ಮುಂಬೈನ ಜಿಯೋ ವರ್ಲ್ಡ್ ಕನ್ವೆನ್ಷನ್ ಸೆಂಟರ್ ನಲ್ಲಿ ಆಯೋಜನೆಯಾಗಿರುವ ವೇವ್ಸ್ 2025ರ ಉದ್ಘಾಟನಾ ದಿನದಂದು "ಇಂಡಿಯನ್ ಎಂ &ಇ @ 100: ಮಾಧ್ಯಮ ಮತ್ತು ಮನರಂಜನೆಯ ಭವಿಷ್ಯದ ಮರುಕಲ್ಪನೆ" ಎಂಬ ಶೀರ್ಷಿಕೆಯ ಅಡಿಯಲ್ಲಿ ಕುತೂಹಲಕಾರಿ ಪ್ಯಾನಲ್ ಚರ್ಚೆ ನಡೆಯಿತು. ಭಾರತವು 2047 ರತ್ತ ಸಾಗುತ್ತಿರುವಾಗ ಅದರ ಬೆಳವಣಿಗೆ ಮತ್ತು ಮುಂದಿನ ಹಾದಿಯನ್ನು ಪ್ರತಿಬಿಂಬಿಸಲು ಈ ಅಧಿವೇಶನವು ಉದ್ಯಮದ ಪ್ರಮುಖ ಧ್ವನಿಗಳನ್ನು ಒಟ್ಟುಗೂಡಿಸಿತು. ಚರ್ಚೆಯನ್ನು ಬಿಸಿನೆಸ್ ಸ್ಟ್ಯಾಂಡರ್ಡ್ ನ ಬರಹಗಾರ್ತಿ  ಸಂಪಾದಕಿ ವನಿತಾ ಕೊಹ್ಲಿ ಖಾಂಡೇಕರ್ ನಿರ್ವಹಿಸಿದರು.

ಅಧಿವೇಶನವನ್ನು ಉದ್ಘಾಟಿಸಿದ ವನಿತಾ ಕೊಹ್ಲಿ ಖಾಂಡೇಕರ್, 2000ರ ಸುಮಾರಿಗೆ ಕೇವಲ 500 ಕೋಟಿ ರೂ.ಗಳಷ್ಟಿದ್ದ ಮಾಧ್ಯಮ ಮತ್ತು ಮನರಂಜನಾ ಕ್ಷೇತ್ರವು ಈಗ 70,000 ಕೋಟಿ ರೂ.ಗಳ ಉದ್ಯಮವಾಗಿ ಬೆಳೆದಿದೆ ಎಂದು ನೆನಪಿಸಿಕೊಂಡರು. ಈ ಬೆಳವಣಿಗೆಯನ್ನು ಉತ್ತೇಜಿಸುವಲ್ಲಿ ನಿರ್ಣಾಯಕ ಪಾತ್ರ ವಹಿಸಿದ ಎರಡು ನೀತಿ ನಿರ್ಧಾರಗಳತ್ತ ಅವರು ಗಮನಸೆಳೆದರು -ಅವುಗಳೆಂದರೆ ಚಲನಚಿತ್ರ ನಿರ್ಮಾಣಕ್ಕೆ ಉದ್ಯಮದ ಸ್ಥಾನಮಾನವನ್ನು ನೀಡಿದ್ದು ಮತ್ತು ಮಲ್ಟಿಪ್ಲೆಕ್ಸ್ಗಳಿಗೆ ನೀಡಲಾದ ಆರಂಭಿಕ ತೆರಿಗೆ ವಿನಾಯಿತಿಗಳು. ವಿಷಯದ ಗುಣಮಟ್ಟವನ್ನು ಸುಧಾರಿಸಲು ಮಾತ್ರವಲ್ಲದೆ, ಅದರ ಹಣಗಳಿಕೆಗೆ ಸಹಾಯ ಮಾಡುವ ಎಐ ಸಾಮರ್ಥ್ಯದ ಬಗ್ಗೆಯೂ ಅವರು ಪ್ರಮುಖ ಪ್ರಶ್ನೆಯನ್ನು ಮುಂದಿಟ್ಟರು. ದೇಶದ ಸಾಂಸ್ಕೃತಿಕ ಮತ್ತು ಭಾಷಾ ವೈವಿಧ್ಯತೆಯನ್ನು ಒತ್ತಿಹೇಳಿದ ಅವರು, ಸ್ಕೇಲಿಂಗ್ ಭಾರತದ ವೈವಿಧ್ಯಮಯ ಪ್ರೇಕ್ಷಕರಿಗೆ ಅಂತರ್ಗತ ಮತ್ತು ಸೂಕ್ಷ್ಮವಾಗಿರಬೇಕು ಎಂದು ಒತ್ತಿಹೇಳಿದರು.

