ত্রাইবেল এফ্যার্সকী কেন্দ্র মন্ত্রী শ্রী জোল ওরাম্না ঙসি নই দিল্লীদা পাউমীশিংগী মফমদা লৈবাকসিগী ত্রাইবেলশিংগী চাওখৎ থৌরাংগী লমদা লৈরিবা অহোবশিং মেনশিনবদা তৌবা য়াবা খুদিংমক তৌদনা তোক্লোই হায়খ্রে‍। মহাক্কী ওফিসিএল রেসিদেন্সতা পাউমীশিংগী মফমদা ৱা ঙাংলদুনা, মহাক্কী মন্ত্রালয়না লৈবাকসিগী তোঙান তোঙানবা ত্রাইবশিংগী চাওখৎ থৌরাংদা লৈরিবা অহোবশিং মেনশিন্নবা লম শুনা থবক পায়খৎলি হায়খি‍। ভারত লৈঙাক্না নবেম্বর ১৫, ২০২৪ দগী নবেম্বর ১৫, ২০২৫ ফাওবা ভগবান বির্সা মুন্দাগী ১৫০শুবা মপোক কুমওনবু জনজাতিয় গৌরব বর্স হায়না পাঙথোক্না ফিরেপ লৌখি হায়না শ্রী ওরাম্না হায়খি‍। মদুগী মতুং ইন্না, ত্রাইবেল এফ্যার্স মন্ত্রালয়না লৈবাক শিনবা থুংনা ত্রাইবেল রিছর্চ ইন্সতিত্যুৎ (TRI)শিংগী খুত্থাঙদা লৈবাক্কী অমদি স্তেতকী থাক্তা থৌরক কয়া পাঙথোক্তুনা স্তেত/য়ু.তি.শিংগা লোয়ননা চহি অমা চুপ্না পাঙথোক্নবা থৌরাং য়াৎখ্রে‍। চহি অমা চুপ্না পাঙথোক্কদৌরিবা থৌরম অসিনা ভারতকী নীংতম ঈহৌদা অমদি লৈবাক শেমগৎপদা ত্রাইবেল লুচিংবা অমদি ফুরুপশিংনা লৌখিবা থৌদাংবু নীংশিংলি‍। PM-JANMAN না স্তেত ১৮ অমদি য়ুনিয়ন তেরিতরী ০১ দা লৈরিবা পার্তিকুলর্লী ভল্নরেবল ত্রাইবেল গ্রুপ্স (PVTGs) ৭৫ গীদমক হীরম শুনা চাওখৎপা পুরক্নবা অওনবা পুরক্কদবা থৌশিলশিং পায়খৎনবা লেপ্লি হায়না শ্রী ওরাম্না হায়খি‍। লুপা করোর ২৪,১০৪ গী বজেত আউতলেগা লোয়ননা (কেন্দ্রগী শেয়র: লুপা করোর ১৫,৩৩৬ অমদি স্তেতকী শেয়র: লুপা করোর ৮,৭৬৮), PM-JANMAN অসি PVTG ফুরুপশিংদা থোং মান্নবা ইসেন্সিএল সর্ভিসশিং ফংহন্নবা, মখোয়গী পুন্সি মহিং ফগৎহন্নবা অমদি মখোয়গী খুন্নাই-শেন্মিৎলোনগী খোঙজেল লৈহন্নবা পান্দম থম্লি‍। নুংদা লৈরিবা পান্দমশিংগী মনুংদা, শাফবা য়ুম-কৈ, অরুবা থক্নবা ঈশিং, ফীভম ফগৎলবা মহৈ মশিং, হকশেল, মচি ওইবা মচল, লম্বী-থোং, মৈ, অমসুং তুং কোইগদবা পুন্সি মহিংগী খুদোংচাবশিং চহি অহুমগী মনুংদা ফংহনবা য়াওরি‍। পাউগী মীফম অদুদা ত্রাইবেল এফ্যার্সকী রাজ্য মন্ত্রী শ্রী দুর্গা দাস উইকেসু শরুক য়াখি‍।

