প্রধান মন্ত্রী শ্রী নরেন্দ্র মোদীনা ঙসি অন্ধ্র প্রদেশ (আই.আই.তি. তিরুপতী), ছত্তিসগর (আই.আই.তি. ভিলাই), জম্মু অমসুং কাস্মির (আই.আই.তি. জম্মু), কর্নাতকা (আই.আই.তি. ধরৱার) অমসুং কেরলা (আই.আই.তি. পলক্কদ) তা লিংখৎবা অনৌবা ইন্দিয়ন ইন্সতিত্যুৎ ওফ তেক্নোলোজী (আই.আই.তি.)শিংগী একাদমিক অমসুং ইনফ্রাস্ত্রকচর কেপাসিতী হেনগৎহন্নবা (ফেজ – ‘বি’ কন্সত্রক্সন) অয়াবা পীখ্রে‍।

হায়রিবা অসিগী অপুনবা শেঞ্জংনা ২০২৫-২৬ তগী ২০২৮-২৯ ফাওবা চহি মরিগী ওইনা লুপা করোর ১১,৮২৮.৭৯ নি।

মন্ত্রী মন্দলনা হায়রিবা আই.আই.তি.শিং অসিদা ফেকল্তী পোস্ত (প্রোফেসরগী থাক্তা হায়বদি লেবেল ১৪ অমদি মথক) ১৩০ শেম্বদসু অয়াবা পীখ্রে‍।

ইন্দস্ত্রী-একাদমিয়া লিঙ্কেজ মপাঙ্গল কনখৎহন্নবা অনৌবা স্তেত-ওফ-আর্ত রিছর্চ পার্ক মঙাসু লিংখৎলগনি‍।

পায়খৎপগী লাল্লোং অমসুং পান্দম:

হায়রিবা আই.আই.তি.শিং অসিগী মহৈরোয় লৌবগী চাংসু লাক্কদৌরিবা চহি মরিসিদা ৬৫০০ হেন্না হেনগৎহনগনি, মসিদা অন্দর গ্রেজুএত (য়ু.জি.), পোস্ত গ্রেজুএত (পি.জি.) অমদি পি.ঐচ.দি.) প্রোগ্রাম পুল্লগা ১বা চহিদা মহৈরোয় ১৩৬৪, ২শুবা চহিদা মহৈরোয় ১৭৩৮, ৩শুবা চহিদা মহৈরোয় ১৭৬৭ অমদি ৪শুবা চহিদা মহৈরোয় ১৭০৭ হাপচিনগনি‍।

কান্নবা ফংগদৌরিবশিং:

শেমগৎ শাগৎলিবশিং অসি লোইরকপদা, হায়রিবা আই.আই.তি. মঙা অসিনা হৌজিক লৈরিবা মহৈরোয় মশিং ৭,১১১ অসিগা চাংদম্নবদা মহৈরোয় ১৩,৬৮৭ দা মহৈ মশিং তম্বিদুনা অহেনবা মহৈরোয় ৬,৫০০ না লৈবাকসিগী খ্বায়দগী লেমজনিংঙাই ওইরবা অমদি মীয়াম্না তান্নবা মহৈ তম্ফম ইন্সতিত্যুসনশিংদা মহৈ তম্নিংবগী অপাম্বা ফংলগনি‍। মসিনা স্কিল লৈবা ৱর্কফোর্স শেমগত্তুনা, ইনোভেসন পুক্নিং থৌগত্তুনা অমদি শেন্মিৎলোন চাওৎহনবদা ইনোৎ হাপ্তুনা লৈবাক শেমগৎপদা কান্নহনগন‍ি‍। মসিনা সোসিএল মোবিলিতী হেনগৎহল্লি, মহৈ মশিংগী লমদা থোং মান্নদবগী চাং হন্থহল্লি, অমদি ভারতকী মালেমদা লৈরিবা মফম হেন্না চেৎশিনহল্লি‍।

