ಮುಂಬೈನ ಜಿಯೋ ವರ್ಲ್ಡ್ ಸೆಂಟರ್ ನಲ್ಲಿ ನಡೆಯುತ್ತಿರುವ ವಿಶ್ವ ಆಡಿಯೊ / ಶ್ರವ್ಯ ದೃಶ್ಯ ಮತ್ತು ಮನರಂಜನಾ ಶೃಂಗಸಭೆ, ವೇವ್ಸ್ 2025, "ಪ್ಯಾನ್-ಇಂಡಿಯನ್ ಸಿನೆಮಾ: ಮಿಥ್ಯವೋ ಅಥವಾ ವೇಗವೋ" (Pan-Indian Cinema: Myth or Momentum) ಎಂಬ ಸ್ಫೂರ್ತಿದಾಯಕ ಗೋಷ್ಠಿಯನ್ನು ಆಯೋಜಿಸಿತ್ತು. ಶ್ರೀ ನಮನ್ ರಾಮಚಂದ್ರನ್ ಅವರ ನಿರ್ವಹಣೆಯಲ್ಲಿ ನಡೆದ ಈ ಅಧಿವೇಶನದಲ್ಲಿ ಭಾರತೀಯ ಚಲನಚಿತ್ರೋದ್ಯಮದ ನಾಲ್ವರು ಗಣ್ಯ ವ್ಯಕ್ತಿಗಳಾದ ಶ್ರೀ ನಾಗಾರ್ಜುನ, ಶ್ರೀ ಅನುಪಮ್ ಖೇರ್, ಶ್ರೀ ಕಾರ್ತಿ ಮತ್ತು ಶ್ರೀಮತಿ ಖುಷ್ಬೂ ಸುಂದರ್ ಅವರು ಮನೋಜ್ಞ  ಸಂವಾದದಲ್ಲಿ ಭಾಗವಹಿಸಿದ್ದರು. 

ಶ್ರೀಮತಿ ಖುಷ್ಬೂ ಸುಂದರ್ ಅವರು ಸಿನೆಮಾದ ಶಕ್ತಿಯು ಅದರ ಭಾವನಾತ್ಮಕ ಸ್ಪಂದನೆಯಲ್ಲಿದೆ ಎಂದು ಪ್ರೇಕ್ಷಕರಿಗೆ ನೆನಪಿಸಿದರು. ಭಾರತೀಯ ಚಿತ್ರಗಳು ಎಲ್ಲಾ ಭಾರತೀಯರೊಂದಿಗೆ ಬೆರೆಯುವ ಉದ್ದೇಶದಿಂದ ರಚಿಸಲ್ಪಟ್ಟಿರುವುದರಿಂದ, ಬಾಲಿವುಡ್ ಮತ್ತು ಪ್ರಾದೇಶಿಕ ಚಲನಚಿತ್ರೋದ್ಯಮಗಳ ನಡುವೆ ಯಾವುದೇ ಭೇದಭಾವ ಇರಬಾರದು ಎಂದು ಅವರು ಒತ್ತಿ ಹೇಳಿದರು. ಪ್ರೇಕ್ಷಕರಿಗೆ ಸಿನಿಮಾ ಶಕ್ತಿಯು ಅದರ ಭಾವನಾತ್ಮಕ ಸ್ಪಂದನದಲ್ಲಿದೆ ಎಂಬುದನ್ನು ಶ್ರೀಮತಿ ಖುಷ್ಬೂ ಸುಂದರ್ ಅವರು ನೆನಪಿಸಿದರು. ಭಾರತೀಯ ಚಿತ್ರಗಳು ಎಲ್ಲಾ ಭಾರತೀಯರ ಹೃದಯವನ್ನು ತಲುಪುವ ಉದ್ದೇಶದಿಂದಲೇ ತಯಾರಾಗುವುದರಿಂದ, ಬಾಲಿವುಡ್ ಮತ್ತು ಪ್ರಾದೇಶಿಕ ಚಿತ್ರರಂಗಗಳ ನಡುವೆ ಯಾವುದೇ ಭೇದವಿದೆ ಎಂಬ ಭಾವನೆ ಇರಬಾರದು ಎಂದು ಅವರು ಪ್ರತಿಪಾದಿಸಿದರು. ನಾವು ನಮ್ಮ ಹಂಚಿಕೊಂಡ ಪರಂಪರೆ, ನಮ್ಮ ಹಾಡುಗಳು, ನಮ್ಮ ಕಥೆಗಳು ಮತ್ತು ನಮ್ಮ ನೆಲದ ಹಿರಿಮೆಯನ್ನು ಗೌರವಿಸಿದಾಗ, ನಿಮ್ಮ ಸಿನಿಮಾ ಕೇವಲ ಪ್ರಾದೇಶಿಕ ಅಥವಾ ರಾಷ್ಟ್ರೀಯ ಎಂಬ ಹಣೆಪಟ್ಟಿಯಿಂದ ಹೊರಬರುತ್ತದೆ. ಅದು ನಿಜವಾದ ಭಾರತೀಯ ಚಿತ್ರರಂಗವಾಗುತ್ತದೆ ಮತ್ತು ಆಗ ಎಲ್ಲವೂ ತನ್ನಷ್ಟಕ್ಕೆ ತಾನೇ ಸರಿಯಾಗುತ್ತದೆ" ಎಂದು ಅವರು ಅಭಿಪ್ರಾಯಪಟ್ಟರು.

