প্রধান মন্ত্রীনা হৌজিক ওইরক্লিবা নেস্নেল সেক্যুরিতীগী ফিভমশিং অসি য়েংলগা জাতিগী থাক্তা শেম শারিবা অমসুং ইন্তর-মিনিস্ত্রিএল কোওর্দিনেসন য়েংশিন্নবা ভারত সরকারগী মন্ত্রালয়শিং অমসুং বিভাগশিংগী সেক্রেতররীশিংগা লোয়ননা অৱাংবা থাক্কী মীফম অমদা ঙসি ময়াই তাংবল লৌখ্রে।

পি.এম.না ওপরেস্নেল কন্তিন্যুতী অমসুং ইন্সতিত্যুস্নেল রেজিলিয়েন্স লৈহন্নবা মন্ত্রালয়শিং অমসুং এজেন্সীশিংগী মরক্তা অপনবা লৈতনা তেংবাং পীনবগী মথৌ তাবদা অকনবা ৱাফম থমখি।

পি.এম.না হৌজিক ওইরিবা ফিভম অসি লাকশিন্নবা মন্ত্রালয়শিংনা থৌরাং তৌরিবা অমসুং শেম শারিবা অদু হন্না য়েংশিনখি।

সেক্রেতরীশিংদা মখোয়গী মশাগী মন্ত্রালয়গী ওপরেসনগী কমপ্রিহেন্সিব রিভ্যু অমা তৌনবা অমসুং রেদিনেস, ইমর্জেন্সী রেস্পোন্স অমসুং ইন্তর্নেল কম্ম্যুনিকেসন প্রোতোকলশিংদা অখন্নবা মীৎয়েং থম্বগা লোয়ননা তঙাই ফদবা সিস্তেমশিংগী ফুল-প্রুফ ফঙ্কস্নিং তৌহন্নবা পাউতাক পীখ্রে।

সেক্রেতরীশিংনা হৌজিক ওইরিবা ফিভমদা হোল ওফ গভর্নমেন্ত প্রোচ অমগা লোয়ননা মখোয়গী থৌরাং অদুগী অকুপ্পা ৱারোল অদু থমখি।

মন্ত্রালয় পুম্নমক্না নুংঙাইনদবা অসিগা মরী লৈননা মখোয়না তৌবা য়াবশিং মশক খঙদোকখ্রে অমসুং প্রোসেসশিং মপাঙ্গল কনখৎহল্লি। মন্ত্রালয়শিংনা থোরকপা ফিভম পুম্নমক থেংননবা শেম শারে।

মীফম অদুদা হীরম কয়ামরুম খন্নখি। মসিদা সিভিল দিফেন্স মেকানিজমশিং মপাঙ্গল কনখৎহনবা, লান্না শন্দোকপা অমসুং অরানবা পাউশিং থেংননবা খোঙথাংশিং, অমসুং ক্রিতিকেল ইনফ্রাস্ত্রকচরগী সেক্যুরিরী ঙাকশেনবা য়াওরি। মন্ত্রালয়শিংদা স্তেৎ ওথোরিতীশিং অমসুং গ্রাউন্দ-লেবেল ইন্সতিত্যুসনশিংগা লোয়ননা পুন্না থবক তৌমিন্নবা পাউতাকসু পীখ্রে।

মীফম অসিদা কেবিনেৎ সেক্রেতরী, প্রধান মন্ত্রীগী লোইশঙগী মকোক থোংবা ওফিসিএলশিং, অমসুং দিফেন্স, গৃহ, মপাল থৌরম, ইনফোর্মেসন এন্দ ব্রোদকাস্তিং, পাৱর, হকশেল অমসুং তেলিকম্ম্যুনিকেসন্স য়াওনা মরু ওইবা মন্ত্রালয়শিংগী সেক্রেতরীশিংনা শরুক য়াখি।

প্রধান মন্ত্রীনা জাতি অসিনা অরুবা তানফম অমদা লৈরিবা অসিদা মখা তানা চেকশিন্নবা, ইন্সতিত্যুস্নেল সিনর্জী লৈহন্নবা অমসুং ময়েক শেংনা পাউ ফাওননবা হায়খি। মহাক্না নেস্নেল সেক্যুরিতী, ওপরেস্নেল প্রিপিয়র্দনেস অমসুং প্রজাশিং শাফনা থম্নবগী সরকারগী ফিরেপ অদু অমুক হন্না ফোংদোকখি।

***