نائب صدر جمہوریہ جناب جگدیپ دھنکھڑ نے کسانوں کو براہ راست امداد پر زور دیتے ہوئے آج کہا: ’’کسانوں کی آمدنی میں حقیقی اضافہ تب ہوگا جب ہر قسم کی امداد انہیں براہ راست ملے گی۔ امریکہ میں، ایک کسان کے خاندان کی آمدنی ایک اوسط گھرانے سے زیادہ ہے۔ اس کی ایک اہم وجہ یہ ہے کہ کسانوں کو حکومت کی طرف سے براہ راست مدد ملتی ہے۔ ہمارے ملک میں ، کھادوں پر ایک بڑی سبسڈی ہےاور بہت سی دیگر اہم سبسڈیز بھی ہیں، لیکن یہ بالواسطہ ہیں۔ اگر یہ تمام سبسڈی براہ راست کسانوں کو پہنچائی جائیں تو میرا اندازہ ہے کہ ہر کسان کو سالانہ کم از کم 35,000 روپے ملیں گے۔ میرا ماننا ہے کہ انڈین کونسل فار ایگریکلچرل ریسرچ (آئی سی اے آر) اس کا نوٹس لے گی اور ایک مکمل دستاویز شائع کرے گی تاکہ کسان زیادہ سے زیادہ ممکنہ حد تک خود کو فائدہ پہنچا سکیں ۔۔۔ حکومت ہر ممکن طریقے سے کسانوں کی مدد کر رہی ہے: پی ایم-کسان سمان ندھی براہ راست کسانوں کے کھاتوں میں جمع کرائی جاتی ہے۔ اب ، یہ ضروری ہے کہ دیگر تمام امداد بھی براہ راست اس کے کھاتوں میں جمع کی جائیں ، کیونکہ اس سے بہت فائدہ ہوگا۔‘‘

انھوں نے کہا ’’میں آج سب کے لیے دل کی گہرائیوں سے اعلان کرنا چاہتا ہوں کہ زراعت صرف ایک اقتصادی شعبہ نہیں ہے ۔صنعت کے ساتھ اس کے گہرے تعلقات ہیں اور عزت مآب وزیر اعظم نے یہ پہل کی ہے۔ ہماری نصف آبادی زراعت پر منحصر ہے۔‘‘

مدھیہ پردیش کے نرسنگھ پور میں ’زرعی صنعتی کانکلیو‘ کے افتتاح کے بعد اپنے خطاب میں بھارتی مسلح افواج کی بہادری کی تعریف کرتے ہوئے انھوں نے کہا: ’’آج کا بھارت مانتا ہے کہ... ہماری مسلح افواج کی بہادری نے ہر بھارتی کا سر فخر سے اونچا کردیا ہے‘‘۔ ہم فخر سے کہتے ہیں کہ ہم بھارتی ہیں، بھارت بدل چکا ہے اور بھارت دہشت گردی کو برداشت نہیں کرے گا ۔ جو 70 سال میں نہیں ہوا تھا ، وہ بھارت کے وزیر اعظم کے ایک جرأت مندانہ فیصلے سے ہوا- انہوں نے پاکستان کا پانی روک دیا اور اعلان کیا کہ خون اور پانی ایک ساتھ نہیں بہہ سکتے۔ یہ ایک طاقتور پیغام ہے ۔ ان لوگوں کے وقار کا تحفظ کیا گیا جنہوں نے اپنے پیاروں کو کھو دیا ۔‘‘

آپریشن سندور کا حوالہ دیتے ہوئے انہوں نے کہا: ’’آج، پورا ملک حب الوطنی کے جذبے سے سرشار ہے، دہشت گردی کے خلاف متحد ہے۔ وزیر اعظم کی قیادت میں بھارت نے آپریشن سندور کے ذریعے پہلگام کا جواب دیا۔ دنیا نے اس ردعمل کو تسلیم کیا ہے۔ دنیا کی تاریخ میں اس سے پہلے کبھی کسی وزیر اعظم نے-بہار سے-دنیا کو اتنا سخت پیغام نہیں بھیجا تھا، جس میں اس بات کی تصدیق کی گئی تھی کہ جو لوگ سندور (ازدواجی وقار کی علامت) کو مٹا دیتے ہیں انہیں زمین پر جینے کا کوئی حق نہیں ہے۔ بھارت کی طرف سے بین الاقوامی سرحد کے اندرونی حصوں-بہاوالپور ، موریدکے میں-جیش محمد اور لشکر طیبہ کے اڈوں پر حملے درست اور تباہ کن تھے۔ کوئی ثبوت نہیں مانگ رہا ہے۔کوئی بھی نہیں ۔ کیونکہ تابوتوں (دہشت گردوں کے) کے ساتھ ان کی فوج ، ان کے رہنما اور دہشت گرد تھے۔ بھارت کو ثبوت فراہم کرنے کی ضرورت نہیں ہے۔ زخمی ہونے والے لوگ پہلے ہی دنیا کو ثبوت دکھا چکے ہیں۔ بھارت کے وزیر اعظم کا عزم ایک مردِ آہن کے عزم کی طرح ہے۔ اب ہر شہری قومی فخر کے جذبے سے سرشار ہے اور قومی مفاد کے تئیں وقف ہے۔‘‘