حکومت ہند کی آیوش وزارت ، 1-2 مئی 2025 کو کیولیادھام ، لوناوالا ، مہاراشٹر میں نیشنل آیوش مشن (این اے ایم) کانکلیو 2025 کا انعقاد کرنے کے لیے تیار ہے ۔یہ تبدیلی لانے والا دو روزہ پروگرام ہندوستان میں آیوش پر مبنی صحت کی دیکھ بھال کےطریقے کی  مستقبل کی تشکیل کے لیے ایک قومی فورم کے طور پر کام کرے گا ۔آیوش کے ماہرین ، پالیسی سازوں ، صحت کے پیشہ ور افراد ، محققین اور اختراع کاروں کو اکٹھا کرتے ہوئے ،اس  کانکلیو کا مقصد روایتی ہندوستانی طب کے نظام کو مرکزی دھارے کی صحت کی دیکھ بھال  کے طریقے میں ضم کرنا ہے اور عام شہری کے لیےصحت اور تندرستی کو زیادہ قابل رسائی ، سستی اور ثبوت پر مبنی بنانا  ہے۔

اس کانکلیو کا افتتاح آیوش کی وزارت کے مرکزی وزیر مملکت (آزادانہ چارج) جناب پرتاپ راؤ جادھو کے ذریعے کیا جانا ہے جبکہ راجستھان حکومت کے نائب وزیر اعلی اور ہندوستان کی نو ریاستوں اورمرکز کے زیر انتظام علاقوں کے وزیر صحت کے بھی اس کانکلیو میں شرکت کرنے کی توقع ہے ۔اس تقریب کے دوران آیوش کی وزارت کے سکریٹری ویدیا راجیش کوٹیچا اور دیگر معززین بھی موجود رہیں گے۔ ریاستوں اورمرکز کے زیر انتظام علاقوں کے آیوش محکموں کے افسران بشمول مشن ڈائریکٹرز ، سینئر سرکاری افسران ، اور سرکردہ  ماہرین تعلیم بھی اس کانکلیو میں شرکت کریں گے۔اس تقریب میں آیوش کے شعبے میں بہترین طریقوں ، ریاست میں مشن کی  کامیابی کی کہانیوں اور ٹیک پر مبنی اختراعات کی نمائش کے علاوہ مکمل اجلاس ، گول میز پالیسی  اورتکنیکی  امور پرگہرائی سے بات چیت کرنے کا منصوبہ بنایا گیا ہے ۔

آنے والے پروگرام کے بارے میں بات چیت  کرتے ہوئے ، آیوش کے وزیر نے کہا کہ ‘‘نیشنل آیوش مشن کانکلیو ملک بھر میں تندرستی اور صحت کی دیکھ بھال کے بنیادی ڈھانچے کو مستحکم کرنے کے لیے باہمی تعاون کے ماحولیاتی نظام کو فروغ دینے کی طرف ایک اہم قدم ہے ۔ہمارا مقصد ایک مضبوط اور مربوط آیوش فریم ورک کے ذریعے سب کے لیے مجموعی صحت کےطریقے کار کی فراہمی کے  وزیر اعظم جناب نریندر مودی جی کے وژن کو آگے بڑھانا ہے ۔

نیشنل آیوش مشن کانکلیو ہندوستان کی مختلف ریاستوں اور مرکز کے زیر انتظام علاقوں میں آیوروید ، یوگا اور فطری علاج ، یونانی ، سدھا ، سووا-رگپا ، اور ہومیوپیتھی میں تازہ ترین پیش رفت ، تحقیقی اختراعات ، اور شعبہ جاتی  تعاون پر تبادلہ خیال کرنے کے لیے ایک متحرک پلیٹ فارم کے طور پر کام کرنے کے لیے تیار ہے ۔یہ کانکلیواہم  اقدامات کے نفاذ کو مضبوط بنانے ، شواہد پر مبنی طریقوں کو فروغ دینے اور بین الاقوامی رسائی کو بڑھانے پر بھی توجہ دے گا ۔کانکلیو کا مقصد این اے ایم اسکیم کی مستقبل کی توسیع کا خاکہ تیار کرنے کے لیے وزراء کی سطح پر بات چیت بھی کرنا ہے ۔

