آدھار کی توثیق سے متعلق لین دین کی کل تعداد 150 ارب (15,011.82 کروڑ) سے تجاوز کر گئی ہے، جو کہ یونک آئڈینٹی فکیشن اتھارٹی آف انڈیا(یو آئی ڈی اے آئی) اور وسیع تر آدھار نظام کے سفر میں ایک اہم سنگ میل ہے۔

یہ تاریخی  سنگ میل آدھار کے وسیع  تر استعمال، اس کی افادیت اور ملک میں ڈیجیٹل معیشت کی ترقی کو اجاگر کرتا ہے۔ یہ مجموعی تعداد اپریل 2025 کے آخر تک حاصل کی گئی، جو کہ آدھار کے آغاز سے اب تک کا ریکارڈ ہے۔

آدھار پر مبنی توثیق نے شہریوں کی زندگی کو آسان بنانے، فلاحی اسکیموں کی مؤثر ترسیل اور مختلف خدمات کو رضاکارانہ طور پر حاصل کرنے میں ایک اہم کردار ادا کیا ہے۔ صرف اپریل کے مہینے میں تقریباً 210 کروڑ آدھاسےر تصدیق شدہ  لین دین کیے گئے، جو کہ اپریل 2024 کے مقابلے میں تقریباً 8 فیصد زیادہ ہیں۔

ای کے وائی سی سے صارفین کے تجربے میں بہتری

آدھار کی ای کے وائی سی خدمات صارف کے تجربے کو بہتر بنانے اور بینکنگ و غیر بینکنگ مالیاتی خدمات سمیت مختلف شعبوں میں کاروبار میں آسانی پیدا کرنے میں کلیدی کردار ادا کر رہی ہے۔

اپریل 2025 میں کل 37.3 کروڑ ای کے وائی پر مبنی لین دین کیے گئے، جو کہ گزشتہ سال کے اسی مہینے کے مقابلے میں 39.7 فیصد زیادہ ہیں۔ 30 اپریل 2025 تک ای کے وائی کے مجموعی لین دین 2393 کروڑ سے تجاوز کر چکے ہیں۔

یو آئی ڈی اے آئی چہرے کی پہچان میں اضافہ

یو آئی ڈی اے آئی کی جانب سے خود تیار کردہ اے آئی؍ ایم ایل پر مبنی آدھار کے ذریعہ چہرے کی شناخت کے حل کو مسلسل پذیرائی حاصل ہو رہی ہے۔ اپریل میں تقریباً 14 کروڑلین دین چہرے کی شناخت کے ذریعہ ہوئے، جو اس تصدیقی طریقہ کار کو اپنانے کی علامت ہیں اور یہ ظاہر کرتے ہیں کہ یہ آدھار نمبر رکھنے والوں کے لیے کتنی مؤثر ثابت ہو رہی ہے۔حکومتی و نجی شعبے کی 100 سے زائد تنظیمیں چہرے کی شناخت کا استعمال فوائد اور خدمات کی ہموار ترسیل کے لیے کر رہی ہیں۔

 * * * 

ش ح۔م ع ن- ن ع

U-NO: 838