తెలంగాణలోని యాదాద్రి భువనగిరి జిల్లా, కాటేపల్లి గ్రామంలో పేలుడు పదార్థాల తయారీ కర్మాగారంలోని ప్రొపెల్లెంట్ మిక్సింగ్ యూనిట్లో జరిగిన ప్రమాదంలో ముగ్గురు కార్మికులు మరణించారని, మరో ముగ్గురు గాయపడినట్లు మీడియాలో వచ్చిన వార్తలను జాతీయ మానవ హక్కుల కమిషన్ సుమోటోగా స్వీకరించింది. ఈ సంఘటన 2025, ఏప్రిల్ 29న జరిగిందని వార్తల్లో పేర్కొన్నారు.

ఈ వార్తల్లో పేర్కొన్న అంశాలు నిజమైతే.. ఇది బాధితుల మానవ హక్కుల ఉల్లంఘనకు సంబంధించిన తీవ్రమైన అంశాలను లేవెనెత్తుతున్నాయని కమిషన్ గమనించింది. కాబట్టి ఈ అంశంపై రెండు వారాల్లోగా పూర్తి వివరాలతో కూడిన నివేదిక అందించాలని తెలంగాణ ప్రభుత్వ ప్రధాన కార్యదర్శి, పోలీస్ డైరెక్టర్ జనరల్‌కు నోటీసులు జారీ చేసింది. ఈ నివేదికలో గాయపడిన వారి ఆరోగ్య పరిస్థితి గురించిన సమాచారం సైతం ఉంటుందని భావిస్తున్నారు.

మీడియా కథనాల ప్రకారం, 2025, ఏప్రిల్ 29న జరిగిన పేలుడు వల్ల ప్లాంట్‌లోని మిక్సింగ్ యూనిట్ మొత్తం కూలిపోయింది. వార్తల ప్రకారం, ఈ సంస్థ డీఆర్‌డీవోతో సహా వాణిజ్య, ప్రముఖ సంస్థల కోసం పేలుడు పదార్థాలను తయారుచేస్తోంది.  

***