મેજર ધ્યાનચંદ નેશનલ સ્ટેડિયમ ફિટનેસ અને પ્રેરણાના ઉત્સવમાં ફેરવાઈ ગયું કારણ કે ફિટ ઈન્ડિયા સન્ડેઝ ઓન સાયકલના નવીનતમ સંસ્કરણમાં શિક્ષકો, રમતવીરો, ફિટ ઈન્ડિયા પ્રભાવકો અને ફિટનેસ પ્રેમીઓ સહિત 750 સહભાગીઓએ ઉત્સાહપૂર્વક ભાગ લીધો હતો.

આ કાર્યભાર સંભાળવા માટે કેન્દ્રીય યુવા બાબતો અને રમતગમત મંત્રી ડૉ. મનસુખ માંડવિયાએ કેન્દ્રીય રમતગમત સચિવ શ્રી હરિ રંજન રાવ સાથે ટોક્યો ઓલિમ્પિક્સના સિલ્વર મેડલ વિજેતા રવિ દહિયા, ઓલિમ્પિયન અને કોમનવેલ્થ ગેમ્સના સુવર્ણ ચંદ્રક વિજેતા દીપક પુનિયા, ગિનિસ વર્લ્ડ રેકોર્ડ ધારક રોહતાશ ચૌધરી (ભારતના પુશ-અપ મેન) અને પ્રખ્યાત પર્વતારોહક નરેન્દ્ર કુમાર, જેમણે તાજેતરમાં 8091 મીટર ઊંચા વિશ્વના 10મા સૌથી ઊંચા પર્વત માઉન્ટ અન્નપૂર્ણા પર 12 દિવસના રેકોર્ડ સમયમાં વિજય મેળવ્યો હતો, સહિત રાષ્ટ્રીય પ્રતિષ્ઠિત વ્યક્તિઓની શક્તિશાળી શ્રેણી સાથે સાયકલ ચલાવી હતી.

આ અઠવાડિયાની થીમ 'શિક્ષકો સાથે સાયકલિંગ' હોવાથી, આ કાર્યક્રમમાં શહેરભરની વિવિધ શૈક્ષણિક સંસ્થાઓ, જેમાં શાળાઓ, યુનિવર્સિટીઓ અને ખાનગી સંસ્થાઓનો સમાવેશ થાય છે, શિક્ષકો, માર્ગદર્શકો અને શૈક્ષણિક કોચ હાજર રહ્યા હતા.

"શિક્ષકો આપણા વિદ્યાર્થીઓ માટે હીરો છે અને હવે, તમારે વિકસિત ભારત માટે હીરો બનવું પડશે. તમે બધા સાયકલ ચલાવવાને ફેશન બનાવી શકો છો અને હું બધા શિક્ષકોને વિનંતી કરું છું કે તેઓ પોતે પણ સાયકલનો ઉપયોગ શરૂ કરે અને વિદ્યાર્થીઓને તેનું અનુકરણ કરવા કહે. આપણે ડિજિટલ યુગમાં પ્રવેશ કરી રહ્યા છીએ પરંતુ આપણે આપણી શારીરિક તંદુરસ્તીમાં પણ સુધારો કરવાની જરૂર છે. તેથી, આપણે ડિજિટલ પ્રવૃત્તિથી શારીરિક પ્રવૃત્તિ તરફ સંક્રમણ કરવું પડશે. આનાથી 'સ્થૂળતા સામે લડાઈ'ના મિશન અને આપણા માનનીય પ્રધાનમંત્રી શ્રી નરેન્દ્ર મોદીએ નિર્ધારિત કરેલા ફિટ ઇન્ડિયા અને વિકસિત ભારતનું વિઝન આકાર લેશે,” ડૉ. માંડવિયાએ સહભાગીઓને સંબોધતા કહ્યું હતું.

આ રવિવારનો કાર્યક્રમ શિક્ષકો સાથેનનો કાર્યક્રમ સાયકલિંગ ફેડરેશન ઓફ ઈન્ડિયા (CFI), MY ભારત અને રાજ્ય સરકારોના સહયોગથી યોજવામાં આવ્યો હતો. ખાસ ભાગીદારોમાં ફિઝિકલ એજ્યુકેશન ફાઉન્ડેશન ઓફ ઈન્ડિયા (PEFI), દિલ્હી યુનિવર્સિટી, CBSE અને CISCE બોર્ડ, કેન્દ્રીય વિદ્યાલય, રાષ્ટ્રીય પ્રગતિશીલ શાળા પરિષદ, રાષ્ટ્રીય ફોરેન્સિક સાયન્સ યુનિવર્સિટી, યોગાસન ભારત, ભારતીય રોપ સ્કિપિંગ ફાઉન્ડેશન અને અન્ય સંસ્થાઓ સામેલ હતી.