ಶ್ರೀ ನಾಗಾರ್ಜುನ ಅವರು ಭಾರತದ ಚಲನಚಿತ್ರ ಸಂಪ್ರದಾಯಗಳನ್ನು ಒಗ್ಗೂಡಿಸುವ ಶ್ರೀಮಂತ ಸಾಂಸ್ಕೃತಿಕ ಪರಂಪರೆಯನ್ನು ಕೊಂಡಾಡುವ ಮೂಲಕ ಈ ಭಾವನೆಯನ್ನು ಪ್ರತಿಧ್ವನಿಸಿದರು. ಕಥೆಗಾರರಿಗೆ ಸ್ಫೂರ್ತಿ ನೀಡುವ ಅಸಂಖ್ಯಾತ ಭಾಷೆಗಳು, ಪದ್ಧತಿಗಳು ಮತ್ತು ಭೂದೃಶ್ಯಗಳ ಬಗ್ಗೆ ಅವರು ಮಾತನಾಡಿದರು. ತಮ್ಮ ಬೇರುಗಳ ಮೇಲೆ ಹೆಮ್ಮೆಪಡುವುದು ಸೃಜನಶೀಲತೆಗೆ ಅಡ್ಡಿಯಾಗುವುದಿಲ್ಲ, ಬದಲಾಗಿ ಅದನ್ನು ಮುಕ್ತಗೊಳಿಸುತ್ತದೆ-ಇದು ಭಾರತೀಯ ಸಿನಿಮಾದ ನಿಜವಾದ ಸಾರ ಎಂದು ಅವರು ನೆನಪಿಸಿದರು.

ಶ್ರೀ ಅನುಪಮ್ ಖೇರ್ ಅವರು ಕೋವಿಡ್-19 ಸಾಂಕ್ರಾಮಿಕವು ಸಿನಿಮಾ ನೋಡುವ ರೀತಿಯನ್ನು ಹೇಗೆ ಬದಲಾಯಿಸಿತು ಎಂಬುದನ್ನು ವಿವರಿಸಿದರು. ಪ್ರೇಕ್ಷಕರು ಬೇರೆ ಬೇರೆ ಮಾಧ್ಯಮಗಳ ಮೂಲಕ ಚಿತ್ರಗಳನ್ನು ನೋಡಲು ಶುರುಮಾಡಿದರು. ಈಗ ಇದು ಬೇರೆ ಬೇರೆ ರಾಜ್ಯಗಳ ಚಿತ್ರಗಳ ವಿಷಯವಲ್ಲ, ಕೇವಲ ಭಾರತದ ಚಿತ್ರಗಳ ವಿಷಯವಾಗಿದೆ ಎಂದರು. ತಮ್ಮ ಕೆಲಸದಲ್ಲಿ ಪ್ರಾಮಾಣಿಕತೆ ಮತ್ತು ಸತ್ಯವಂತಿಕೆ ಇರಬೇಕು ಎಂದು ಅವರು ಒತ್ತಿ ಹೇಳಿದರು. "ನೀವು ದೊಡ್ಡ ಪರದೆಯಲ್ಲಿ ಒಂದು ಪೌರಾಣಿಕ ಕಥೆಯನ್ನು ಹೇಳುತ್ತಿರಲಿ ಅಥವಾ ಜೀವನದ ಒಂದು ಸಣ್ಣ ತುಣುಕನ್ನು ತೋರಿಸುತ್ತಿರಲಿ, ಕಥೆ ಹೇಳುವಲ್ಲಿ ನಿಮ್ಮ ಪ್ರಾಮಾಣಿಕತೆಯೇ ನಿಮಗೆ ದೊಡ್ಡ ಸಹಾಯ ಮಾಡುತ್ತದೆ. ಪ್ರೇಕ್ಷಕರು ಅದ್ಧೂರಿತನವನ್ನು ಬಯಸಬಹುದು, ಆದರೆ ಅವರು ಯಾವಾಗಲೂ ಸತ್ಯಾಸತ್ಯತೆಗೆ ಮನ್ನಣೆ ನೀಡುತ್ತಾರೆ ಮತ್ತು ಅದೇ ಸಿನಿಮಾಗಳಲ್ಲಿ ಗೆಲ್ಲುತ್ತದೆ" ಎಂದು ಅವರು ಹೇಳಿದರು.

