ویشاکھ بدھ پورنیما 2025 کا رسمی افتتاح آج ڈاکٹر بی آر امبیڈکر انٹرنیشنل سینٹر، نئی دہلی، میں منعقد ہوا۔روحانی طور پر گونجنے والے اور ثقافتی اعتبار سے بھگوان شاکی مونی بدھ کو خراج عقیدت پیش کرتے ہوئے اس تقریب کا اہتمام وزارت ثقافت اور بین الاقوامی بدھسٹ کنفیڈریشن (آئی بی سی) نے بدھ کی پیدائش، نروان ،  اور مہاپری نروان کی یاد میں ٹرپل بلیسڈ ڈے کے موقع پر کیا تھا۔

ثقافت اور سیاحت کے مرکزی وزیر جناب گجیندر سنگھ شیخاوت نے اس موقع پر مہمان خصوصی کی حیثیت سے شرکت کی اور بدھ مت کے مقدس ورثے کے رکھوالے کے طور پر ہندوستان کے اہم کردار پر روشنی ڈالی۔ انہوں نے کہا کہ ’’ہندوستان صرف مہاتما بدھ کی پیدائش کی سرزمین نہیں ہے - یہ ان کے عدم تشدد، ذہن سازی اور درمیانی راستے کے آفاقی پیغام کا محافظ ہے‘‘ جووزیر اعظم جناب نریندر مودی کے عالمی وژن کے مطابق ہیں ۔

بدھ مت کے بھرپور ورثے پر روشنی ڈالتے ہوئے، وزیر موصوف نے کہا، ’’ہندوستان اپنے مقدس ورثے کو فعال طور پر بانٹنے اور محفوظ کرنے کے لیے جاری رکھے ہوئے ہے۔ حالیہ برسوں میں، حکومت ہند نے بدھ مت کے عالمی تعلقات کو مضبوط بنانے کے لیے اقدامات کیے ہیں۔ سب سے اہم کوششوں میں سے ایک  بد کی مقدس اشیا کی نمائش ہے۔ یہ مقدس اشیا  جو کی عقیدت اور حرمت کا  خزانہ ہے — منگولیا، سری لنکا، تھائی لینڈ اور ویتنام، جیسے ممالک کو خصوصی طور پر بھیجے گئے ہیں۔بیرون ملک اپنے بدھ بھائیوں کے ساتھ روحانی اور ثقافتی رشتوں کو مضبوط کر رہے ہیں۔

انہوں نے ذکر کیا کہ یہ نمائشیں رسمی سے زیادہ ہیں - یہ ثقافتی سفارت کاری اور روحانی اتحاد کی کارروائیاں ہیں۔ انہوں نے مزید کہا کہ جہاں کہیں بھی یہ مقدس اشیا جاتی ہیں، وہ عقیدت کو جنم دیتے ہیں، روابط کو گہرا کرتے ہیں، اور بدھ مت کے روحانی ماخذ کے طور پر ہندوستان کے کردار کی تصدیق کرتے ہیں۔ اب تک گزشتہ دس دنوں کے دوران ویتنام سے 18 لاکھ سے زائد افراد ان مقدس اشیا سے فیض حاصل کر چکے ہیں۔

مہمان خصوصی، پارلیمانی امور اور اقلیتی امور کے وزیر جناب کرن رجیجو نے بدھ کی تعلیمات کی جامع مطابقت پر زور دیا۔ انہوں نے واضح کیا کہ ’’بدھ کی پیروی کرنے کے لیے کسی کو بدھ مت  اپنانے  کی ضرورت نہیں ہے۔ اس کی حکمت سب کے لیے رہنمائی کی روشنی ہے، خاص طور پر ہنگامہ آرائی اور غیر یقینی کے وقت۔ بدھ مت ایک فلسفہ ہے نہ کہ مذہب‘‘ ۔