રેસલિંગ સ્ટાર રવિ દહિયા અને દીપક પુનિયાએ સેકલસવારોને પ્રોત્સાહન આપ્યું હતું. યુવાનો અને શિક્ષકોને તેમના રોજિંદા જીવનમાં શારીરિક તંદુરસ્તીનો સમાવેશ કરવા વિનંતી કરી. "આ અમારી સરકાર દ્વારા શરૂ કરાયેલ એક ખૂબ જ મહત્વપૂર્ણ ચળવળ છે.  જે ખાતરી કરે છે કે શારીરિક તંદુરસ્તી પર સંપૂર્ણ ધ્યાન આપવામાં આવે.' શરીર શક્તિમાન છે' (તમારું શરીર સૌથી શક્તિશાળી વસ્તુ છે) અને આ મંત્રને ધ્યાનમાં રાખીને, દરેક વ્યક્તિએ દિવસમાં ઓછામાં ઓછા 1-2 કલાક સાયકલ ચલાવવી જોઈએ," ટોક્યો ઓલિમ્પિક્સમાં સિલ્વર મેડલ વિજેતા રવિ દહિયાએ ટિપ્પણી કરી હતી.

"હું ખરેખર આ ચળવળને એક પ્રશંસનીય પહેલ તરીકે ગણાવું છું અને મારું માનવું છે કે દરેક વ્યક્તિએ સાયકલિંગ અપનાવવું જોઈએ.  કારણ કે તે ફિટનેસને પ્રોત્સાહન આપે છે અને પ્રદૂષણમુક્ત ભારત માટે ફાળો આપે છે," ટોક્યો ઓલિમ્પિકમાં મેડલ મેળવવામાં ભાગ્યે જ ચૂકી ગયેલા દીપક પુનિયાએ ઉમેર્યું હતું.

નરેન્દ્ર કુમાર પણ હાજર હતા . "મારું માનવું છે કે, સાયકલિંગ એ સારા સ્વાસ્થ્ય માટે એક સારી શરૂઆત છે. સન્ડે ઓન સાયકલ તેને પ્રોત્સાહન આપવાનો એક સંપૂર્ણ માર્ગ લાગે છે. મારા માટે, અન્નપૂર્ણા પર ચઢાણ નિઃશંકપણે મુશ્કેલ હતું, પરંતુ ફિટનેસ તરફના સતત પ્રયાસોને કારણે તે શક્ય બન્યું છે. આ ચળવળ પણ તે સંદેશ આપે છે," તેમણે કહ્યું હતું.

ડિસેમ્બર 2024માં શરૂ થયા પછી, ફિટ ઇન્ડિયા સન્ડેઝ ઓન સાયકલ પહેલમાં 5000થી વધુ સ્થળોએથી 2.5 લાખ લોકો ભાગ લઈ ચૂક્યા છે. સાયકલિંગ ડ્રાઇવનો વ્યાપક વિસ્તાર આંદામાન અને નિકોબાર, જમ્મુ અને કાશ્મીર, લદ્દાખ તેમજ લક્ષ્યદીપ ટાપુઓ જેવા સ્થળોએ પહોંચ્યો છે. SAI પ્રાદેશિક કેન્દ્રો, રાષ્ટ્રીય શ્રેષ્ઠતા કેન્દ્રો (NCOEs), SAI તાલીમ કેન્દ્રો, SAI વિસ્તરણ કેન્દ્રો, ખેલો ઇન્ડિયા કેન્દ્રો (KICs) અને ખેલો ઇન્ડિયા રાજ્ય શ્રેષ્ઠતા કેન્દ્રો (KISCEs) સહિત અન્ય સ્થળોએથી મોટી ભાગીદારી સાથે દેશભરમાં એક સાથે કાર્યક્રમો યોજવામાં આવે છે.

AP/IJ/GP/JD