মহাক্কী মন্ত্রালয়গী মায় পাকপশিংগী মরমদা পাউদম্লদুনা মহাক্না হায়খি, PM-JANMAN স্কীমগী মায় পাকপদা য়ুম্ফম ওইরগা, ত্রাইবেল এফ্যার্স মন্ত্রালয়না (MoTA) অওনবা পুরক্কদবা মল্তিসেক্তরেল ওইবা থৌশিল অমা ওইনা ধর্তি অব জনজাতিয় গ্রাম উতকর্স অভিয়ান, খুঙ্গংশিংদা লৈরিবা ত্রাইবেল মীওইশিংগী হীরম শুনা অমদি তুং কোইগদবা মওংগী চাওখৎপা পুরক্নবা হৌদোকখ্রে‍। স্কীম অসি ইকায়খুম্নরবা প্রধান মন্ত্রীনা ০২.১০.২০২৪ দা হজারিবাঘ, ঝার্খন্দদা হৌদোকখিবনি‍। মঙলান চাউবা থৌরাং অসিনা MoTA য়াওনা মন্ত্রালয় ১৭ কী স্কীমশিং, তার্গেতেদ ইন্তরভেন্সন ২৫ গী খুত্থাঙদা পুনশিন্দুনা, ত্রাইবেল খুঙ্গংশিংদা ইসেন্সিএল সর্ভিস ইনফ্রাস্ত্রকচা সেচুরেসন ফংহনবদা মীৎয়েঙ থম্লি‍। থৌরাং অসি কেন্দ্রগী চাকথুং লুপা করোর ৫৬,৩৩৩ অমদি স্তেতকী চাকথুং লুপা করোর ২২,৮২৩৪ য়াওরগা পুন্না চহি মঙাগী ওইনা লুপা করোর ৭৯,১৫৬ ক অচৌবা ইনভেস্তমেন্ত অমা দিভেলপমেন্ত এক্সন প্লান ফোর সিদ্যুল ত্রাইব্স (DAPST) কী খুত্থাঙদা মোবিলাইজ তৌদুনা চৈঙাক পীরি‍।

থৌরাং অসিনা অন্ত্যোদয়া মিসন গেপ দেতা (২০২২-২৩) দা য়ুম্ফম ওইরগা ত্রাইবেল মরাং কায়না খুন্দাবা খুঙ্গংশিং, এস্পিরেস্নেল দিস্ত্রিক্তশিং, অমদি ব্লোকশিংদা ইনফ্রাস্ত্রকচর অমদি হ্যুমেন দিভেলপমেন্তকী লৈরিবা অহোবশিং মেনশিনবদা মীৎয়েঙ থম্লি হায়না মহাক্না হায়খি‍। থৌরাং অসি এস্পিরেস্নেল ব্লোক অমদি দিস্ত্রিক্তশিংগী ৱাংমদা য়ৌশিন্দুনা লুপা করোর ৭৯,১৫৬ কী অপুনবা শেনফমগা লোয়ননা স্তেত ২৬ অমদি য়ু.তি. ৪ গী দিস্ত্রিক্ত ৫৪৯ গী ব্লোক ২,৯১১ দা লৈরিবা ত্রাইবেল খুঙ্গং ৬৩,৮৪৩ গী ত্রাইবেল মীশিং করোর ৫ রোম পান্দম থম্লি‍।

মসিগী মথক্তা, নেসস্নেল এজুকেসসন সোসাইতী ফোর ত্রাইবেল স্তুদেন্তস (NESTS) না, মরুওইনা এক্লবিয়া মোদেল রেসিদেন্সিএল স্কুল (EMRS) শিংদা ত্রাইবেল মহৈরোয়শিংগী মহৈ মশিং, ইনফ্রাস্ত্রকচর, অমদি মপুং ফানা চাওখৎপগী থাক হেনগৎহন্নবা অওনবা পুরক্কদবা থৌশিল কয়া পায়খৎলি‍। থৌশিলশিং অসিনা একাদমিক এক্সেলেন্স, স্কিল দিভেলপমেন্ত, এক্সত্রাকরিকুলর এঙ্গেজমেন্ত, তীচর ত্রেনিং, দিজিতেল লর্নিং, লীদর্সিপ, অমসুং স্তুদেন্ত ৱেল বিইংদা মীৎয়েঙ থম্লি হায়না মহাক্না হায়খি‍।