ಇದನ್ನು ಮುಂದುವರೆಸುತ್ತಾ, ಶ್ರೀ ಕಾರ್ತಿ ಅವರು ದೊಡ್ಡದಾದ, ಅಸಾಧಾರಣವಾದ ಅನುಭವಗಳನ್ನು ಸವಿಯುವ ಜನರ ನಿರಂತರ ಆಸಕ್ತಿಯ ಬಗ್ಗೆ ತಮ್ಮ ಅನಿಸಿಕೆಗಳನ್ನು ಹಂಚಿಕೊಂಡರು. ಇಂದಿನ ಪ್ರೇಕ್ಷಕರು ವಿಭಿನ್ನ ರೀತಿಯ ವಿಷಯಗಳನ್ನು ನೋಡಲು ಅವಕಾಶ ಹೊಂದಿದ್ದರೂ ಸಹ, ಹಾಡು ಮತ್ತು ನೃತ್ಯಗಳ ಅದ್ಧೂರಿ ಸಂಭ್ರಮ ಮತ್ತು ವೀರರ ಕಥೆಗಳ ಮ್ಯಾಜಿಕ್ ಅನ್ನು ಅನುಭವಿಸಲು ಚಿತ್ರಮಂದಿರಗಳಿಗೆ ಇನ್ನೂ ಬರುತ್ತಾರೆ ಎಂದು ಅವರು ಹೇಳಿದರು.

ಚರ್ಚೆಯುದ್ದಕ್ಕೂ ಮಾತನಾಡಿದ ಗಣ್ಯರು, ಕೇವಲ 'ಪ್ರಾದೇಶಿಕ' ಸಿನೆಮಾಗಳು ಎಂಬ ಪರಿಕಲ್ಪನೆಯಿಂದ ಹೊರಬಂದು, ಎಲ್ಲವನ್ನೂ 'ಭಾರತೀಯ ಸಿನೆಮಾ' ಎಂದು ಒಪ್ಪಿಕೊಳ್ಳುವ ಅಗತ್ಯವನ್ನು ಒತ್ತಿ ಹೇಳಿದರು. ಭಾವನೆಗಳು ಮತ್ತು ಪ್ರಾಮಾಣಿಕತೆಗೆ ಹೆಚ್ಚಿನ ಮಹತ್ವ ನೀಡಿದರು. ಭಾರತೀಯ ಸಿನೆಮಾದ ನಿಜವಾದ ಬಲ ಇರುವುದು ಭೇದಭಾವದಲ್ಲಿ ಅಲ್ಲ, ಬದಲಿಗೆ ನಮ್ಮ ನೆಲದಲ್ಲಿ ಬೇರೂರಿರುವ ಏಕತೆಯಲ್ಲಿ. ಈ ಒಗ್ಗಟ್ಟಿನ ಬಲದಿಂದಲೇ ಭಾರತೀಯ ಸಿನೆಮಾವು ಮುಂದೆ ಸಾಗುತ್ತದೆ ಎಂದು ಅವರು ಅಭಿಪ್ರಾಯಪಟ್ಟರು.

ರಿಯಲ್‌ ಟೈಮ್ ಅಧಿಕೃತ ನವೀಕರಣಗಳಿಗಾಗಿ, ದಯವಿಟ್ಟು ಫಾಲೋ ಮಾಡಿ: 
 

X ನಲ್ಲಿ :

https://x.com/WAVESummitIndia

https://x.com/MIB_India

https://x.com/PIB_India

https://x.com/PIBmumbai

Instagram ನಲ್ಲಿ:

https://www.instagram.com/wavesummitindia

https://www.instagram.com/mib_india

https://www.instagram.com/pibindia

*****