ବାଣିଜ୍ୟ ଓ ଶିଳ୍ପ ମନ୍ତ୍ରଣାଳୟ
ପାକିସ୍ତାନରୁ ଭାରତକୁ ଆସୁଥିବା କିମ୍ବା ରପ୍ତାନୀ ହେଉଥିବା ସମସ୍ତ ସାମଗ୍ରୀ ଆମଦାନୀ ଉପରେ କଟକଣା ଜାରି କଲେ ସରକାର
Posted On:
03 MAY 2025 3:20PM by PIB Bhubaneshwar
ବାଣିଜ୍ୟ ଏବଂ ଶିଳ୍ପ ମନ୍ତ୍ରଣାଳୟର ବୈଦେଶିକ ବାଣିଜ୍ୟ ମହାନିର୍ଦ୍ଦେଶାଳୟ (ଡିଜିଏଫଟି) ଏକ ବିଜ୍ଞପ୍ତି ଜାରି କରି ପାକିସ୍ତାନରୁ ଆସୁଥିବା କିମ୍ବା ସେଠାରୁ ଭାରତକୁ ରପ୍ତାନୀ କରାଯାଉଥିବା ସମସ୍ତ ସାମଗ୍ରୀ ଆମଦାନୀ ଉପରେ କଟକଣା ଲଗାଇଛି।
ଏହା ପାକିସ୍ତାନରୁ ସିଧାସଳଖ କିମ୍ବା ଅନ୍ୟ କୌଣସି ପରୋକ୍ଷ ବାଣିଜ୍ୟ ମାର୍ଗରେ ସାମଗ୍ରୀ ଆମଦାନୀ ଉପରେ ପ୍ରତିବନ୍ଧକ ଲଗାଇବ।
୨ ମେ ୨୦୨୫ ରେ ବିଜ୍ଞପ୍ତି ସଂଖ୍ୟା ୦୬/୨୦୨୫-୨୬ ମାଧ୍ୟମରେ ଜାରି ହୋଇଥିବା ନିର୍ଦ୍ଦେଶ ତୁରନ୍ତ କାର୍ଯ୍ୟକାରୀ ହୋଇଛି। ଏଫ୍.ଟି.ପି. ୨୦୨୩ରେ ଏକ ନୂତନ ଅନୁଚ୍ଛେଦ ପାରା ୨.୨୦ ଏ ଯୋଡ଼ାଯାଇଛି:
“ପାକିସ୍ତାନରୁ ଆସୁଥିବା କିମ୍ବା ରପ୍ତାନି ହୋଇଥିବା, ପ୍ରତ୍ୟକ୍ଷ କିମ୍ବା ପରୋକ୍ଷ ଆମଦାନୀ କିମ୍ବା ପରିବହନ କରାଯାଇଥିବା, ମୁକ୍ତ ଭାବରେ ଆମଦାନୀ ଯୋଗ୍ୟ ହେଉ କିମ୍ବା ନ ହେଉ କିମ୍ବା ଅନ୍ୟଥା ଅନୁମତିପ୍ରାପ୍ତ ହୋଇଥାଉ, ସମସ୍ତ ସାମଗ୍ରୀକୁ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ତତ୍କାଳ ପ୍ରଭାବ ସହିତ ନିଷେଧ କରାଯିବ। ଜାତୀୟ ସୁରକ୍ଷା ଏବଂ ଜନନୀତି ହିତକୁ ଦୃଷ୍ଟିରେ ରଖି ଏହି କଟକଣା ଲାଗୁ କରାଯାଇଛି।”
ବିସ୍ତୃତ ବିଜ୍ଞପ୍ତି ଡି. ଜି. ଏଫ୍. ଟି. ୱେବସାଇଟ https://dgft.gov.in. ରେ ଉପଲବ୍ଧ।
*****
P.S.
(Release ID: 2126671)
Visitor Counter : 5