આધાર પ્રમાણીકરણ વ્યવહારોની કુલ સંખ્યા 150 અબજ (15,011.82 કરોડ)ને વટાવી ગઈ છે, જે તેને યુનિક આઇડેન્ટિફિકેશન ઓથોરિટી ઓફ ઇન્ડિયા (UIDAI) અને વ્યાપક આધાર ઇકોસિસ્ટમ માટે એક સીમાચિહ્નરૂપ ક્ષણ બનાવે છે.

આધારના વ્યાપક ઉપયોગ અને ઉપયોગિતા દેશમાં ડિજિટલ અર્થતંત્રના વિકાસને પ્રકાશિત કરે છે. સ્થાપના પછી એપ્રિલ 2025ના અંત સુધીમાં સંચિત સંખ્યા પ્રાપ્ત થઈ હતી.

આધાર આધારિત પ્રમાણીકરણ જીવનની સરળતામાં મદદ કરવા, અસરકારક કલ્યાણકારી વિતરણમાં અને સેવા પ્રદાતાઓ દ્વારા ઓફર કરવામાં આવતી વિવિધ સેવાઓનો સ્વેચ્છાએ લાભ લેવામાં મહત્વપૂર્ણ ભૂમિકા ભજવી રહ્યું છે. ફક્ત એપ્રિલ મહિનામાં જ લગભગ 210 કરોડ આધાર પ્રમાણીકરણ વ્યવહારો હાથ ધરવામાં આવ્યા હતા, જે 2024ના સમાન મહિના કરતા લગભગ 8% વધુ છે.

e-KYC ગ્રાહક અનુભવને વધારે છે

આધાર ઈ-કેવાયસી સેવા બેંકિંગ અને નોન-બેંકિંગ નાણાકીય સેવાઓ સહિતના ક્ષેત્રોમાં ગ્રાહક અનુભવ સુધારવા અને વ્યવસાય કરવાની સરળતા ઉમેરવામાં મુખ્ય ભૂમિકા ભજવી રહી છે.

કુલ eKYC વ્યવહારો (37.3 કરોડ) ગત વર્ષના સમાન સમયગાળાની સંખ્યા કરતા 39.7% વધુ છે. 30 એપ્રિલ 2025 સુધીમાં e-KYC વ્યવહારોની કુલ સંખ્યા 2393 કરોડને વટાવી ગઈ છે.

UIDAIનું પ્રમાણીકરણ વધી રહ્યું છે

UIDAI દ્વારા વિકસાવવામાં આવેલા AI/ML આધારિત આધાર ફેસ ઓથેન્ટિકેશન સોલ્યુશન્સ સતત લોકપ્રિય બની રહ્યા છે. એપ્રિલમાં આવા લગભગ 14 કરોડ વ્યવહારો થયા, જે આ પ્રમાણીકરણ પદ્ધતિ અપનાવવાનો અને આધાર નંબર ધારકોને કેવી રીતે લાભ થઈ રહ્યો છે તેનો સંકેત આપે છે. સરકારી અને ખાનગી ક્ષેત્રની 100થી વધુ સંસ્થાઓ લાભો અને સેવાઓની સરળ ડિલિવરી માટે ફેસ ઓથેન્ટિકેશનનો ઉપયોગ કરી રહી છે.

AP/IJ/GP/JD