জি এছ টিৰ আঠ বছৰ সম্পূৰ্ণ হোৱাৰ পূৰ্বে কেন্দ্ৰীয় পৰোক্ষ কৰ আৰু শুল্ক পৰিষদে (চি বি আই চি) ফিট ইণ্ডিয়া আন্দোলনৰ সৈতে সমন্বয় ৰক্ষা কৰি প্ৰধানমন্ত্ৰী শ্ৰী নৰেন্দ্ৰ মোদীৰ দ্বাৰা আৰম্ভ কৰা ফিট ইণ্ডিয়া আন্দোলনৰ পৃষ্ঠপোষকতাত "ছানডেজ অন চাইকেল" শীৰ্ষক দেশজোৰা এক চাইক্লোথনৰ আয়োজন কৰে। আজি পুৱা নতুন দিল্লীৰ মেজৰ ধ্যানচান্দ ৰাষ্ট্ৰীয় ষ্টেডিয়ামত এই মুখ্য অনুষ্ঠানৰ আয়োজন কৰা হয়, য’ত দেশৰ ১০০ ৰো অধিক চিজিএছটি আয়ুক্তালয়ে অংশগ্ৰহণ কৰে।

নতুন দিল্লীত চাইক্লোথনৰ শুভাৰম্ভ কৰি চি বি আই চিৰ সদস্য (জি এছ টি) শ্ৰী শশাংক প্ৰিয়ই ভাৰতীয় কৰ ব্যৱস্থাত জি এছ টিৰ পৰিবৰ্তনমূলক প্ৰভাৱৰ ওপৰত আলোকপাত কৰে আৰু কেনেদৰে জি এছ টিয়ে প্ৰায় ৩০ টা ভিন্ন পৰোক্ষ কৰক একক, স্বচ্ছ কৰ গাঁথনিলৈ একত্ৰিত কৰিছে, যাৰ ফলত ব্যৱসায় আৰু নাগৰিক উভয়ৰে বাবে কৰ প্ৰশাসন আৰু অনুপালন সৰল হৈ পৰিছে, তাৰ ওপৰত গুৰুত্ব আৰোপ কৰে।

শ্ৰী প্ৰিয়ই অংশগ্ৰহণকাৰীসকলক জি এছ টি কম্প’জিচন আঁচনি আৰু কোৱাৰ্টাৰলী ৰিটাৰ্ণ মান্থলী পেমেণ্ট (কিউআৰএমপি) আঁচনিৰ দৰে পদক্ষেপৰ জৰিয়তে ক্ষুদ্ৰ কৰদাতাসকলক প্ৰদান কৰা গুৰুত্বপূৰ্ণ লাভালাভৰ বিষয়ে অৱগত কৰায়, যিয়ে অনুপালনৰ বোজা হ্ৰাস কৰি ব্যৱসায় কৰাৰ সূচলতা বৃদ্ধি কৰে।

চি জি এছ টিৰ মুম্বাই আৰু পুনে মণ্ডলেও সুনীল শেট্টী, মিলিন্দ সুমন আৰু জন আব্ৰাহামৰ দৰে বলীউডৰ জনপ্ৰিয় ব্যক্তিসকলক জড়িত কৰাইছে।

চাইক্লোথনত দেশৰ ৫০,০০০ৰো অধিক চাইকেল চালকে উৎসাহী অংশগ্ৰহণ কৰে, যাৰ ভিতৰত আছিল চি বি আই চিৰ জ্যেষ্ঠ বিষয়া শ্ৰী ৰাজেশ সোধী, প্ৰধান মুখ্য আয়ুক্ত, চি জি এছ টি দিল্লী মণ্ডল; শ্ৰী চি পি গোৱেল, জি এছ টিৰ মুখ্য সঞ্চালকপ্ৰধান (ডি জি জি এছ টি), চি বি আই চি আৰু শ্ৰী মহেশ কুমাৰ ৰুস্তাগী, কৰদাতা সেৱাৰ সঞ্চালকপ্ৰধান (ডি জি টি এছ), চি বি আই চি; বিভিন্ন মন্ত্ৰালয় আৰু বিভাগীয় প্ৰতিনিধি তথা সাধাৰণ জনতা।