মন্ত্রালয় অসিনা স্কোলারসিপ স্কিম মঙা পায়খত্তুনা চহিদা ত্রাইবেল মহৈরোয় লাখ ৩০ দা কান্নবা ফংহল্লি হায়না শ্রী ওরাম্না হায়খি‍।

বজেত হেনগৎপা: ফাইনেন্সিএল এলোকেসন্দা শরুক ৩ হেনগৎপা (লুপা করোর ৯৭৮ তগী লুপা করোর ৩,০৮৮ দা)‍।

বেনিফিসরী হেনগৎলকপা: চহিদা লাখ ১৮ দগী লাখ ৩০ দা হেনগৎত্তুনা কভরেজকী চাং পাকথোকহল্লি‍।‍

হাইয়র এজুকেসন এক্সেস:

MPhil/PhD ফেলোসিপ: ৯৫০ → ২,৭০০‍।

নেস্নেল ওভর্সীজ স্কোলারসিপ: ৮ → ৫৮‍।

তোপ-ক্লাস এজুকেসন স্কীম: মহৈরোয় ৩,০০০ → ৭,০০০‍।

ত্রাইবেল এফ্যার্স মন্ত্রালয়না ২০২২ দা PMAAGY হৌদোকখিবা অসি ত্রাইবেলনা নম্না তাবা খুঙ্গংশিংবু ফিদম্নিংঙাই ওইবা খুঙ্গংশিং ওইনা শেমগৎনবা, অপুনবা লম্বী অমদা চঙশিন্দুনা মখোয়গী খুন্নাই-শেন্মিৎলোনগী ফীভম ফগৎহন্নবা পান্দম থম্লিবা মরুওইবা থৌশিল অমনি‍। ত্রাইবেল মীশিং ৫০% হেন্না তাবা খুঙ্গংশিংদা মীৎয়েঙ থমদুনা, PMAAGY না লম্বী-থোং অমদি তেলিকোমগী কন্নেক্তিবিতী, মহৈ মশিং, হকশেল, লু-নানবা, অমদি থক্নবা ঈশিং য়াওনা হীরম শুনা চাওখৎপা পুরক্নবা মরুওইবা সেক্তর ৮ দা  পান্দম থম্লি‍।য়

খুজিল থৌরাংগী থাক্তা, স্কীম অসিনা কনভর্জেন্সকী লমদা অমদা অহেনবা মীৎয়েঙ থমদুনা, তোঙান তোঙানবা সেক্তরশিংদগী মচাক মথুমশিং ত্রাইবেল খুঙ্গংশিং মপুং ফানা চাওখৎহন্নবা পান্দমদা পুনশিল্লি‍। থৌশিল অসিনা মপুং ওইবা ত্রাইবেলশিং মপাঙ্গল হাপ্নবা অমদি ফীভম ফগৎহন্নবা নেস্নেল ত্রাইবেল পোলিসী অমদি ত্রাইবেল সব-প্লান (TSP) দা মতেং পাংশিল্লি‍। মসিগী মরুওইবা শক্লোন অমদি অৱাৎ অপা মেনশিন্নবা খুঙ্গং অমমমদা লুপা লাখ ২০.৩৮ থাদদুনা স্তেত লৈঙাক্না থাগৎলকপা ভিলেজ দিভেলপমেন্ত প্লান (VDPs) দা য়াওরিবা মশক খঙদোক্লবা অকক্নবা মথৌ তাবশিংগী পাম্বৈ ওইগনি‍।

নেস্নেল সিদ্যুল ত্রাইবস ফাইনান্স এন্দ দিভেলপমেন্ত কোর্পোরেসন (NSTFDC) অসি ত্রাইবেল এফ্যার্স মন্ত্রালয়গী মখাদা লৈবা, সিদ্যুল ত্রাইব (STs) শিংগী শেন্মিৎলোনগী ফীভম ফগৎহন্নবগীদমক কত্থোক্লবা লূপ অমনি‍। হৌখিবা দেকেদ অসিদা (২০১৪-২০২৫), NSTFDC না মাগী থবক তৌরিবা মফম অমদি ইথিল মশক থোক্না পাকথোক চাউথোকহন্দুনা, ত্রাইবেল ওন্ত্রপ্রিন্যুর্স, সেল্ফ-হেল্প গ্রুপ, অমদি মহৈরোয়শিংগী মফমদা অতাবা মমলদা শেলগী তেংবাং ফংহন্দুনা লাক্লি‍।

