প্লাস্তিক ৱেস্তনা সহরগী মফমশিংদা লেপ্তনা পৈশিল্লকপনা স্বচ্ছ ভারত মিসন-অর্বানগী মখাদা ইন্নোভেতিব ইন্তরভেন্সনশিংনা শীংনবশিং অসি কোকহনবতা নত্তনা খুদোংচাবা অমদা ওন্থোক্লি। অর্বান ইন্দিয়ানা তেক্নোলোজী, সিতিজন পার্তিসিপেসন অমসুং সর্ক্যুলর ইকোনোমী মোদেলশিংবু প্লাস্তিক-ফ্রী অল্তর্নেতিবকী লম্বী য়াৎনবা শীজিন্নরি।

মতম অমদা খুদোংচাবগী খুদম অমা ওইরম্বা প্লাস্তিক অসি হৌজিক্তি অকোইবগী ফিভমদা অচৌবা শীংনবা অমা ওইরে। স্বচ্ছ ভারত মিসন-অর্বানগী মখাদা, ভারত শিনবা থুংনা লৈরিবা সহরশিংনা প্লাস্তিক ৱেস্ত অসি ইন্নোভেতিব সোলুসনশিং - রিসাইক্লিং, রিয়ুজ, অমসুং RRR মোদেলগী মখাদা রিকোভর তৌদুনা সর্ক্যুলর ইকোনোমী মপাঙ্গল কনখৎহন্দুনা থেংনরি। অর্বান লোকেল বোদীশিংনা ইনফ্রাস্ত্রকচর, তেক্নোলোজী অমসুং সিতিজন এঙ্গেজমেন্তবু পুনশিন্নদুনা তুংকোইনা চৎকদবা, প্লাস্তিক য়াওদবা পুন্সি মহিং অমা প্রমোৎ তৌরি। স্বভাভ, স্বচ্ছতা, সংস্করগী লমজিং-লমতাক্না মিসন অসিনা ভারতকী সস্তেনেবল দিবেলপমেন্ত গোলশিং শৌগৎপগা লোয়ননা গ্রাসরুতকী অহোংবা পুরক্লি।

ত্রিপুরাগী কমলপুর নগর পঞ্চায়ৎনা সিঙ্গল য়ুজ প্লাস্তিক্কী সস্তেনেবল অল্তর্নেতিব অমা ওইনা বাইওদিগ্রেদেবল, কেমিকেল-ফ্রী পোলিমর ওইরিবা PBATদগী শেম্বা কম্পোস্তেবল বেগশিং পুথোক্তুনা সস্তেনেবিলিতীগী মায়কৈদা অচৌবা খোঙথাং অমা লৌখৎলে। CIPETনা কম্পোস্তেবিলিতী অমসুং বাইও-দিগ্রেদেবিলিতীগী স্তেন্দর্দশিং ফংবগীদমক সর্তিফাইদ তৌরবা, মাগী ইকো-ফ্রেন্দলি বেগশিং অসি নুমিৎ 180গী মনুংদা দিগ্রেদ তৌই, মসিনা দিগ্রেদ তৌবদা চহি চা কয়া চঙবা কনভেন্সনেল প্লাস্তিকশিংদগী মহুৎ শিনবা য়াবা প্রেক্তিকেল অল্তর্নেতিব অমা পীরি। ₹145/কেজি হোলসেল অমসুং ₹160/কেজি রিতেলগী মমলদা, মখোয় অসি হোংনা অমসুং লাইনা ফংবা অনিমক ওই। মখোয়না কমপোস্তেবল বেগশিং শীজিন্নবা হেনগৎহন্নবা, প্লাস্তিক পোলুসন হন্থহন্নবা অমসুং তুংলমচৎ অমগীদমক রেস্পোন্সিবল ৱেস্ত মেনেজমেন্ত পুক্নিং থৌগৎনবা কম্ম্যুনিতীগা লোয়ননা এক্তিব ওইনা শরুক য়াদুনা লৈরি।

