ایمپلائز پراویڈنٹ فنڈ آرگنائزیشن (ای پی ایف او) نے مارچ 2025 کے لیے عارضی پے رول ڈیٹا جاری کیا ہے، جس میں 14.58 لاکھ ممبران کے خالص اضافے کا انکشاف ہوا ہے۔ سال بہ سال تجزیہ سے معلوم ہوتا ہے  کہ  مارچ- 2024 کے مقابلہ میں خالص پے رول کے اضافے میں 1.15فیصد کا اضافہ ظاہر کرتا ہے، جو کہ روزگار کے بڑھتے ہوئے مواقع اور ملازمین کے فوائد کے بارے میں بیداری میں اضافے کی نشاندہی کرتا ہے، جن کو ای پی ایف او ​​کے مؤثر آؤٹ رچ اقدامات سے تقویت ملتی ہے۔

ای پی ایف او پے رول ڈیٹا (مارچ- 2025) کی اہم جھلکیاں حسب ذیل ہیں:

نئے سبسکرائبرز:

ای پی ایف  نے مارچ- 2025 میں تقریباً 7.54 لاکھ نئے سبسکرائبرز کا اندراج کیا، جو فروری- 2025 کے مقابلہ میں 2.03فیصد اضافہ اور مارچ- 2024 میں گزشتہ سال کے مقابلہ میں سال بہ سال 0.98 فیصد اضافہ کو ظاہر  کرتا ہے۔ نئے سبسکرائبرز میں اس اضافہ کی وجہ روزگار کے بڑھتے ہوئے مواقع، ملازمین کے فوائد کے بارے میں بیداری میں اضافہ اور ای پی ایف او ​​کے کامیاب پروگراموں کو آگے بڑھانا شامل ہے۔

عمر گروپ 18-25 پے رول میں اضافہ کی رہنمائی کرتا ہے:

اعداد و شمار کا ایک قابل توجہ پہلو 18-25 کی عمر کے گروپ کا غلبہ ہے، جس میں 18-25 سال کی عمر کے گروپ میں 4.45 لاکھ نئے سبسکرائبرز شامل ہوئے، جو مارچ -2025 میں شامل کیے گئے  مجموی  نئے سبسکرائبرز کا نمایاں 58.94 فیصد بنتے ہیں۔ اس مہینے میں 18-25 سال کی عمر کے گروپ میں  نئے سبسکرائبرز شامل کیے گئے جو کہ فروری کے مہینے کے مقابلہ میں 4.21 فیصد اضافہ ہوا ہے جو مارچ - 2024 میں گزشتہ سال کے 4.73 فیصد کی نمو کو ظاہر کرتا ہے۔

مزید یہ کہ مارچ- 2025 کے لیے 18-25 سال کی عمر کے گروپ کے لیے خالص پے رول کا اضافہ تقریباً 6.68 لاکھ ہے جو گزشتہ  سال مارچ- 2024 کے مقابلہ میں 6.49 فیصد اضافے کی عکاسی کرتا ہے۔ یہ پہلے کے رجحان سے مطابقت رکھتا ہے جس سے ظاہر ہوتا ہے کہ منظم افرادی قوت میں شامل ہونے والے زیادہ تر افراد نوجوان ہیں اور بنیادی طور پر پہلی بار ملازمت حاصل کرنے والے ہیں۔

دوبارہ شامل ہونے والے اراکین:

تقریباً 13.23 لاکھ ممبران، جو پہلے باہر  ہوگئے تھے، مارچ- 2025 میں دوبارہ ای پی ایف او ​​میں شامل ہوئے۔ یہ اعداد و شمار فروری-2025 کے مقابلہ میں 0.39 فیصد اضافہ کو ظاہر کرتا ہے۔ یہ مارچ- 2024 کے مقابلہ میں سال بہ سال 12.17 فیصد  کا ایک نمایاں اضافہ بھی ظاہر کرتا ہے۔ حتمی تصفیہ کے لیے درخواست دینے کے بجائے اپنی جمع شدہ رقم کو منتقل کرنے کے لیے اس طرح طویل مدتی مالیاتی بہبود کی حفاظت اور ان کے سماجی تحفظ کو فروغ حاصل ہو ا ہے۔

خواتین کی رکنیت میں اضافہ:

مارچ-2025 میں لگ بھگ 2.08 لاکھ نئی خواتین  ممبرز ای پی ایف او ​میں شامل ہوئیں۔ یہ فروری- 2025 کے گزشتہ مہینے کے مقابلہ میں 0.18فیصد کے اضافے کی عکاسی کرتی ہے۔ یہ مارچ- 2024 کے مقابلہ میں سال بہ سال 4.18 فیصد کی ترقی کو بھی ظاہر کرتی ہے۔

مزید، یہ کہ ماہ کے دوران خواتین کے پے رول کا خالص اضافہ تقریباً 2.92 لاکھ رہا، جس میں مارچ -2024 کے مقابلہ میں سال بہ سال 0.78 فیصد اضافہ ہوا۔ خواتین اراکین کے اضافہ میں یہ بڑھوتری زیادہ جامع اور متنوع افرادی قوت کی طرف وسیع تر تبدیلی کا اشارہ ہے۔

ریاست وار شراکت:

پے رول کے اعداد و شمار کے ریاستی تجزیہ سے پتہ چلتا ہے کہ سرفہرست پانچ ریاستیں/ مرکز کے زیر انتظام علاقوں میں خالص پے رول کے اضافے کا تقریباً 59.67 فیصد حصہ ہے، جس سے ماہ کے دوران کل تقریباً 8.70 لاکھ خالص پے رول کا اضافہ ہوا ہے۔ تمام ریاستوں میں، مہاراشٹر -  مہینے  کے دوران خالص پے رول میں 20.24 فیصد اضافہ کرکے سب سے آگے ہے۔ مہاراشٹر، تمل ناڈو، کرناٹک، ہریانہ، گجرات، دہلی، اتر پردیش اور تلنگانہ کی ریاستوں/مرکز کے زیر انتظام علاقوں نے انفرادی طور پر ماہ کے دوران کل خالص پے رول میں 5 فیصد سے زیادہ ممبران کا اضافہ کیا۔

صنعت کے لحاظ سے رجحانات:

صنعت کے لحاظ سے اعداد و شمار کا ماہ بہ ماہ موازنہ صنعتوں میں مصروف اداروں میں کام کرنے والے خالص پے رول کے اضافے میں نمایاں اضافہ ظاہر کرتا ہے :

1. ریسٹورنٹ
2. سیمنٹ

• iii. جنرل انشورنس
• iv. کینٹین

5. فارورڈنگ ایجنسی

• vi. ٹریول ایجنسیاں

7. ہوٹل

پے رول کے مجموعی اضافے میں سے تقریباً 45.59 فیصد اضافہ  اسپیشلسٹ  سروسز سے ہوتا ہے ،جس میں افرادی قوت فراہم کرنے والے، عام ٹھیکیدار، سکیورٹی  سروسز، متفرق سرگرمیاں وغیرہ شامل ہیں۔

مندرجہ بالا پے رول ڈیٹا عارضی ہے کیونکہ ڈیٹا جنریشن ایک مسلسل  کاوش ہے، کیونکہ ملازمین کے ریکارڈ کو اپ ڈیٹ کرنا ایک مسلسل عمل ہے۔  اسی وجہ سے گزشتہ مہینے کا  ڈیٹا ہر ماہ اپ ڈیٹ  کیا جاتا ہے:

1. پے رول رپورٹ کی تیاری کے بعد  گزشتہ مہینوں کے لیے ای سی آر درج کیے جا رہے ہیں۔
2. پے رول رپورٹس کی تیاری کے بعد پہلے دائر کردہ ای سی آر میں ترمیم  کئے  جا رہے ہیں۔
3. پے رول رپورٹ کی تیاری کے بعد  گزشتہ مہینوں کے لیے ای پی ایف کی رکنیت سے اخراج کی تاریخ کو اپ ڈیٹ کیا جا رہا ہے۔

اپریل- 2018 کے مہینے سے ای پی ایف او​​ستمبر - 2017 کے بعد کی مدت کا احاطہ کرتے ہوئے پے رول ڈیٹا جاری کر رہا ہے۔ ماہانہ پے رول کے اعداد و شمار میں آدھار کی توثیق شدہ یونیورسل اکاؤنٹ نمبر (یو اے این) کے ذریعے پہلی بارای پی ایف او ​​میں شامل ہونے والے اراکین کی گنتی، ای پی ایف او ​​کی کوریج سے باہر نکلنے والے موجودہ اراکین اور وہ لوگ جو باہر نکلے لیکن دوبارہ ممبر کے طور پر شامل ہوئے، کو خالص ماہانہ پے رول پر پہنچنے کے لیے لیا جاتا ہے۔

******

ش ح-۔ ظ ا- ش ب ن

UR  No.969