وزیراعظم کا دفتر
وزیر اعظم جناب نریندر مودی نے جرمنی کے چانسلر فریڈرک مرز کو عہدہ سنبھالنے پر مبارکباد دی
دونوں قائدین نے بھارت اور جرمنی کے مابین کلیدی شراکت داری کو مزید مضبوط بنانے کے طریقوں کے بارے میں تبادلہ خیال کیا
انہوں نے باہمی مفادات کے حامل علاقائی اور عالمی موضوعات پر تبادلہ خیال کیا
دونوں قائدین نے دہشت گردی کی تمام تر شکلوں سے نمٹنے کے لیے اپنے مشترکہ عزم کا اعادہ کیا
وزیر اعظم نے چانسلر مرز کو بھارت کا دورہ کرنے کی دعوت دی
Posted On:
20 MAY 2025 7:38PM by PIB Delhi
وزیر اعظم جناب نریندر مودی نے جرمنی کے نئے چانسلر جناب فریڈرک مرز سے آج ٹیلی فون پر بات چیت کی اور انہیں وفاقی جمہوریہ جرمنی کے چانسلر کے طور پر عہدہ سنبھالنے پر مبارکباد دی۔
دونوں قائدین نے گذشتہ 25 برسوں میں بھارت اور جرمنی کے مابین کلیدی شراکت داری میں ہوئی عمدہ پیشرفت کو دیکھتے ہوئے تجارت اور سرمایہ کاری، دفاع اور سلامتی، اور اختراع و تکنالوجی کے شعبوں سمیت باہمی تعلقات کو مزید مضبوط بنانے کے لیے مل کرکام کرنے پر اتفاق کیا۔ دونوں قائدین نے جرمنی میں غیر مقیم ہندوستانیوں کے ذریعہ دیے گئے مثبت تعاون کا ذکر کیا۔
دونوں قائدین نے باہمی مفاد کے حامل علاقائی اور عالمی موضوعات پر بھی تبادلہ خیال کیا۔ جناب مودی اور جناب مرز نے دہشت گردی کی تمام تر شکلوں کا مقابلہ کرنے کے لیے اپنی مشترکہ عہدبندگی کا اعادہ کیا۔
وزر اعظم نے چانسلر مرز کو بھارت کا دورہ کرنے کی دعوت دی۔ دونوں قائدین نے رابطے میں رہنے پر اتفاق کیا۔
*****
(ش ح –ا ب ن- ت ع )
U.No:947
(Release ID: 2130124)
Read this release in:
Tamil
,
English
,
Marathi
,
Hindi
,
Bengali
,
Manipuri
,
Punjabi
,
Gujarati
,
Odia
,
Telugu
,
Kannada
,
Malayalam