ഗംഗാ മാതാ കീ ജയ് 

ഗംഗാ മാതാ കീ ജയ് 

ഗംഗാ മാതാ കീ ജയ് 

ഭാരത് മാതാ കീ ജയ്

ഭാരത് മാതാ കീ ജയ്

ഭാരത് മാതാ കീ ജയ്

ഭാരത് മാതാ കീ ജയ്!

ഉത്തരാഖണ്ഡിലെ എന്റെ പ്രിയപ്പെട്ട സഹോദരീ സഹോദരന്മാരേ, നിങ്ങൾക്കെല്ലാവർക്കും എന്റെ ആശംസകൾ, നമസ്കാരം!

ഇവിടുത്തെ ഊർജ്ജസ്വലനായ മുഖ്യമന്ത്രി, എന്റെ ഇളയ സഹോദരൻ പുഷ്കർ സിംഗ് ധാമി ജി, കേന്ദ്രമന്ത്രി ശ്രീ അജയ് ടംടാ ജി, സംസ്ഥാന മന്ത്രി സത്പാൽ മഹാരാജ് ജി, പാർലമെന്റിലെ എന്റെ സഹപ്രവർത്തകനും ഭാരതീയ ജനതാ പാർട്ടിയുടെ സംസ്ഥാന പ്രസിഡന്റുമായ മഹേന്ദ്ര ഭട്ട് ജി, പാർലമെന്റിലെ എന്റെ സഹപ്രവർത്തകനായ മാലാ രാജ്യ ലക്ഷ്മി ജി, എംഎൽഎ സുരേഷ് ചൗഹാൻ ജി, എല്ലാ വിശിഷ്ട വ്യക്തികളേ സഹോദരീ സഹോദരന്മാരെ.

ആദ്യം തന്നെ, കുറച്ച് ദിവസങ്ങൾക്ക് മുമ്പ് മാണാ ഗ്രാമത്തിൽ നടന്ന അപകടത്തിൽ ഞാൻ എന്റെ ദുഃഖം രേഖപ്പെടുത്തുന്നു. അപകടത്തിൽ ജീവൻ നഷ്ടപ്പെട്ടവരുടെ കുടുംബങ്ങൾക്ക് എന്റെ അനുശോചനം അറിയിക്കുന്നു. ഈ പ്രതിസന്ധി ഘട്ടത്തിൽ രാജ്യത്തെ ജനങ്ങൾ കാണിച്ച ഐക്യദാർഢ്യം ദുരിതബാധിത കുടുംബങ്ങൾക്ക് വലിയ ധൈര്യം നൽകിയിട്ടുണ്ട്.

സുഹൃത്തുക്കളേ,

നമ്മുടെ ദേവഭൂമിയായ ഉത്തരാഖണ്ഡിലെ ഈ ഭൂമി ആത്മീയ ഊർജ്ജത്താൽ സമ്പന്നമാണ്. നാല് ധാമുകളാലും അനന്തമായ തീർത്ഥാടന കേന്ദ്രങ്ങളാലും അനുഗ്രഹീതമായ, ജീവദായിനി ഗംഗാ മാതാവിൻ്റെ ഈ ശൈത്യകാല ഇരിപ്പിടമായ ഇവിടെ വീണ്ടും വന്ന് ഇന്ന് നിങ്ങളെയും നിങ്ങളുടെ കുടുംബങ്ങളെയും കാണാൻ കഴിഞ്ഞതിൽ ഞാൻ ഭാഗ്യവാനാണ്. ദശാബ്ദങ്ങളായി ഉത്തരാഖണ്ഡിനെ സേവിക്കാൻ എനിക്ക് ഭാഗ്യം ലഭിച്ചത് ഗംഗാ മാതാവിന്റെ കൃപ കൊണ്ടു മാത്രമാണ്. ദേവിയുടെ അനുഗ്രഹം കൊണ്ടാണെന്ന് ഞാൻ വിശ്വസിക്കുന്നു, ഇപ്പോൾ ഞാൻ ഒരു എംപിയായി കാശിയെ സേവിക്കുന്നു. അതുകൊണ്ടാണ് ഞാൻ കാശിയിൽ പറഞ്ഞത് - മാ ഗംഗ എന്നെ വിളിച്ചു. കുറച്ച് മാസങ്ങൾക്ക് മുമ്പ്, മാ ഗംഗ എന്നെ ദത്തെടുത്തതായി എനിക്കും തോന്നി. ഇതാണ് മാ ഗംഗയുടെ വാത്സല്യം. മാതാവിൻ്റെ ഈ സന്തതിയോടുള്ള വാത്സല്യം കൊണ്ടാണ് ഇന്ന് ഞാൻ അവരുടെ മാതൃഭവനമായ മുഖവാ ഗ്രാമത്തിൽ എത്തിയത്. ഇവിടെ മുഖിമഠ്-മുഖവായിൽ ദർശനത്തിന്റെയും ആരാധനയുടെയും ഭാഗ്യം എനിക്ക് ലഭിച്ചു.