অথিংবা লৈরবসু কৈথেলশিংদা সিঙ্গল-য়ুজ প্লাস্তিক (SUP) শীজিন্নবগী চাং লেপ্তনা হেনগৎলক্লিবা অসি থেংননবা, GIZ ইন্দিয়াগী সর্ক্যুলর ৱেস্ত সোলুসন প্রোজেক্তকা লোয়ননা ত্রিচি সিতী কোর্পোরেসন্না 2022দা পান্দম থম্লবা কেম্পেন অমা হৌদোকখ্রে। তেন্নুর, কে.কে. নগর অমসুং ৱোরাইয়ুরদা লৈবা অখন্নবা লৌমীশিংগী কৈথেলশিংদা ভেন্দর 220 কোনশিন্দুনা, ইন্তেন্সিভ এঙ্গেজমেন্তগীদমক্তা খনখি। ভেন্দরশিংবু SUPশিংনা অকোইবদা থোকহল্লিবা অকায়বা অদুগী মতাংদা খঙহনখি অমসুং সস্তেনেবল অল্তর্নেতিবশিং শীজিন্ননবা পুক্নিং থৌগৎখি। "থুনীপাই থিরুভিজাই" ইনিসিয়েতিব অসিনা শোপ্পরশিংগী মরক্তা অমুক হন্না শীজিন্নবা য়াবা ফিগী বেগশিংবু হেন্না প্রমোৎ তৌখি। তেন্নুরগী ফার্মর মার্কেতনা চহি অমদা SUP 2,200 kg থিংবা ঙমখি, কে কে নগরনা থা মরিদা 620 kg অমসুং ৱোরাইয়ুরনা থা তরুক্তা 300 kg থিংবা ঙমখি।

2022গী মে থাদা কেদর্নাথতা হৌদোকখিবা দিজিতেল দিপোজিৎ রিফন্দ সিস্তেম (DRS) না চারধাম রিজনদা প্লাস্তিক ৱেস্তশিং অসি শেলগী ওইবা ইন্সেন্তিবশিংগী থোংদা থৌদাং য়াবা মওংদা থাদোকপা হেনগৎহন্দুনা থেংননবা হোৎনরি। রেজিস্তর তৌরবা দুকানশিংদা য়েন্থোকপা QR কোদকী খুত্থাংদা ত্রেক তৌরিবা প্লাস্তিক বোতলশিং অমসুং মলতিলেয়র প্লাস্তিক (MLP)শিংদা রিফন্দ তৌবা য়াবা ₹10গী দিপোজিৎ অমা পী। শীজিন্নখ্রবা পেক্কেজিং অদু দেজিগনেতেদ পোইন্তশিং নত্ত্রগা রিভর্স ভেন্দিং মেছিনশিংদা (RVMs) হল্লকহল্লি, পথাপ নাইনা খোমজিল্লি, অমসুং রিসাইকল তৌনবগীদমক্তা মেতরিএল রিকভরি ফেসিলিতীশিং (MRFs) দা থাই। গঙ্গোত্রি, য়ামুনোত্রি অমসুং বদ্রীনাথতা পাকথোক চাউথোকহনখিবদা, খোঙথাং অসিনা প্লাস্তিক বোতল লাখ 20 রাইসাইকল তৌখ্রে, CO2 থাদোকপা তন 66 থিংখ্রে, থবক 110 হেন্না পুথোকখ্রে অমসুং ইনফোর্মেল ৱেস্ত ৱার্করশিংগী শেন্দোং চাদা 37.5 হেনগৎহনখ্রে।