ಗ್ರೂಪ್ ಎಂ ವ್ಯವಸ್ಥಾಪಕ ನಿರ್ದೇಶಕ ವಿನೀತ್ ಕಾರ್ಣಿಕ್ ಮಾತನಾಡಿ, ಇಂದು ಎಂ &ಇ ವಲಯದಲ್ಲಿ ಜಾಹೀರಾತು ಆದಾಯದಲ್ಲಿ  60% ಡಿಜಿಟಲ್ ಪ್ಲಾಟ್ ಫಾರ್ಮ್ ಗಳಿಂದ ಬರುತ್ತದೆ. ಕಳೆದ ಕೆಲವು ವರ್ಷಗಳಲ್ಲಿ ಈ ವಲಯವು ಗಮನಾರ್ಹ ಅಸ್ತವ್ಯಸ್ತ ಸ್ಥಿತಿಗೆ  ಒಳಗಾಗಿದೆ ಎಂದು ಅವರು ಬೆಟ್ಟು ಮಾಡಿದರು, ಇದು ವಿಷಯವನ್ನು ಹೇಗೆ ಬಳಸಲಾಗುತ್ತದೆ ಮತ್ತು ಮಾರಾಟ ಮಾಡಲಾಗುತ್ತದೆ ಎಂಬುದನ್ನು ಮೂಲಭೂತವಾಗಿ ಮರುರೂಪಿಸಿದೆ. ಎಐ ಅನ್ನು ಬಲವಾದ ಶಕ್ತಗೊಳಿಸುವಿಕೆ ಎಂದು ಒಪ್ಪಿಕೊಂಡ ಅವರು, ವಿಷಯವು ಮಾನವೀಯವಾಗಿರಬೇಕು ಎಂದು ಒತ್ತಿ ಹೇಳಿದರು - ವಿಶೇಷವಾಗಿ ಮೊಬೈಲ್ ತಂತ್ರಜ್ಞಾನದಿಂದ ಸಂಸ್ಕೃತಿಯೇ ರೂಪುಗೊಳ್ಳುತ್ತಿರುವ ಸಮಯದಲ್ಲಿ ಇದು ಅತ್ಯವಶ್ಯ ಎಂದರು. ಕಥೆ ಹೇಳುವಿಕೆಯನ್ನು ಹೆಚ್ಚಿಸಲು ತಂತ್ರಜ್ಞಾನವನ್ನು ರಚನಾತ್ಮಕವಾಗಿ ಬಳಸುವ ಅಗತ್ಯವನ್ನು ಅವರು ಎತ್ತಿ ತೋರಿಸಿದರು ಮತ್ತು ಭವಿಷ್ಯದ ವೃತ್ತಿಪರರನ್ನು ಸಜ್ಜುಗೊಳಿಸುವ ಗುರಿಯನ್ನು ಹೊಂದಿರುವ ಪ್ರಾಂಪ್ಟ್  ಎಂಜಿನಿಯರಿಂಗ್ ಕುರಿತು ಮುಂಬೈ ವಿಶ್ವವಿದ್ಯಾಲಯದ ಹೊಸ ಕೋರ್ಸ್ ಬಗ್ಗೆ ಪ್ರೇಕ್ಷಕರಿಗೆ ಮಾಹಿತಿ ನೀಡಿದರು.