സുഹൃത്തുക്കളേ,

ഇന്ന്, ഞാൻ ഈ ഹർഷിൽ ​ഗ്രാമത്തിൽ വരുമ്പോൾ, എന്റെ ദീദി-ഭൂലിയോമിന്റെ വാത്സല്യവും ഞാൻ ഓർക്കുന്നു. അവർ എനിക്ക് ഹർഷിൽ  രാജ്മയും മറ്റ് പ്രാദേശിക ഉൽപ്പന്നങ്ങളും അയച്ചു തരാറുണ്ട്. ഈ വാത്സല്യത്തിനും സമ്മാനത്തിനും ഞാൻ നിങ്ങളോട് നന്ദിയുള്ളവനാണ്.

സുഹൃത്തുക്കളേ,

കുറച്ച് വർഷങ്ങൾക്ക് മുമ്പ്, ഞാൻ ബാബയുടെ കാൽക്കൽ വണങ്ങാൻ പോയപ്പോൾ, ബാബ കേദാർനാഥിൽ ദർശനത്തിനും പ്രാർത്ഥനയ്ക്കും ശേഷം പെട്ടെന്ന് എന്റെ നാവിൽ നിന്ന് ചില വികാരങ്ങൾ പുറത്തുവന്നു, ഞാൻ പറഞ്ഞു- ഈ ദശകം ഉത്തരാഖണ്ഡിന്റെ ദശകമായിരിക്കും. ആ വാക്കുകൾ എന്റേതായിരുന്നു, ആ വികാരങ്ങൾ എന്റേതായിരുന്നു, പക്ഷേ അവയ്ക്ക് പിന്നിലുള്ള ശക്തി നൽകിയത് ബാബ കേദാർനാഥിൻ്റെ കരുത്ത് തന്നെയാണ് . ബാബ കേദാറിന്റെ അനുഗ്രഹത്താൽ, ആ വാക്കുകൾ, ആ വികാരങ്ങൾ പതുക്കെ സത്യമായും യാഥാർത്ഥ്യമായും മാറുന്നത് ഞാൻ കാണുന്നു. ഈ ദശകം ഉത്തരാഖണ്ഡിന്റെ ദശകമായി മാറുകയാണ്. ഉത്തരാഖണ്ഡിന്റെ പുരോഗതിക്കായി പുതിയ പാതകൾ തുറക്കുന്നു. ഉത്തരാഖണ്ഡ് രൂപീകരിച്ചപ്പോൾ ഉണ്ടായ അഭിലാഷങ്ങൾ, ഉത്തരാഖണ്ഡിന്റെ വികസനത്തിനായി ഞങ്ങൾ എടുത്ത തീരുമാനങ്ങൾ, എല്ലാ ദിവസവും പുതിയ വിജയങ്ങളിലേക്കും പുതിയ ലക്ഷ്യങ്ങളിലേക്കും നീങ്ങുന്നു, ആ തീരുമാനങ്ങൾ ഇന്ന് പൂർത്തീകരിക്കപ്പെടുന്നു. ഈ ദിശയിൽ, ശൈത്യകാല വിനോദ സഞ്ചാരം മറ്റൊരു വളരെ പ്രധാനപ്പെട്ട ചുവടുവയ്പ്പാണ്. ഇതിലൂടെ, ഉത്തരാഖണ്ഡിന്റെ സാമ്പത്തിക സാധ്യതകൾ സാക്ഷാത്കരിക്കുന്നതിൽ വലിയ സഹായം ലഭിക്കും. ഈ നൂതന ശ്രമത്തിന് ധാമി ജിയെയും ഉത്തരാഖണ്ഡ് ​ഗവണ്മെൻ്റിനെയും ഞാൻ അഭിനന്ദിക്കുന്നു, ഉത്തരാഖണ്ഡിന്റെ പുരോഗതിക്കായി ആശംസിക്കുന്നു.