থবক পীবা:

হেনগৎলক্লিবা মহৈরোয় মশিং অমদি ফেসিলিতীশিং পানননবা ফেকলতী, এদমিনিস্ত্রেতিব স্তাফ, রিছর্চর, অমদি সপ্পোর্ত পর্সোনেল লৌদুনা হকথেংননা থবক পীবগা ঙমগনি‍। আই.আই.তি. কেম্পস পাকথোক চাউথোকহনবা অসিনা হাউজিং, ত্রান্সপোর্তেসন, অমদি সর্ভিসকী দিমান্দ হেনগৎহন্দুনা লোকেল ইকনমীদা ইনোৎ হাপকনি‍। আই.আই.তি.শিং অসিদগী থোরকপা গ্রেজুএত অমদি পোস্ত গ্রেজএত মশিং হেনগৎলক্লিবা অসিনা মখা তানা ইনোভেসন অমদি স্তার্তঅপ ইকোসিস্তেম হেনগৎহন্দুনা খেন্নবা সেক্তরশিংদা থবক পীবদা থৌদাং য়াগনি‍।

স্তেত অমসু দিস্ত্রিক্তশিং:

হায়রিবা আই.আই.তি.শিং অসি অন্ধ্র প্রদেশ (আই.আই.তি. তিরুপতী), ছত্তিসগর (আই.আই.তি. ভিলাই), জম্মু অমসুং কাস্মির (আই.আই.তি. জম্মু), কর্নাতকা (আই.আই.তি. ধরৱার) অমসুং কেরলা (আই.আই.তি. পলক্কদ) তা লৈ‍। অদুম ওইনমক, আই.আই.তি.শিং অসিদা মিং চনবগী মওংদি ভারত পুম্বগী ওইবা মওংদা তৌগনি অমদি মসিনা মরম ওইরগা পাকথোক চাউথোকহল্লিবা অসিনা লৈবাক শিনবা থুংনা লৈরিবা স্তেত/য়ু.তি. পুম্নমক্তা কান্নবা পীগনি‍।

২০২৫-২৬ কী বজেত্তা লাউথোকখিবদা হায়খিবা ৱাফমদি:

“আই.আই.তি. ২৩ দা লৈরিবা অপুনবা মহৈরোয় মশিং অসি হৌখিবা চহি ১০ অসিদা ৬৫,০০০ লৈরম্বদগী লাখ ১.৩৫ দা হেনগৎলক্তুনা চাদা ১০০ হেনগৎলকখি‍। অহেনবা মহৈরোয় ৬,৫০০ দা মহৈ মশিং তম্বা ফংহন্নবা ২০১৪ গী মতুংদা হৌদোকখিবা আই.আই.তি. মঙাদা অহেনবা ইনফ্রাস্ত্রকচর হাপচিনগনি‍।”

বেকগ্রাউন্দ:

হায়রিবা আই.আই.তি. মঙা অসি অন্ধ্র প্রদেশ (আই.আই.তি. তিরুপতী), ছত্তিসগর (আই.আই.তি. ভিলাই), জম্মু অমসুং কাস্মির (আই.আই.তি. জম্মু), কর্নাতকা (আই.আই.তি. ধরৱার) অমসুং কেরলা (আই.আই.তি. পলক্কদ) তা লিংখৎখিবনি‍। আই.আই.তি. পলক্কদ অমসুং তিরুপতীগী সেসন ২০১৫-১৬৬ দা হৌখিবনি, অদুগা লেমহৌরিবা অহুম অসিগীনা ২০১৬-১৭ দগী মখোয়গী মতম খরগী ওইবা কেমপসশিংদগী হৌখিবনি‍। হায়রিবা আই.আই.তি.শিং অসি হৌজিক্তি মখোয়গী পর্মেনেন্ত কেম্পসতগী নীংথিনা মথৌ তৌরি‍।

*****