অনুষ্ঠানত অংশগ্ৰহণকাৰীসকলৰ সৈতে মত-বিনিময় আৰু জি এছ টি সম্পৰ্কীয় প্ৰশ্নৰ উত্তৰ দিবলৈ এক সমৰ্পিত জি এছ টি হেল্প ডেস্ক ‘জি এছ টি সম্পৰ্কে জানক’ স্থাপন কৰা হৈছিল। অভিগম্যতা আৰু প্ৰসাৰ বৃদ্ধি কৰিবলৈ জি এছ টি বিষয়ক এক গুৰুত্বপূৰ্ণ বিস্তৃত তথ্যমূলক পুস্তিকা বিতৰণ কৰা হয় আৰু কিউ আৰ ক'ডৰ সৈতে সজ্জিত ডিজিটেল কিয়স্কবোৰ সমগ্ৰ স্থানতে কৌশলগতভাৱে স্থাপন কৰা হয়, যাৰ ফলত অংশগ্ৰহণকাৰীসকলে তেওঁলোকৰ মোবাইল ডিভাইচলৈ পোনপটীয়াকৈ জি এছ টি সম্পদ সামগ্ৰী স্কেন আৰু ডাউনলোড কৰিবলৈ সক্ষম হয়।

ইয়াৰ উপৰি গুৰুত্বপূৰ্ণ জি এছ টি সংস্কাৰ আৰু কৰদাতা-কেন্দ্ৰিক পদক্ষেপ-বিশেষকৈ এম এছ এম ই, জি এছ টি পঞ্জীয়ন প্ৰক্ৰিয়া আদিৰ বাবে সমৰ্থনৰ ওপৰত আলোকপাত কৰা উজ্জ্বল হ’ৰ্ডিং আৰু বেনাৰবোৰ গুৰুত্বপূৰ্ণভাৱে প্ৰদৰ্শন কৰা হয়। এই প্ৰচেষ্টাসমূহে একেলগে এক ব্যাপক আৰু আকৰ্ষণীয় পৰিবেশৰ সৃষ্টি কৰে, যিয়ে ৰাজহুৱা অংশগ্ৰহণ আৰু শিক্ষাৰ জৰিয়তে জি এছ টিক জনসাধাৰণৰ ওচৰলৈ লৈ যোৱাৰ চি বি আই চিৰ দৃষ্টিভংগীৰ সৈতে সংগতি ৰক্ষা কৰে।

চাইক্লোথন হৈছে কৰদাতাসকলৰ অংশগ্ৰহণৰ সৈতে জনস্বাস্থ্যৰ বাবে সংযুক্ত কৰা এক বিস্তৃত পদক্ষেপৰ অংশ। এই পদক্ষেপটো হৈছে নতুন আৰু সামগ্ৰিক প্ৰসাৰ কাৰ্যসূচীৰ জৰিয়তে কৰদাতা আৰু সাধাৰণ জনতাৰ সৈতে জড়িত হোৱাৰ বাবে চি বি আই চিৰ প্ৰতিশ্ৰুতিৰ আন এক উদাহৰণ, যিয়ে ৰাষ্ট্ৰীয় স্বাস্থ্য লক্ষ্য আৰু জি এছ টি সংস্কাৰৰ চলিত যাত্ৰা দুয়োটা উদযাপন কৰিছে, কিয়নো ভাৰতে এই যুগান্তকাৰী কৰ ব্যৱস্থাৰ অধীনত আঠটা সফল বছৰ উদযাপন কৰিছে।

****

NB/KMN/HS