സുഹൃത്തുക്കളേ,

ഉത്തരാഖണ്ഡിന്റെ വിനോദസഞ്ചാര മേഖല വൈവിധ്യപൂർണ്ണമാക്കേണ്ടത് വളരെ പ്രധാനമാണ്, വർഷം മുഴുവനും 365 ദിവസവും. സീസൺ എന്തുതന്നെയായാലും ഉത്തരാഖണ്ഡിൽ ടൂറിസം ഉണ്ടാകണമെന്ന് ഞാൻ ആഗ്രഹിക്കുന്നു, ഓഫ് സീസൺ ഉണ്ടാകരുത്. ഇപ്പോൾ ഓൺ ചെയ്യാനുള്ള സമയമാണ്, ഓഫ് ചെയ്യേണ്ട സമയമല്ല. നിലവിൽ, പർവതപ്രദേശങ്ങളിലെ വിനോദസഞ്ചാരം സീസണൽ ആണ്. നിങ്ങൾക്കെല്ലാവർക്കും അറിയാവുന്നതുപോലെ, മാർച്ച്, ഏപ്രിൽ, മെയ്, ജൂൺ മാസങ്ങളിൽ ധാരാളം വിനോദസഞ്ചാരികൾ എത്തുന്നു, പക്ഷേ അതിനുശേഷം അവരുടെ എണ്ണം ഗണ്യമായി കുറയുന്നു. ശൈത്യകാലത്ത്, മിക്ക ഹോട്ടലുകളും റിസോർട്ടുകളും ഹോംസ്റ്റേകളും ഒഴിഞ്ഞുകിടക്കുന്നു. ഈ അസന്തുലിതാവസ്ഥ വർഷത്തിൽ ഭൂരിഭാഗവും ഉത്തരാഖണ്ഡിൽ സാമ്പത്തിക മാന്ദ്യത്തിലേക്ക് നയിക്കുന്നു, ഇത് പരിസ്ഥിതിക്കും ഒരു വെല്ലുവിളി ഉയർത്തുന്നു.

സുഹൃത്തുക്കളേ,

ശൈത്യകാലത്ത് ഇന്ത്യയിലും വിദേശത്തുമുള്ള ആളുകൾ ഇവിടെ വന്നാൽ ദേവഭൂമിയുടെ പ്രഭാവലയത്തെക്കുറിച്ച് അവർക്ക് ഒരു യഥാർത്ഥ പരിചയം ലഭിക്കും എന്നതാണ് സത്യം. ശൈത്യകാല ടൂറിസത്തിൽ ട്രെക്കിംഗ്, സ്കീയിംഗ് തുടങ്ങിയ പ്രവർത്തനങ്ങളുടെ ആവേശം ഇവിടുത്തെ ആളുകളെ ശരിക്കും ആവേശഭരിതരാക്കും. ഉത്തരാഖണ്ഡിലെ മതപരമായ തീർത്ഥാടനത്തിനും ശൈത്യകാലം വളരെ പ്രത്യേകമാണ്. ഈ സമയത്ത് നിരവധി തീർത്ഥാടന കേന്ദ്രങ്ങളിൽ പ്രത്യേക ആചാരങ്ങളും നടത്താറുണ്ട്. മുഖവാ ഗ്രാമം നോക്കൂ, ഇവിടെ നടത്തുന്ന മതപരമായ ആചാരങ്ങൾ നമ്മുടെ പുരാതനവും അത്ഭുതകരവുമായ പാരമ്പര്യത്തിന്റെ ഭാഗമാണ്. അതിനാൽ, വർഷം മുഴുവനും ടൂറിസം എന്ന ഉത്തരാഖണ്ഡ് ​ഗവണ്മെൻ്റിൻ്റെ ദർശനം, 365 ദിവസത്തെ ടൂറിസം എന്ന ദർശനം ആളുകൾക്ക് ദൈവിക അനുഭവങ്ങളുമായി ബന്ധപ്പെടാൻ അവസരം നൽകും. ഇത് വർഷം മുഴുവനും ലഭ്യമായ തൊഴിലവസരങ്ങൾ വികസിപ്പിക്കും, ഇത് ഉത്തരാഖണ്ഡിലെ തദ്ദേശവാസികൾക്കും ഇവിടുത്തെ യുവാക്കൾക്കും വളരെയധികം ഗുണം ചെയ്യും.

