সত্ন এয়রপোর্ত শঙ্গাগদৌদুনা, বিন্ধ্য লমদমদা ইন্দস্ত্রী, তুরিজম, মহৈ মশিং, অমদি হকশেলগী অনৌবা খুদোংচাবা কয়া পুরক্কনি‍।

ময়োল্লমশিংদা চত্থোক চৎশিনগী ইনফ্রাস্ত্রকচর ফগৎহন্নবা মহাক্কী খোঙফম পরিংদা, প্রধান মন্ত্রীনা ইন্দোর মেত্রোগী য়েলো লাইনগী সুপর প্রাইওরিতী করিদোরদা পেসেঞ্জর সর্ভিসসু হৌদোক্কদৌরি‍। মসিনা ত্রাফিক অমদি পোলুসন হন্থহনবগা লোয়ননা, পেসেঞ্জরশিংদা নুংঙাইনা চত্থোক চৎশিন তৌবা ঙমহনগনি‍ হায়না পারি‍।

প্রধান মন্ত্রীনা লুপা করোর ৪৮০ হেনবগী অতল গ্রাম সুসাসন ভৱন ১,২৭১ শেমগৎ শাগৎপগী অহানবা ইন্সতোলমেন্ত ত্রান্সফর তৌগনি‍। বিল্দিংশিং অসিনা গ্রাম পঞ্চায়তশিদা পর্মেনেন্ত ইনফ্রাস্ত্রকচর ফংহন্দুনা, মখোয়গী এদমিনিস্ত্রেতিব মথৌ তৌবদা, মীফম পাঙথোকপদা, অমদি রেকোর্দশিং হেন্না মতিং লৈনা থমজিনবদা মতেঙ ওইগনি‍।

***