ಜೆಟ್ ಸಿಂಥೆಸಿಸ್ ನ ಸ್ಥಾಪಕ ಮತ್ತು ಸಿಇಒ ರಾಜನ್ ನವನಿ, ವಿಷಯ ವಿತರಣೆಯ ಭವಿಷ್ಯದ ಬಗ್ಗೆ ಗಮನ ಹರಿಸಿದರು, ಇದು ಕ್ರಾಸ್-ಪ್ಲಾಟ್ ಫಾರ್ಮ್ ಸಂವಾದಾತ್ಮಕ ಅನುಭವಗಳಾಗಿ ವಿಕಸನಗೊಳ್ಳುತ್ತದೆ ಎಂದು ಅವರು ಪ್ರತಿಪಾದಿಸಿದರು. ಭಾರತವು ಜಾಗತಿಕ ಎಂ &ಇ ಮಾರುಕಟ್ಟೆಯಲ್ಲಿ ಕೇವಲ 2-3% ಅನ್ನು ಹೊಂದಿದೆ ಮತ್ತು 2047 ರ ವೇಳೆಗೆ ಈ ಪಾಲನ್ನು ಮತ್ತಷ್ಟು ಹೆಚ್ಚಿಸಲು, ಪ್ರತಿಭೆಗಳಲ್ಲಿ ಹೂಡಿಕೆ ಮಾಡುವುದು ಮತ್ತು ದೇಶದ ಹೂಡಿಕೆ ಸಾಮರ್ಥ್ಯವನ್ನು ಹೆಚ್ಚಿಸುವುದು ಅವಶ್ಯವಾಗಿದೆ ಎಂದು ಅವರು ಅಭಿಪ್ರಾಯಪಟ್ಟರು. ಮನರಂಜನೆಯು ಹೆಚ್ಚು ಕ್ರಿಯಾತ್ಮಕವಾಗುತ್ತಿದೆ ಮತ್ತು ವಿಭಿನ್ನ ಸ್ವರೂಪಗಳಿಗೆ ವಿಭಿನ್ನ ತಂತ್ರಜ್ಞಾನಗಳು ಬೇಕಾಗುತ್ತವೆ ಎಂಬುದರತ್ತ ಅವರು ಗಮನ ಸೆಳೆದರು. ಆದಾಯಕ್ಕೆ ಸಂಬಂಧಿಸಿ ವನಿತಾ ಅವರ ಕಳವಳಗಳನ್ನು ಪ್ರಸ್ತಾಪಿಸಿ  ಮಾತನಾಡಿದ ಅವರು, ಅಭಿವೃದ್ಧಿ ಹೊಂದಿದ ಮಾರುಕಟ್ಟೆಗಳಿಗೆ ಹೋಲಿಸಿದರೆ ಭಾರತದಲ್ಲಿ ಖರ್ಚು ಮಾಡಬಹುದಾದ ಆದಾಯ ತುಲನಾತ್ಮಕವಾಗಿ ಕಡಿಮೆ ಪ್ರಮಾಣದಲ್ಲಿದೆ ಎಂದರು. ಆದರೆ ಸುಸ್ಥಿರ ಆರ್ಥಿಕ ಬೆಳವಣಿಗೆಯು ಗ್ರಾಹಕರ ವೆಚ್ಚವನ್ನು/ಅವರು ಖರ್ಚು ಮಾಡುವುದನ್ನು ಹೆಚ್ಚಿಸುತ್ತದೆ ಎಂಬ ಆಶಾವಾದವನ್ನು ವ್ಯಕ್ತಪಡಿಸಿದರು. ಜಾಗತಿಕ ಇ-ಕ್ರಿಕೆಟ್ ಪ್ರೀಮಿಯರ್ ಲೀಗ್ ನ ಉದಾಹರಣೆಯನ್ನು ಅವರು ಉಲ್ಲೇಖಿಸಿದರು, ಅಲ್ಲಿ ಪ್ರೇಕ್ಷಕರು ಈಗಾಗಲೇ ವೈಯಕ್ತಿಕ ಬಳಕೆ ಮತ್ತು ಪಾವತಿಗಳಲ್ಲಿ ತೊಡಗಿದ್ದಾರೆ ಎಂದರು.