സുഹൃത്തുക്കളേ,

ഉത്തരാഖണ്ഡിനെ ഒരു വികസിത സംസ്ഥാനമാക്കാൻ ഞങ്ങളുടെ ഇരട്ട എഞ്ചിൻ ​ഗവണ്മെൻ്റ് ഒരുമിച്ച് പ്രവർത്തിക്കുന്നു. ചാർധാം-എല്ലാ കാലാവസ്ഥയ്ക്കും അനുയോജ്യമായ റോഡ്, ആധുനിക എക്സ്പ്രസ് വേ, സംസ്ഥാനത്തെ റെയിൽവേ, വിമാന, ഹെലികോപ്റ്റർ സർവീസുകളുടെ വികസനം, എന്നിങ്ങനെ കഴിഞ്ഞ 10 വർഷത്തിനുള്ളിൽ ഉത്തരാഖണ്ഡ് അതിവേഗം വികസിച്ചു. ഇന്നലെയാണ് കേന്ദ്ര ​ഗവണ്മെൻ്റ് ഉത്തരാഖണ്ഡിനായി വളരെ വലിയ തീരുമാനങ്ങൾ എടുത്തത്. ഇന്നലെ കേന്ദ്ര മന്ത്രിസഭ കേദാർനാഥ് റോപ്പ് വേ പദ്ധതിക്കും ഹേമകുണ്ഡ് റോപ്പ് വേ പദ്ധതിക്കും അംഗീകാരം നൽകി. കേദാർനാഥ് റോപ്പ് വേയുടെ നിർമ്മാണത്തിനുശേഷം, 8 മുതൽ 9 മണിക്കൂർ വരെ എടുക്കുന്ന യാത്ര ഇപ്പോൾ ഏകദേശം 30 മിനിറ്റിനുള്ളിൽ പൂർത്തിയാകും. ഇത് പ്രായമായവർക്കും കുട്ടികൾക്കും സ്ത്രീകൾക്കും കേദാർനാഥ് യാത്ര എളുപ്പമാക്കും. ഈ റോപ്പ് വേ പദ്ധതികൾക്കായി ആയിരക്കണക്കിന് കോടി രൂപ ചെലവഴിക്കും. ഈ പദ്ധതികൾക്ക് ഉത്തരാഖണ്ഡ് ഉൾപ്പെടെയുള്ള മുഴുവൻ രാജ്യത്തെയും ഞാൻ അഭിനന്ദിക്കുന്നു.

സുഹൃത്തുക്കളേ,

ഇന്ന്, പർവതങ്ങളിലെ ഇക്കോ ലോഗ് ഹട്ടുകൾ, കൺവെൻഷൻ സെന്ററുകൾ, ഹെലിപാഡ് അടിസ്ഥാന സൗകര്യം എന്നിവയിലും ശ്രദ്ധ കേന്ദ്രീകരിക്കുന്നു. ഉത്തരാഖണ്ഡിലെ ജാദുങ് ഗ്രാമം, മാണാ ഗ്രാമം, ടിമ്മർ-സെയ്ൻ മഹാദേവ് എന്നിവിടങ്ങളിൽ ടൂറിസം അടിസ്ഥാന സൗകര്യങ്ങൾ പുതുതായി വികസിപ്പിച്ചുകൊണ്ടിരിക്കുന്നു, 1962 ൽ ചൈന ഇന്ത്യയെ ആക്രമിച്ചപ്പോൾ നമ്മുടെ ഈ രണ്ട് ഗ്രാമങ്ങളും ഒഴിപ്പിക്കപ്പെട്ടു എന്ന് നാട്ടുകാർക്ക് ചിലപ്പോൾ അറിയാമായിരിക്കാം, അല്ലെങ്കിൽ അറിയില്ലായിരിക്കാം. 60-70 വർഷങ്ങൾ കടന്നുപോയി, ആളുകൾ മറന്നുപോയി, ഞങ്ങൾക്ക് മറക്കാൻ കഴിയില്ല, ആ രണ്ട് ഗ്രാമങ്ങളെയും പുനരധിവസിപ്പിക്കാൻ ഞങ്ങൾ ഒരു കാമ്പയിൻ ആരംഭിച്ചു, അതിനെ ഒരു വലിയ വിനോദസഞ്ചാര കേന്ദ്രമാക്കി മാറ്റുന്നതിനുള്ള ദിശയിലേക്ക് ഞങ്ങൾ മുന്നോട്ട് പോകുന്നു. ഇതിന്റെ ഫലമായി ഈ ദശകത്തിൽ ഉത്തരാഖണ്ഡിലെ വിനോദസഞ്ചാരികളുടെ എണ്ണം അതിവേഗം വർദ്ധിച്ചു. 2014 ന് മുമ്പ്, ചാർധാം യാത്രയിൽ എല്ലാ വർഷവും ശരാശരി 18 ലക്ഷം തീർത്ഥാടകർ എത്തിയിരുന്നു. ഇപ്പോൾ എല്ലാ വർഷവും ഏകദേശം 50 ലക്ഷം തീർത്ഥാടകർ എത്തിത്തുടങ്ങിയിട്ടുണ്ട്. 50 വിനോദസഞ്ചാര കേന്ദ്രങ്ങൾ വികസിപ്പിക്കുന്നതിന് ഈ വർഷത്തെ ബജറ്റിൽ ഒരു വ്യവസ്ഥ ചെയ്തിട്ടുണ്ട്. ഈ സ്ഥലങ്ങളിലെ ഹോട്ടലുകൾക്ക് അടിസ്ഥാന സൗകര്യ പദവി നൽകും. ഇത് വിനോദസഞ്ചാരികൾക്കുള്ള സൗകര്യങ്ങൾ വർദ്ധിപ്പിക്കുകയും പ്രാദേശിക തൊഴിലവസരങ്ങൾ വർദ്ധിപ്പിക്കുകയും ചെയ്യും.