آیوش کی وزارت کے سکریٹری ویدیا راجیش کوٹیچا نے کہا کہ آیوش کی وزارت قومی آیوش مشن کی کامیابیوں پر غور  و خوض کرنے ، ابھرتے ہوئے چیلنجوں سے نمٹنے اور خود کفیل اور مضبوط آیوش صحت کی دیکھ بھال کے نظام کا لائحہ عمل  تیار کرنے کے لیے این اے ایم کانکلیو-2025 کا انعقاد کر رہی ہے ۔

کانکلیو کے موضوعات کے بارے میں بات چیت کرتے ہوئے آیوش کی وزارت کی جوائنٹ سکریٹری محترمہ کویتا گرگ نے بتایا کہ ‘‘کانکلیو میں مالیاتی انتظام وانصرام ، نگرانی اور تشخیص ، انسانی وسائل کی مضبوطی ، جدید ادویات کے ساتھ انضمام اور معیار کی یقین دہانی سمیت متنوع موضوعات کا احاطہ کیا جائے گا ۔یہ ریاستوں اور مرکز کے زیر انتظام علاقوں سے موصولہ تجربے اور مشاہدات کے اشتراک کے ساتھ بہترین طریقوں ، آئی ٹی اختراعات ، ریگولیٹری میکانزم اور سرمایہ کاری اور برآمد کے مواقع کی بھی نمائش کرے گا ۔’’

کانکلیو کی اہم خصوصیات:

دستاویز کا اجرا: آیوش پالیسی 2025 کا خاکہ اور آیوش نظام ادویات میں میٹابولک عوارض سے متعلق معیاری علاج کے لیے  رہنما خطوط (ایس ٹی جی) کا آغاز ۔

وزارتی سطح کی گول میز بات چیت: آیوش کے مرکزی وزیر مملکت (آزادانہ چارج) جناب پرتاپ راؤ جادھو کے ساتھ مختلف ریاستوں اورمرکز کے زیر انتظام علاقوں کے صحت اور آیوش کے وزراء قومی آیوش مشن کو مضبوط بنانے پر غور و خوض کریں گے ۔

شعبے کےماہرین  کا اجلاس: ڈی جی ایچ ایس ، این اے بی ایچ ، انویسٹ انڈیا ، آیوش ایکسپورٹ پروموشن کونسل اور معروف اداروں کی طرف سے معیار سے متعلق  طریقہ کار کی  منظوری اور سرمایہ کاری کی سہولت پر پریزنٹیشنز ۔

کامیاب کیس اسٹڈیز: زیادہ تر ریاستوں اور مرکز کے زیر انتظام علاقوں سے ب موصول ہونے والےبہترین طریقے ۔

یوگا سیشن: تقریب میں شرکت کرنے والے مندوبین کے لیے گائیڈڈ یوگا، دھیان اور مراقبہ سیشن کا بھی منصوبہ بنایا گیا ہے ۔

قومی آیوش مشن کے بارے میں:

اہم پروگرام نیشنل آیوش مشن 2014 میں شروع کیا گیا تھا اور اس نے ہندوستان کے روایتی نظام طب کے تحفظ اور فروغ میں اور اسے  مرکزی دھارے کے صحت کی دیکھ بھال کے نظام کے ساتھ انضمام میں اہم کردار ادا کیا ہے ۔اس کا مقصد حکومت ہند کی آیوشمان بھارت اسکیم کے حصے کے طور پر آیوشمان آروگیہ مندر (آیوش) کے ذریعے ملک بھر میں آیوش صحت کی دیکھ بھال کی خدمات کی دستیابی ، رسائی کو بڑھانا  اور معیار کو بہتر  بنانا ہے ۔

2023 میں منعقدہ این اے ایم کانکلیو کے آخری ایڈیشن میں ، کئی اہم قراردادیں منظور کی گئیں تھیں ، جن میں آیوش ہیلتھ اینڈ ویلنیس سینٹرز (اور اب یہ اے اے ایم-آیوش ہے) کی توسیع ، قومی صحت پروگراموں کے ساتھ آیوش خدمات کا انضمام ، اور آیوش پریکٹیشنرز کی صلاحیت سازی شامل ہیں ۔2025 کے ایڈیشن کا مقصد ان کامیابیوں کو آگے بڑھانا ہے ، جس میں اختراع ، معیار اور بین الاقوامی رسائی پر نئے طریقے سے  توجہ دی جائے گی ۔

۔۔۔۔۔۔۔۔۔۔۔

ش ح۔۔ م م ع۔ ر ب

U-362

(Release ID: 2125269) Visitor Counter : 14