مرکزی وزیر تعلیم جناب دھرمیندر پردھان نے آج نئی دہلی میں لیورپول یونیورسٹی کو لیٹر آف انٹینٹ (ایل او آئی) سونپنے کی تقریب کی صدارت کی۔ یہ دوسری غیر ملکی یونیورسٹی ہوگی جسے یو جی سی (ہندوستان میں غیر ملکی اعلیٰ تعلیمی اداروں کے کیمپسز کا قیام اور آپریشن) ضوابط، 2023 کے تحت ایل او آئی جاری کیا گیا۔

محترمہ لنڈی کیمرون سی بی او بی ای ، ہندوستان میں برطانوی ہائی کمشنر ڈاکٹر ونیت جوشی ،  عبوری چیئرمین یو جی سی اور سکریٹری محکمہ اعلی تعلیم ، وزارت تعلیم پروفیسر ٹم جونز  وائس چانسلر  لیور پول یونیورسٹی، پروفیسر طارق علی  پرو وائس چانسلر ، گلوبل اینگیجمنٹ اینڈ پارٹنرشپ ، لیور پول یونیورسٹی، اس کے علاوہ وزارت خارجہ اور وزارت تعلیم ، یونیورسٹی گرانٹس کمیشن کے عہدیدار اور دیگر معززین بھی اس تقریب میں موجود تھے ۔ رائل کالج آف آبسٹیٹریشینز اینڈ گائناکولوجسٹس (آر سی او جی) آسٹرا زینیکا فارما انڈیا لمیٹڈ ، یو ویکن اور ڈریم 11 سمیت کمپنیوں اور تنظیموں کے ساتھ مستقبل کے باہمی تعاون کے مواقع تلاش کرنے کے لیے آج تین اہم مفاہمت ناموں پر بھی دستخط کیے گئے ۔

تقریب سے خطاب کرتے ہوئے جناب  پردھان نے کہا کہ لیٹر آف انٹینٹ عالمی اعلیٰ تعلیم میں ایک قابل اعتماد شراکت دار کے طور پر ہندوستان کے ابھرنے کی تصدیق کرتا ہے۔ انہوں نے کہا کہ یہ سرکردہ عالمی یونیورسٹیوں کے ساتھ تعلیمی شراکت داری کومضبوط کرنے کے ہندوستان کے سفر میں ایک اور سنگ میل ہے۔ ایک خواہش جو قومی تعلیمی پالیسی 2020 کے تبدیلی کے وژن میں مضبوطی سے سرایت کر گئی ہے۔

وزیر اعظم جناب نریندر مودی کے الفاظ کو دہراتے ہوئے وزیرموصوف نے کہا کہ وزیر اعظم نے 2047 تک ملک کو ایک ترقی یافتہ ہندوستان بنانے کا ہدف رکھا ہے۔ انہوں نے زور دے کر کہا کہ این ای پی 2020 کو صحیح معنوں میں نافذ کرنا اس عزائم کو پورا کرنے کی کلید ہے۔ انہوں نے کہا کہ این ای پی 2020 کی بنیادی سفارشات میں سے ایک بنیادی، مستقبل اور عالمی تعلیم ہے اور اس کا مقصد عالمی شہریوں کو تیار کرنا ہے۔

جناب پردھان نے آر اینڈ ڈی اور اختراع جیسے شعبوں پر توجہ مرکوز کرنے پر بھی زور دیا، اور اس بات پر خوشی کا اظہار کیا کہ لیورپول یونیورسٹی ایس ٹی ای ایم سے متعلق تحقیق پر توجہ مرکوز کرنے جا رہی ہے جو جدت کو آگے بڑھائے گی۔ انہوں نے کہا کہ عالمی شہریوں کی نئی نسل تیار کرنا ضروری ہے۔ انہوں نے کہا کہ ہندوستان میں اختراعی مرکز یونیورسٹی اور سماج دونوں کے لیے باہمی طور پر فائدہ مند ثابت ہوگا۔ انہوں نے روشنی ڈالی کہ یونیورسٹی آف لیورپول چوتھی غیر ملکی یونیورسٹی ہے جس نے ہندوستان میں اپنی موجودگی کا عوامی طور پر اعلان کیا۔ انہوں نے کہا کہ اس تعلیمی سال تک 15 غیر ملکی یونیورسٹیاں ہندوستان آئیں گی، خاص طور پرایس ٹی ای ایم بی میں۔

انہوں نےاس  یقین  کا اظہار کیا کہ بنگلورو میں یونیورسٹی آف لیورپول کیمپس ایک عالمی کیمپس ہوگا جو تحقیق اور اختراع کی حدود کو  وسیع کرے گا اور عالمی فلاح و بہبود اور خوشحالی میں اپنا حصہ ڈالنے کے لیے سائنسی مزاج کو فروغ دے گا۔ جناب دھرمیندر پردھان  نے کہا کہ پائیداری، صحت اور بہبود اور خوشحالی آج دنیا کا مشترکہ ایجنڈا ہے اور یونیورسٹیاں اس کے مرکز میں ہیں۔ انہوں نے کہا کہ ‘واسودھیو کٹمبکم’ کے خیال کے ساتھ ہندوستان عالمی ایجنڈے کو آگے بڑھانے اور عالمی ذمہ داریوں کو پورا کرنے کے لیےصحیح جگہ ہے۔