സുഹൃത്തുക്കളേ,

ഉത്തരാഖണ്ഡിന്റെ അതിർത്തി പ്രദേശങ്ങൾക്ക് വിനോദസഞ്ചാരത്തിന്റെ പ്രത്യേക ആനുകൂല്യങ്ങൾ നൽകുക എന്നതാണ് ഞങ്ങളുടെ ശ്രമം. മുമ്പ്, അതിർത്തി ഗ്രാമങ്ങളെ അവസാന ഗ്രാമങ്ങൾ എന്നാണ് വിളിച്ചിരുന്നത്. ഈ കാഴ്ചപ്പാട് ഞങ്ങൾ മാറ്റി, ഇവ ഞങ്ങളുടെ അവസാന ഗ്രാമങ്ങളല്ല, ഇവ ഞങ്ങളുടെ ആദ്യത്തെ ഗ്രാമങ്ങളാണെന്ന് ഞങ്ങൾ പറഞ്ഞു. അവരുടെ വികസനത്തിനായി ഞങ്ങൾ വൈബ്രന്റ് വില്ലേജ് പരിപാടി ആരംഭിച്ചു. ഈ പ്രദേശത്തെ 10 ഗ്രാമങ്ങളെയും ഈ പദ്ധതിയിൽ ഉൾപ്പെടുത്തിയിട്ടുണ്ട്, ആ ഗ്രാമത്തിലെ ചില സുഹൃത്തുക്കളും ഇന്ന് നമ്മുടെ മുന്നിൽ ഉണ്ടെന്ന് എനിക്ക് അറിയാൻ കഴിഞ്ഞു. 1962 ൽ എന്താണ് സംഭവിച്ചതെന്ന് ഞാൻ വിവരിച്ച നെലാങ്, ജാദുങ് ഗ്രാമങ്ങളെ പുനരധിവസിപ്പിക്കുന്നതിനുള്ള പ്രവർത്തനങ്ങൾ ആരംഭിച്ചു. ഇന്ന്, ഇവിടെ നിന്ന് ജാദുങ്ങിലേക്ക് ഒരു ബൈക്ക് റാലി ഞാൻ ഫ്ലാഗ് ഓഫ് ചെയ്തു. ഹോംസ്റ്റേകൾ നിർമ്മിക്കുന്നവർക്ക് മുദ്ര യോജനയുടെ ആനുകൂല്യം നൽകുമെന്ന് ഞങ്ങൾ പ്രഖ്യാപിച്ചു. സംസ്ഥാനത്ത് ഹോംസ്റ്റേകൾ പ്രോത്സാഹിപ്പിക്കുന്നതിലും ഉത്തരാഖണ്ഡ് ​ഗവണ്മെൻ്റ് ഏർപ്പെട്ടിട്ടുണ്ട്. പതിറ്റാണ്ടുകളായി അടിസ്ഥാന സൗകര്യങ്ങൾ നഷ്ടപ്പെട്ട ഗ്രാമങ്ങളിൽ, പുതിയ ഹോംസ്റ്റേകൾ തുറക്കുന്നതിലൂടെ ടൂറിസം വർദ്ധിച്ചുകൊണ്ടിരിക്കുകയാണ്, ജനങ്ങളുടെ വരുമാനം വർദ്ധിച്ചുകൊണ്ടിരിക്കുകയാണ്.

സുഹൃത്തുക്കളേ,

ഇന്ന്, ദേവഭൂമിയിൽ നിന്നുള്ള രാജ്യത്തെ യുവതലമുറയോട്, രാജ്യത്തിന്റെ എല്ലാ കോണുകളിൽ നിന്നും, കിഴക്ക്-പടിഞ്ഞാറ്-വടക്ക്-തെക്ക് എന്നിവിടങ്ങളിൽ നിന്നുമുള്ളവരോട്, പ്രത്യേകിച്ച് യുവതലമുറയോട്, ഗംഗയുടെ ജന്മദേശമായ ഈ പുണ്യഭൂമിയിൽ നിന്നും ഞാൻ പ്രത്യേകമായി അപേക്ഷിക്കുകയും അഭ്യർത്ഥിക്കുകയും ചെയ്യുന്നു.

