بجلی،ہاؤسنگ اور شہری امور کے مرکزی وزیر جناب منوہر لال 27 اور 28 اپریل 2025 کو گجرات کے دو روزہ دورے پر تھے۔

دورے کے دوران انہوں نے جوہری توانائی کی پیداوار کی فروغ وترقی سے متعلق بجلی کی وزارت کی مشاورتی کمیٹی کی میٹنگ کی صدارت کی۔ انہوں  نے ریاست گجرات کے  وزیر اعلیٰ جناب بھوپیندر پٹیل اور وزیر توانائی  جناب کانو دیسائی سے بھی  ملاقاتیں کیں۔

مرکزی وزیر جناب منوہر لال نے کاکراپار اٹامک پاور پروجیکٹ کا بھی دورہ کیا، اور پنڈت دین دیال انرجی یونیورسٹی (پی ڈی ای یو) میں سولر پی وی اسمبلی لائن کی سہولیات کا جائزہ لینے کے لئے وہاں کا دورہ کیا۔

مشاورتی کمیٹی کا اجلاس

اپنے گجرات کے دو روزہ دورے کے دوران بجلی اور ہاؤسنگ اور شہری امور کے مرکزی وزیر جناب منوہر لال نے گجرات کے وزیر اعلیٰ بھوپیندر پٹیل سے بھی گاندھی نگر میں ان کی سرکاری رہائش گاہ پر ملاقات کی۔ دونوں رہنماؤں نے گجرات میں بجلی اور شہری ترقیات کے شعبوں سے متعلق اہم امور پر تبادلہ خیال کیا۔

وزیر خزانہ، توانائی اور پیٹرو کیمیکل، گجرات  کے ساتھ میٹنگ

پاور اور ہاؤسنگ اور شہری امور کے مرکزی وزیر جناب منوہر لال نے 28 اپریل 2025 کو گجرات کے توانائی کے وزیر جناب کانو دیسائی کے ساتھ گاندھی نگر میں ایک میٹنگ کی تاکہ پاور سیکٹر میں اہم اقدامات کی پیش رفت کا جائزہ لیا جا سکے۔ دونوں لیڈروں نے ریاست میں جاری اور آنے والے پروجیکٹوں پر تفصیلی بات چیت کی، جس میں ٹرانسمیشن انفراسٹرکچر کو مضبوط بنانے اور صاف توانائی کی منتقلی کو تیز کرنے پر خصوصی توجہ دی گئی۔

حکومت گجرات نے وَٹامن اور پیرانہ میں اہم ٹرانسمیشن پروجیکٹوں سے متعلق زیر التواء زمین کے حصول اور راستے کے حق (آر او ڈبلیو) کے مسائل کو تیزی سے حل کرنے کی یقین دہانی کرائی، جو آئندہ قابل تجدید توانائی کے منصوبوں سے بجلی کے اخراج کو بہتر بنانے کے لیے ضروری ہیں۔ ریاستی حکومت نے پاور سیکٹر کی کارکردگی، شفافیت اور صارفین کی خدمات کو بڑھانے کے لیے پورے گجرات میں اسمارٹ میٹرنگ پروگرام کے نفاذ کو تیز کرنے کا عہد بھی کیا۔

میٹنگ کے دوران، ریاستی قیادت نے بجلی کی وزارت کی طرف سے حال ہی میں متعارف کرائے گئے رہنما خطوط کی تعریف و توصیف  کی تاکہ آر او ڈبلیوکے عمل کو آسان بنایا جا سکے، اور جن سے توقع کی جاتی ہے کہ ٹرانسمیشن پروجیکٹس کی تکمیل میں حائل رکاوٹیں دور ہو جائیں گی۔ دونوں فریقوں نے پروجیکٹوں کے بروقت نفاذ کو یقینی بنانے اور قابل تجدید توانائی اور بنیادی ڈھانچے کے اہداف کو آگے بڑھانے میں گجرات کی کوششوں کی حمایت کرنے کے لیے قریبی تال میل برقرار رکھنے پر اتفاق کیا۔

نیوکلیئر پاور پلانٹ کا دورہ:

بجلی اور ہاؤسنگ اور شہری امور کے مرکزی وزیر جناب منوہر لال نے 28 اپریل 2025 کو گجرات  کے  کاکراپار میں واقع  ایٹمی پاور پروجیکٹ کا بھی دورہ کیا۔

پنڈت دین دیال انرجی یونیورسٹی

پاور اور ہاؤسنگ اور شہری امور کے مرکزی وزیر جناب منوہر لال نے کل پنڈت دین دیال انرجی یونیورسٹی (پی ڈی ای یو) کا دورہ کیا۔ وزیر موصوف  نے عملی طور پر سیکھنے اور اس کے تعاون پر مبنی صنعت سے چلنے والے نقطہ نظر پر یونیورسٹی کی مضبوط توجہ کی تعریف و ستائش  کی۔  خاص طور پر بیٹری انرجی اسٹوریج سسٹم، اسمارٹ گرڈز، اور ایڈوانسڈ مینوفیکچرنگ جیسے شعبوں میں اپنے سینٹرز آف ایکسیلنس کے ذریعے، دورے کے دوران، انہوں نے ‘ ایس او پی اے ایل’ کا دورہ کیا - ایک 45 میگاواٹ سولر PV اسمبلی لائن جو32 کروڑ  روپےکی سرمایہ کاری سے تیار کی گئی ہے اور جو طلباء کو شمسی مینوفیکچرنگ میں انمول تربیت فراہم کرتی ہے۔ جناب  منوہر لال نےپی ڈی ای یو کی قیادت کے ساتھ یونیورسٹی کی کامیابیوں، مستقبل کے روڈ میپ، اور اسٹریٹجک اقدامات پر بھی گہرائی سے بات چیت کی۔

مرکزی وزیر نے باوقار  پی ڈی ای یو کے ڈائریکٹر جنرل، پی ڈی ای یو کے دیگر سینئر حکام کے ساتھ پی ڈی ای یو کی ابتدا اور اس کے اہم اقدامات کے بارے میں تفصیلی بات چیت کی۔

*******

ش ح-۔ ظ ا- ش ب ن

UR  No.351