اپنے خطاب میں ڈاکٹر ونیت جوشی نے کہا کہ لیٹر آف انٹینٹ محض ایک رسمی اشارہ نہیں ہے بلکہ یہ ہندوستان کے اعلیٰ تعلیمی نظام میں جاری وسیع اور گہری تبدیلی کی عکاسی کرتا ہے ،جو اسٹریٹجک اصلاحات، بین الاقوامی مشغولیت، اور ایک مضبوط پالیسی کی بنیاد پر کارفرما ہے۔ انہوں نے یہ بھی بتایا کہ این ای پی2020نے ہندوستانی تعلیم کو مزید جامع، عالمی سطح پر مسابقتی اور مستقبل کے لیے تیار کرنے کے لیے ہدفی اصلاحات کی ہیں۔ انہوں نے کہا کہ این ای پی 2020 کے تبدیلی کے ایجنڈے میں شامل بین الاقوامی سطح پر اہم ترجیح بن گئی ہے۔ جس میں عالمی رابطے، اعلیٰ معیارات اور ادارہ جاتی لچک پر زور دیا گیا ہے۔

یونیورسٹی آف لیورپول کو یونیورسٹی گرانٹس کمیشن (یو جی سی) سے بنگلورو میں اپنا پہلا غیر ملکی یونیورسٹی کیمپس کھولنے کی باضابطہ منظوری مل گئی ہے۔ اگست 2026 میں انڈرگریجویٹ اور پوسٹ گریجویٹ طلباء کے اپنے پہلے گروپ کا استقبال کرنے کے لیے طے شدہ یہ ابتدائی طور پر بزنس مینجمنٹ، اکاؤنٹنگ اور فنانس، کمپیوٹر سائنس اور بائیو میڈیکل سائنسز میں پروگرام پیش کرے گا۔ قابل ذکر بات یہ ہے کہ یہ گیم ڈیزائن میں ایک پروگرام بھی شروع کرے گا جو کہ ہندوستان میں یو کے یونیورسٹی کے کیمپس میں اس اختراعی مضمون کو متعارف کرانے کے لیے ایک منفرد پیشکش ہے۔ نیا کیمپس بھرپور عالمی تبادلے کے مواقع بھی پیدا کرے گا، جس سے برطانیہ میں مقیم طلباء کو بین الاقوامی مطالعہ کے لیے ایک دلچسپ نئی منزل ملے گی۔

بنگلورو کیمپس میں تحقیق پر مبنی ماحول بنایا جائے گا۔ اہم بنیادی، لاگو اور صنعت سے چلنے والی تحقیق بنگلور کیمپس پر مبنی ہوگی، جو عالمی اور مقامی چیلنجوں اور ضروریات کی ایک حد کے حل فراہم کرے گی۔ آجروں کے ساتھ یونیورسٹی کے اچھے تعلقات، کامیاب سابق طلباء اور انٹرپرائز اور انٹرپرینیورشپ سرگرمیوں کے لیے بہتر تعاون اس بات کو یقینی بنائے گا کہ طلباء کامیاب کریئر یا مزید مطالعہ کے لیے درکار  ضروری مہارتوں کو تیار کریں۔

ایک حقیقی بین الاقوامی یونیورسٹی کے طور پر ہندوستانی طلباء کو گلوبل موبلٹی اسکیم تک بھی رسائی حاصل ہوگی جو لیورپول اور پوری دنیا میں تعلیمی، پیشہ ورانہ اور ذاتی ترقی کے لیے اہم مواقع فراہم کرے گی اور آج کی باہم مربوط دنیا میں کامیابی کے لیے درکار بین الاقوامی تناظر فراہم کرے گی۔ عالمی صنعت کے معیارات پر پورا اترنے کے لیے ڈیزائن کیے گئے اور متنوع فیکلٹی کے ذریعے پڑھائے جانے والے نصاب کے ساتھ طلبا ء  روزگار کےبین الاقوامی  بازار میں مقابلہ کرنے اور عالمی افرادی قوت میں بامعنی شراکت کرنے کے لیے تیار ہوں گے۔

اس تقریب کے دوران دو پینل مباحثے بعنوان ‘فری ٹریڈ ایگریمنٹ اور اس سے آگے’ اور ‘انڈیا-یو کے چیلنج آف اینٹی مائکروبیل ریزسٹنس (اے ایم آر)’ بھی منعقد کیے گئے۔

لیورپول یونیورسٹی کے بارے میں

1881 میں اصل ‘سرخ اینٹ’ کے طور پر قائم کی گئی یونیورسٹی آف لیورپول برطانیہ کے معروف تحقیقی اعلیٰ تعلیمی اداروں میں سے ایک ہے جس کا سالانہ کاروبار 708.3 ملین پاؤنڈ ہے۔ دنیا بھر کی سرفہرست 175 یونیورسٹیوں میں مستقل طور پر درجہ بندی کی گئی، وہ برطانیہ کی معروف تحقیقی یونیورسٹیوں کے باوقار رسل گروپ کے ممبر ہیں اور ان کی عالمی رسائی اور اثر و رسوخ ہے جو ملک کے سب سے بڑے شہری اداروں میں سے ایک کے طور پر ہمارے علمی ورثے کی عکاسی کرتا ہے۔

****

ش ح۔م ح۔ش ت

U NO: 1104