സുഹൃത്തുക്കളേ,

ശൈത്യകാലത്ത്, രാജ്യത്തിന്റെ വലിയൊരു ഭാഗത്ത് മൂടൽമഞ്ഞ് ഉണ്ടാകുകയും സൂര്യൻ ദൃശ്യമാകാതിരിക്കുകയും ചെയ്യുമ്പോൾ, പർവതങ്ങളിൽ സൂര്യപ്രകാശം ആസ്വദിക്കപ്പെടുന്നു. ഇത് ഒരു പ്രത്യേക പരിപാടിയായി മാറാം. ഗർവാലിയിൽ നമ്മൾ ഇതിനെ എന്ത് വിളിക്കും? 'ഘം തപോ പര്യതൻ', അല്ലേ? 'ഘം തപോ പര്യതൻ'. ഇതിനായി, രാജ്യത്തിന്റെ എല്ലാ കോണുകളിൽ നിന്നുമുള്ള ആളുകൾ ഉത്തരാഖണ്ഡ് സന്ദർശിക്കണം. പ്രത്യേകിച്ച് കോർപ്പറേറ്റ് ലോകത്തെ നമ്മുടെ സുഹൃത്തുക്കൾ ശൈത്യകാല ടൂറിസത്തിന്റെ ഭാഗമാകണം. ചർച്ചകൾ, സമ്മേളനങ്ങൾ, പ്രദർശനങ്ങൾ എന്നിവ നടക്കണമെങ്കിൽ, ശൈത്യകാലത്തേക്കാളും ദേവഭൂമിയേക്കാളും വാഗ്ദാനപ്രദമായ മറ്റൊരു സ്ഥലമില്ല. കോർപ്പറേറ്റ് ലോകത്തെ വലിയ വ്യക്തികൾ അവരുടെ വലിയ സെമിനാറുകൾക്കായി ഉത്തരാഖണ്ഡിലേക്ക് വരണമെന്നും MICE മേഖല പര്യവേക്ഷണം ചെയ്യണമെന്നും ഞാൻ അഭ്യർത്ഥിക്കുന്നു. യോഗയിലൂടെയും ആയുർവേദത്തിലൂടെയും ആളുകൾക്ക് ഇവിടെ വരുന്നതിലൂടെ ഊർജ്ജസ്വലത കൈവരിക്കാനും ഉന്മേഷം വീണ്ടെടുക്കാനും കഴിയും. രാജ്യത്തെ സർവകലാശാലകൾ, സ്വകാര്യ സ്‌കൂളുകൾ, കോളേജുകൾ എന്നിവയിലെ എല്ലാ യുവ സുഹൃത്തുക്കളും വിദ്യാർത്ഥികളുടെ ശൈത്യകാല യാത്രകൾക്കായി ഉത്തരാഖണ്ഡ് തെരഞ്ഞെടുക്കണമെന്ന് ഞാൻ അഭ്യർത്ഥിക്കുന്നു.

സുഹൃത്തുക്കളേ,

നമ്മുടെ സമ്പദ്‌വ്യവസ്ഥ ആയിരക്കണക്കിന് കോടിയാണ്, വിവാഹ സമ്പദ്‌വ്യവസ്ഥ, വിവാഹങ്ങൾക്കായി ആയിരക്കണക്കിന് കോടി രൂപ ചെലവഴിക്കുന്നു, ഇത് വളരെ വലിയ ഒരു സമ്പദ്‌വ്യവസ്ഥയാണ്. നിങ്ങൾ ഓർക്കുന്നുണ്ടാകും, ഞാൻ രാജ്യത്തെ ജനങ്ങളോട് അഭ്യർത്ഥിച്ചിരുന്നു - ഇന്ത്യയിൽ വിവാഹം ചെയ്യൂ, ഇന്ത്യയിൽ വിവാഹം കഴിക്കൂ, ഇപ്പോൾ ആളുകൾ ലോകത്തിലെ മറ്റ് രാജ്യങ്ങളിലേക്ക് പോകുന്നു, ഇവിടെ എന്താണ് കുറവ്? ഇവിടെ പണം ചെലവഴിക്കൂ, ഉത്തരാഖണ്ഡിനേക്കാൾ മികച്ചത് എന്തായിരിക്കും. ശൈത്യകാലത്ത് ഡെസ്റ്റിനേഷൻ വിവാഹങ്ങൾക്ക് നാട്ടുകാർ ഉത്തരാഖണ്ഡിന് മുൻഗണന നൽകണമെന്ന് ഞാൻ ആഗ്രഹിക്കുന്നു. അതുപോലെ, ഇന്ത്യൻ ചലച്ചിത്ര വ്യവസായത്തിൽ നിന്ന് എനിക്ക് വലിയ പ്രതീക്ഷകളുണ്ട്. ഏറ്റവും മികച്ച സിനിമാ സൗഹൃദ സംസ്ഥാനം എന്ന അവാർഡ് ഉത്തരാഖണ്ഡിന് ലഭിച്ചു. ആധുനിക സൗകര്യങ്ങൾ ഇവിടെ അതിവേഗം വികസിച്ചുകൊണ്ടിരിക്കുന്നു. അതിനാൽ, ശൈത്യകാലത്ത് സിനിമാ ഷൂട്ടിംഗിനായി മുഴുവൻ ഇന്ത്യയുടെയും പ്രിയപ്പെട്ട സ്ഥലമായി ഉത്തരാഖണ്ഡിന് മാറാൻ കഴിയും.