جنگ بندی کے بعد وزیر اعظم کی تقریر کا حوالہ دیتے ہوئے کہ ہندوستان نے دنیا کو مہاتما بدھ کی تعلیمات دی ہیں نہ کہ جنگ، جناب  رجیجو نے کہا کہ ہندوستان امن کے لیے کوشاں ہے لیکن اگر ایسے عناصر ہیں جو امن میں خلل ڈالنا چاہتے ہیں تو ہم اس امن کو برقرار رکھنے کے لیے طاقت ’شکتی‘  کا استعمال کریں گے۔

وزیر موصوف  600 سے زیادہ لوگوں سے  خطاب کر رہے تھے ، جن میں سنگھ ، بھکشو، اور راہبہ ، بدھ مت کے طلباء ، عام آدمی اور دیگر سفارتی برادری کے ارکان بھی موجود تھے  ۔ بھوٹان ، منگولیا ، نیپال اور سری لنکا کے سفیروں کے ساتھ ساتھ لاؤس ، جاپان ، روس ، تائیوان اور کمبوڈیا کے نمائندوں کی بھی عزت افزائی کی گئی ۔

اپنی استقبالیہ تقریر میں ، آئی بی سی کے سکریٹری جنرل ، شارٹسے کھنسور جانگچپ چوئڈن رنپوچے نے دھم کے بارے میں بات کرتے ہوئے ، سنسکرت میں بدھ کی 47 خوبیوں کا ذکر کرتے ہوئے کہا کہ یہ تعریفیں اور اس کی صفات کی تفصیل صرف سنسکرت کے ادب میں موجود ہے ، جو اسے ایک قیمتی متن بناتا ہے ۔ یہ شلوک متاثر کن ہیں اور ویسک پورنیما کے مہینے میں جاپ کیا جاتا ہے۔

آئی بی سی کے ڈائریکٹر جنرل ابھیجیت ہلدر نے وزارت ثقافت کی کوششوں پر روشنی ڈالی کہ اس نے بدھ کی مقدس پپراوا  کی  یادگاری اشیا سے وابستہ زیورات کی نیلامی سے بچنے کے لیے جارحانہ دباؤ ڈالے ، جنہیں نقصان پہنچنے سے دو دن پہلےروک دیا گیا تھا۔ انہوں نے مزید کہا کہ ’’یہ بدھ کی طاقت اور آشیرواد ہی تھے جنہوں نے نیلامی کو روکا‘‘ ۔

گیشے دورجی دمدل ، پروفیسر ہیرا پال گینگ نیگی اور پروفیسر بملیندر کمار سمیت ارود کے بودھ اسکالرز نے’تنازعات کے حل میں بدھ دھم کا اطلاق‘ کے موضوع پر پینل مباحثے میں حصہ لی۔

گیالٹسن سامٹن ، خاص طور پر مشکل وقت میں بدھ کی طرف سے محفوظ کردہ اخلاقی ہمت اور امن پر غور کرنے پر زور دیتے ہیں ۔ سبھدرا دیسائی نے رتنا سوٹا کی عقیدت مندانہ تشریح پیش کی ، جس میں تعلیمات کے جذبے کا ذکر کیا گیا ۔

تقریبات میں دو اہم نمائشیں شامل تھیں — ہندوستان کی تقابلی بدھ فن تاریخ اور بدھ کی حیات و تعلیمات ، جو ویتنام میں اقوام متحدہ کے ویسک ڈے 2025 کے پروگرام کا حصہ بنیں ۔ ان نمائشوں میں ایشیا  میں بدھ  دھم کی تشہیر پر دستاویزی فلمیں اور سار ناتھ کے مقدس آثار کی نمائش شامل تھی ۔

یادگاری تقریب کا اختتام گرو الپنا نائک اور ان کے گروپ کی متحرک ثقافتی کارکردگی کے ساتھ ہوا ، جس میں بھگوان بدھ کی فنکارانہ اور روحانی میراث کا احاطہ کیا گیا ۔

*****

ش ح ۔ ف ا۔ م ت

U - 814

(Release ID: 2128990)