সিদ্যুল্দ ত্রাইবস এন্দ অদর ত্রেদিস্নেল ফোরেস্ত দ্বেল্লর্স (রিকোগনিসন ওফ ফোরেস্ত রাইত) এক্ত (FRA) না ত্রাইবেল অমদি উমংদা খুন্দাবা ফুরুপশিংনা পুৱারীদগী থেংনদুনা লাক্লবা অচুম্বা ৱায়েল ফংদবগী ফীভম কোকহন্নবা মশক থোকপা খোঙথাং অমা ওইখি‍। এক্ত অসিনা লনাই অমদি ফুরুপকী হক ১৩ মশক খঙদোক্লি অমদি গ্রাম সভাশিংবু বাইওদাইভর্সিতী মেনেজ তৌনবা অমদি ঙাকথোক্নবা মপাঙ্গল পীদুনা খুন্নাইগী অচুম্বা ৱায়েলসু ফংহল্লি অমদি মহৌশাগী ফীভমবুসু ঙাক শেন্দুনা থমহল্লি‍। হৌখিবা দেকেদ অসিদা, মসি থবক ওইনা পায়খৎপগী লমদা মশক থোক্না খুমাঙ চাওশিন্দুনা, উমং ঙাক শেনবদা ত্রাইবেল ফুরুপশিংগী থৌদাং হেন্না চেৎশিনহল্লি‍।

ত্রাইবেল মীয়ামগী হকশেলগী সেক্তরগী মতাঙদদি, মহাক্কী মন্ত্রালয়না কেন্দ্র বজেত ২০২৩-২৪ দা মরুওইনা ভারতকী ত্রাইবেলনা খুন্দাবা মফমশিংদা সিকল সেল এনেমিয়া (SCA) না থোকহনবা হকশেলগী ক্রাইসিস কোকহন্নবা অচৌবা থৌশিল অমা লাউথোকখ্রে‍। মিসন অসিনা ২০৪৭ ফাওবদা সিকল সেল এনেমিয়া মুত্থৎনবা লৈবাক অসিনা থম্লিবা মীৎয়েঙগী পরিংদা চঙশিল্লি‍।

• সিকে সেল এনেমিয়া ইলিমিনেসন মিসন: ইকায়খুম্নরবা প্রধান মন্ত্রীনা জুলাই ১, ২০২৩ দা মধ্য প্রদেশকী সাহদোলদা হৌদোকখি‍। য়ুনিভর্সেল স্ক্রীনিং দ্রাইব অসিগী মখাদা মীওই করোর ৫ হেন্না সিকল সেল এনেমিয়াগী স্ক্রীন তৌখ্রে‍।
• এৱ্যারনেস কেম্পেনগী পনবা য়াবা ৱাফমশিং: চয়োল অনিগী ওইবা লৈবাক পুম্বগী ওইবা কেম্পেন জুন ১৯ দগী জুলাই ৩, ২০২৪ দা পাঙথোকখি‍। হেল্থ কেম্প লাখ ১; স্ক্রীনিং তেস্ত লাখ ২৭; স্ক্রীনিং কার্দ লাখ ১৩.১৯ য়েন্থোকপা য়াওনা থৌরম লাখ ১.৬০ পাঙথোকখি‍।
• ধর্তি অব জনজাতিয় গ্রাম উতকর্স অভিয়ানগী মখাদা সেন্তর ওফ কম্পিতেন্স (CoC): ত্রাইবেলগী হকশেলগী সর্ভিস ফগৎহন্নবা স্তেত ১৪ দা সেন্তর ওফ কম্পিতেন্স ১৫ সেংসন তৌখ্রে‍।

******