സുഹൃത്തുക്കളേ,

ലോകത്തിലെ പല രാജ്യങ്ങളിലും ശൈത്യകാല ടൂറിസം വളരെ ജനപ്രിയമാണ്. ഉത്തരാഖണ്ഡിലെ ശൈത്യകാല ടൂറിസം പ്രോത്സാഹിപ്പിക്കുന്നതിന്, ഇതിനായി നമുക്ക് അത്തരം രാജ്യങ്ങളിൽ നിന്ന് ധാരാളം കാര്യങ്ങൾ പഠിക്കാൻ കഴിയും. ഉത്തരാഖണ്ഡിലെ ടൂറിസം മേഖലയുമായി ബന്ധപ്പെട്ട എല്ലാ പങ്കാളികളും ഹോട്ടലുകളും റിസോർട്ടുകളും ആ രാജ്യങ്ങളെക്കുറിച്ച് പഠിക്കണമെന്ന് ഞാൻ ആഗ്രഹിക്കുന്നു. ഞാൻ ഇപ്പോൾ ഇവിടെയുണ്ട്, ഒരു ചെറിയ പ്രദർശനം കണ്ടു, അത് വളരെ മികച്ചതായി തോന്നി, സർ​ഗാത്മക ഭാവന, തീരുമാനിച്ച സ്ഥലങ്ങൾ, നിർമ്മിക്കപ്പെടുന്ന ആധുനിക സൃഷ്ടികൾ, ഓരോ സ്ഥലത്തിന്റെയും ഓരോ ചിത്രവും വളരെ ശ്രദ്ധേയമായിരുന്നു, വീണ്ടും ഇവിടെ വരാനും എന്റെ 50 വർഷത്തെ ജീവിതത്തിലെ ആ ദിവസങ്ങൾ നിങ്ങൾക്കൊപ്പം ചെലവഴിക്കാനും ഓരോ ലക്ഷ്യസ്ഥാനവും സന്ദർശിക്കാനുള്ള അവസരം തേടാനും എനിക്ക് തോന്നി, അവർ അത് വളരെ മികച്ചതാക്കുന്നു. വിദേശ പഠനങ്ങളിൽ നിന്ന് ഉയർന്നുവരുന്ന പ്രവർത്തനക്ഷമമായ ആശയങ്ങളിൽ സജീവമായി പ്രവർത്തിക്കാൻ ഞാൻ ഉത്തരാഖണ്ഡ് ​ഗവണ്മെൻ്റിനോട് ആവശ്യപ്പെടുന്നു. പ്രാദേശിക പാരമ്പര്യങ്ങൾ, സംഗീതം, നൃത്തം, ഭക്ഷണ വൈവിധ്യം എന്നിവ പ്രോത്സാഹിപ്പിക്കേണ്ടതുണ്ട്. ഇവിടെ ധാരാളം ചൂടുനീരുറവകളുണ്ട്, ബദരീനാഥിൽ മാത്രമല്ല, ഇനിയും ധാരാളം ഉണ്ട്, ആ പ്രദേശങ്ങളെ വെൽനസ് സ്പാകളായി വികസിപ്പിക്കാനും കഴിയും. ശാന്തവും മഞ്ഞുവീഴ്ചയുള്ളതുമായ പ്രദേശങ്ങളിൽ ശൈത്യകാല യോഗയുമായി ബന്ധപ്പെട്ട വിശ്രമ കേന്ദ്രങ്ങൾ സംഘടിപ്പിക്കാൻ കഴിയും. എല്ലാ മഹാഋഷിമാരോടും, ആശ്രമങ്ങളുടെയും ക്ഷേത്രങ്ങളുടെയും തലവന്മാരോടും, എല്ലാ യോഗ അധ്യാപകരോടും, ശൈത്യകാലത്ത് വർഷത്തിലൊരിക്കൽ ഉത്തരാഖണ്ഡിൽ അവരുടെ ശിഷ്യന്മാർക്കായി ഒരു യോഗ ക്യാമ്പ് സംഘടിപ്പിക്കാൻ ഞാൻ അഭ്യർത്ഥിക്കുന്നു. ശൈത്യകാലത്തേക്ക് ഒരു പ്രത്യേക വന്യജീവി സഫാരിയുടെ ആകർഷണം ഉത്തരാഖണ്ഡിന്റെ പ്രത്യേകതയായി മാറും. അതായത്, 360 ഡിഗ്രി സമീപനത്തോടെ മുന്നോട്ട് പോകുകയും എല്ലാ തലങ്ങളിലും പ്രവർത്തിക്കുകയും വേണം.