হেনগৎলক্লিবা প্লাস্তিক ৱেস্ত অসি থেংননবা, অন্দামান অমসুং নিকোবর ইথৎশিংদা শীজিন্নরবা প্লাস্তিক মিল্ক পাউচশিং হল্লকপদা পুক্নিং থৌগৎনবা বাই-বেক ইনিসিয়েতিব অমা হৌদোকখ্রে। ANIIDCO অমসুং SVPMCগা খুৎশম্নদুনা কঞ্জুমরশিংনা শীজিন্নরবা পেকেতশিংবু রিৱার্দশিং হায়বদি শঙ্গোম নত্রগা দিসকাউন্তশিংগীদমক্তা ওন্থোকপা য়াবা কলেক্সন পোইন্তশিং লিংখৎখি। মীয়ামদা এৱেরনেস পীবগী কেম্পেনশিংনা রিসাইক্লিং অমসুং থৌদাং লৈবা ৱেস্ত দিসপোজ তৌবদা মতেং পাংখি, মসিনা সস্তেনেবিলিতীগী কলচর অমা পুক্নিং থৌগৎখি। কম্ম্যুনিতীনা শরুক য়াবা হেনগৎহনখি, মসিনা লোং-তর্ম ওইবা অকোইবগী ফিভমগী মতাংদা খঙহনবা অমসুং গ্রাসরুৎ সস্তেনেবল প্রাক্তিসশিং য়োকখৎখি। স্ত্রকচর তৌরবা বাই-বেক সিস্তেম অসিনা রিসাইকল তৌরবা মেতরিএলশিংদগী শেল তানবগী থৌওংসু পুথোকখি অমসুং মসিগা লোয়ননা রেস্পোন্সিব ৱেস্ত মেনেজমেন্তকীদমক শেন্মিৎলোনগী ওইবা ইন্সেন্তিবশিংসু পীখি। নবেম্বর 2024 ফাওবদা, শঙ্গোমগী পাউচ 17,600 খোমগৎতুনা, রেসিদেন্তশিংদা শঙ্গোম লিতর 352 পীখি।

CSRগী মখাদা পাতিয়ালাদা লিংখৎখিবা প্লাস্তিক রিসাইকলিং ফেসিলিতী (PRF) না মল্তিলেয়র প্লাস্তিকশিং (MLP) অসি দ্যুরেবল চিপবোর্দশিংদা হোত অমসুং কোল্দ প্রেসিং তেক্নোলোজীগী খুত্থাংদা ওন্থোক্তুনা লো ভেল্যু প্লাস্তিক ৱেস্তশিং কোকহল্লি। প্লাইৱুদকী মহুৎ শিনবা ইকো-ফ্রেন্দলী ওইরিবা হায়রিবা চিপবোর্দশিং অসি ফর্নিচর, য়ুমথক কুপ্পা, অমসুং মতম খরগী ওইনা য়ুম লৈনবা মফমশিংদা শীজিন্নৈ। রিসাইক্লিংগী থৌওং অসিদা MLPগী ৱেস্তশিংবু সোর্তিং তৌবা, শেংদোকপা, শ্রেদ্দিং তৌদুনা ফ্লেকশিং শেম্বা য়াওই, মখোয়শিং অসি কোহেজিভ ওইবা, ঈশিং অমসুং শুম-রেজিস্তেন্ত ওইবা বোর্দশিং শেম্নবগীদমক্তা বোন্দেদ তৌই। নুমিৎ খুদিংগী তন 10গী প্রোসেসিং কেপাসিতীগা লোয়ননা, ফেসিলিতী অসিনা ইনফ্রাস্ত্রকচর অমসুং ইন্দস্ত্রীএল প্রোজেক্তশিংদা কন্ত্রিব্যুত তৌদুনা, চিপবোর্দ 75দগী 100 ফাওবা পুথোকই। ইনিসিয়েতিব অসিনা লেন্দফিল ৱেস্ত হন্থহন্দুনা অমসুং রিসোর্স ইফিসেন্সী প্রমোৎ তৌদুনা সর্ক্যুলার ইকোনোমী অমা সপোর্ত তৌই।

ভারতকী প্লাস্তিক ৱেস্ত মেনেজমেন্ত অসি স্তেকহোল্দর কয়া পুন্না হোৎনমিন্নবা অমা ওইরক্লি। রাজ্যশিং, সহরশিং, স্তার্তঅপশিং অমসুং নাগরিকশিংনা পাউথোক চাউথোকহনবা ঙম্বা সোলুসনশিং পুথোক্লি, তুং কোইনা চৎনবা য়াবা থবকশিংদা ওন্থোক্লি অমসুং সর্ক্যুলর ইকোনোমী অমা শৌগৎনবগীদমক রিসাইক্লিংবু মপাঙ্গল কনখৎহল্লি।

****