ಎರೋಸ್ ನೌ ಸಿಇಒ ವಿಕ್ರಮ್ ತನ್ನಾ ಮಾತನಾಡಿ, ಭಾರತವು ಮಾಧ್ಯಮದಲ್ಲಿ ಎಐ ನಾವೀನ್ಯತೆಯ ಜಾಗತಿಕ ಕೇಂದ್ರವಾಗಲು ಆಶಿಸಬೇಕು ಎಂದು ಕರೆ ನೀಡಿದರು. ಎಐ (ಕೃತಕ ಬುದ್ಧಿಮತ್ತೆ) ವಿಷಯದ ರಚನೆ ಮತ್ತು ವಿತರಣೆ ಎರಡನ್ನೂ ಪರಿವರ್ತಿಸುತ್ತದೆ, ಬಳಕೆದಾರರಿಗೆ ತಾವೇ ವಿಷ್ಯ ರಚನೆಯ ಸೃಜನಶೀಲತೆಯನ್ನು ಮೈಗೂಢಿಸಿಕೊಳ್ಳಲು ಹೊಸ ಮಾರ್ಗಗಳನ್ನು ಶಕ್ತಗೊಳಿಸುತ್ತದೆ ಎಂದು ಅವರು ವಾದಿಸಿದರು. ಅವರ ಪ್ರಕಾರ, ಡಿಜಿಟಲ್ ಯುಗವು ಹಲವಾರು ಒಳಹರಿವು ಅಂಶಗಳನ್ನು ಪ್ರಸ್ತುತಪಡಿಸುತ್ತದೆ ಮತ್ತು ಭಾರತವು ಸ್ಪರ್ಧಾತ್ಮಕವಾಗಿ ಉಳಿಯುವುದನ್ನು ಖಚಿತಪಡಿಸಿಕೊಳ್ಳಲು ಕಾರ್ಯತಂತ್ರದ ಮಧ್ಯಸ್ಥಿಕೆಗಳು ಬೇಕಾಗುತ್ತವೆ. ಹೊಸ ತಂತ್ರಜ್ಞಾನಗಳನ್ನು ಸರಳೀಕರಿಸುವುದು - ಅವುಗಳನ್ನು ಅಂತರ್ಜಾಲದಂತೆ ಸುಲಭ ಪ್ರವೇಶ ಲಭ್ಯವಾಗುವಂತೆ  ಮಾಡುವುದು - ಸ್ವಾಭಾವಿಕವಾಗಿ ವ್ಯವಹಾರವನ್ನು ವಿಸ್ತರಿಸುತ್ತದೆ ಎಂದು ಅವರು ಒತ್ತಿ ಹೇಳಿದರು. ಈ ವಿಕಸನಗೊಳ್ಳುತ್ತಿರುವ ಪರಿಸರದಲ್ಲಿ, ಯಂತ್ರಗಳೊಂದಿಗೆ ಹೇಗೆ ತೊಡಗಿಸಿಕೊಳ್ಳಬೇಕು ಮತ್ತು ಜಾಹೀರಾತು ಮತ್ತು ಪ್ರೇಕ್ಷಕರ ತೊಡಗಿಸಿಕೊಳ್ಳುವಿಕೆಗಾಗಿ ವಿಶಾಲ ವಿಷಯ ಭೂದೃಶ್ಯವನ್ನು ಹೇಗೆ ಬಳಸಿಕೊಳ್ಳಬೇಕು ಎಂಬುದನ್ನು ಉದ್ಯಮವು ಅರ್ಥಮಾಡಿಕೊಳ್ಳುವುದು ಬಹಳ ಮುಖ್ಯ ಎಂದು ಅವರು ಅಧಿವೇಶನದ ಸಮಾರೋಪ ಮಾತುಗಳನ್ನಾಡಿದರು.  

ಈ ಅಧಿವೇಶನವು ಭಾರತದ ಎಂ &ಇ ಕ್ಷೇತ್ರದ ಬಗ್ಗೆ ದೂರದೃಷ್ಟಿಯ ದೃಷ್ಟಿಕೋನವನ್ನು ನೀಡಿತು, ಅದರ ಭವಿಷ್ಯವನ್ನು ರೂಪಿಸುವಲ್ಲಿ ನೀತಿ, ತಂತ್ರಜ್ಞಾನ, ಪ್ರತಿಭೆ ಮತ್ತು ಸಾಂಸ್ಕೃತಿಕ ಪ್ರಸ್ತುತತೆಯ ಪರಸ್ಪರ ಸಂಬಂಧವನ್ನು ಒತ್ತಿಹೇಳಿತು. ಆಡಿಯೊ-ದೃಶ್ಯ ಮತ್ತು ಮನರಂಜನಾ ಉದ್ಯಮಗಳಲ್ಲಿನ ಜಾಗತಿಕ ಪ್ರವೃತ್ತಿಗಳನ್ನು ಎತ್ತಿ ತೋರಿಸುವ ಅಧಿವೇಶನಗಳೊಂದಿಗೆ ವೇವ್ಸ್ 2025 ಮೇ 4 ರವರೆಗೆ ಜಿಯೋ ವರ್ಲ್ಡ್ ಸೆಂಟರಿನಲ್ಲಿ  ಮುಂದುವರಿಯುತ್ತದೆ.

*****