സുഹൃത്തുക്കളേ,

സൗകര്യങ്ങളുടെ വികസനത്തിനു പുറമേ, ജനങ്ങൾക്ക് വിവരങ്ങൾ നൽകേണ്ടതും ഒരുപോലെ പ്രധാനമാണ്. ഇതിനായി, രാജ്യത്തെ യുവ ഉള്ളടക്ക സ്രഷ്ടാക്കളോട് ഞാൻ പറയാൻ ആഗ്രഹിക്കുന്നു, ഇന്ന് സോഷ്യൽ മീഡിയയിൽ ധാരാളം സ്വാധീനം ചെലുത്തുന്നവരും ഉള്ളടക്ക സ്രഷ്ടാക്കളും ഉണ്ട്, അവർക്ക് എന്റെ ഉത്തരാഖണ്ഡിനെയും എന്റെ ദേവഭൂമിയെയും സേവിക്കാൻ കഴിയും, വീട്ടിൽ ഇരിക്കുമ്പോൾ പോലും അവർക്ക് പുണ്യം നേടാനും കഴിയും. രാജ്യത്തിന്റെ ടൂറിസം മേഖലയെ ത്വരിതപ്പെടുത്തുന്നതിൽ നിങ്ങൾക്ക് വളരെ വലിയ പങ്ക് വഹിക്കാൻ കഴിയും, ജനങ്ങൾക്ക് വിവരങ്ങൾ നൽകുന്നതിൽ വഹിച്ച പങ്ക് കൂടുതൽ വ്യാപിപ്പിക്കേണ്ടതുണ്ട്. ഉത്തരാഖണ്ഡിലെ ശൈത്യകാല ടൂറിസത്തിന്റെ ഈ പ്രചാരണത്തിൽ നിങ്ങളും പങ്കാളികളാകണം, ഉത്തരാഖണ്ഡ് ​ഗവണ്മെൻ്റ് ഒരു വലിയ മത്സരം സംഘടിപ്പിക്കണമെന്ന് ഞാൻ ആഗ്രഹിക്കുന്നു, ഈ ഉള്ളടക്ക സ്രഷ്ടാക്കൾ, സ്വാധീനിക്കുന്നവർ, ശൈത്യകാല ടൂറിസത്തെ പ്രോത്സാഹിപ്പിക്കുന്നതിനായി ഒരു 5 മിനിറ്റ് ദൈർഘ്യമുള്ള സിനിമ നിർമ്മിക്കണം, അവരുടെ മത്സരം നടത്തണം, മികച്ച സിനിമ നിർമ്മിക്കുന്നയാൾക്ക് മികച്ച സമ്മാനം നൽകണം, രാജ്യമെമ്പാടുമുള്ള ആളുകളോട് മുന്നോട്ട് വരാൻ ആവശ്യപ്പെടണം, ധാരാളം പ്രചാരണം ആരംഭിക്കും. അത്തരം മത്സരങ്ങൾ നടക്കുമ്പോൾ, പുതിയ സ്ഥലങ്ങൾ പര്യവേക്ഷണം ചെയ്യപ്പെടുമെന്നും, പുതിയ സിനിമകൾ നിർമ്മിക്കപ്പെടുമെന്നും, ആളുകൾ അതിനെക്കുറിച്ച് അറിയുമെന്നും എനിക്ക് ഉറപ്പുണ്ട്.

സുഹൃത്തുക്കളേ,

വരും വർഷങ്ങളിൽ ഈ മേഖലയിൽ ദ്രുതഗതിയിലുള്ള വികസനം നമുക്ക് കാണാൻ കഴിയുമെന്ന് എനിക്ക് ഉറപ്പുണ്ട്. 365 ദിവസം നീണ്ടുനിൽക്കുന്ന, വർഷം മുഴുവനുമുള്ള ടൂറിസം പ്രചാരണത്തിന് ഒരിക്കൽ കൂടി, ഉത്തരാഖണ്ഡിലെ എല്ലാ സഹോദരീ സഹോദരന്മാരെയും ഞാൻ ആശംസിക്കുകയും അഭിനന്ദിക്കുകയും ചെയ്യുന്നു, സംസ്ഥാന ​ഗവണ്മെൻ്റിനെ അഭിനന്ദിക്കുകയും ചെയ്യുന്നു. നിങ്ങളെല്ലാവരും എന്നോടൊപ്പം പറയണം-

ഗംഗാ മാതാ കീ ജയ് 

ഗംഗാ മാതാ കീ ജയ് 

ഗംഗാ മാതാ കീ ജയ് 

വളരെ നന്ദി.

നിരാകരണം: പ്രധാനമന്ത്രിയുടെ പ്രസംഗത്തിന്റെ ഏകദേശ വിവർത്തനമാണിത്. ഹിന്ദിയിലാണ് യഥാർത്ഥ പ്രസംഗം നടത്തിയത്.

***

SK