ડિપાર્ટમેન્ટ ફોર પ્રમોશન ઓફ ઇન્ડસ્ટ્રી એન્ડ ઇન્ટરનલ ટ્રેડ (ડીપીઆઇઆઇટી)એ સ્ટાર્ટઅપ ઇન્ડિયા અને સ્ટ્રાઇડ વેન્ચર્સ સાથે ભાગીદારીમાં સ્ટાર્ટઅપ બોયન્સી પ્લાસ્ટિક્સ ફોર ચેન્જ રિસાયક્લિંગ પ્રાઇવેટ લિમિટેડને ભારત સ્ટાર્ટઅપ ગ્રાન્ડ ચેલેન્જ 2025ના વિજેતા તરીકે જાહેર કર્યું હતું, જે એક પહેલ છે, જેનો ઉદ્દેશ ઉચ્ચ-અસર ધરાવતા, હોમગ્રોન સ્ટાર્ટઅપ્સને ઓળખવા અને સશક્ત બનાવવાનો છે.

પડકાર ચલાવવાના 30 દિવસ દરમિયાન પ્રાપ્ત થયેલી 120થી વધુ સ્ટાર્ટઅપ એપ્લિકેશનોમાંથી વિજેતાની પસંદગી કરવામાં આવી હતી. દેશના 22 રાજ્યોમાંથી સસ્ટેઇનેબિલિટી, ફિનટેક અને ઇ-મોબિલિટી સેક્ટરમાં કામ કરતા સ્ટાર્ટઅપ્સ પાસેથી અરજીઓ મળી હતી.

આ ચેલેન્જના વિજેતા, પ્લાસ્ટિક્સ ફોર ચેન્જની સ્થાપના 2015માં થઈ હતી અને તે ફેર ટ્રેડ વેરિફાઇડ રિસાયકલ્ડ પ્લાસ્ટિક સપ્લાય ચેઇન બનાવવા પર ધ્યાન કેન્દ્રિત કરે છે. હાલમાં કંપની પ્લાસ્ટિક કચરાના નૈતિક સોર્સિંગ અને એકત્રીકરણ પર ધ્યાન કેન્દ્રિત કરે છે, જેથી રિસાયક્લિંગ એકમોને ઉચ્ચ ગુણવત્તાની આરપેટ, આરએચડીપીઇ અને આરપીપી સામગ્રી પૂરી પાડી શકાય. અનૌપચારિક કચરો અને પ્લાસ્ટિકના સંગ્રહકર્તાઓ સાથે સીધી રીતે કામ કરીને અને તેને ઔપચારિક અર્થતંત્રમાં સંકલિત કરીને આ સ્ટાર્ટઅપ હાલમાં 20,000 ટનથી વધુની કલેક્શન ક્ષમતા ધરાવે છે અને હવે તેનું લક્ષ્ય ભારતીય પ્લાસ્ટિક રિસાયક્લિંગ ક્ષેત્રમાં તેની હાજરીને વધુ ગાઢ બનાવવાનું છે.

સ્ટ્રાઇડ વેન્ચર્સ એ ભારતનું સૌથી મોટું વેન્ચર ડેટ ફંડ છે, જેણે છેલ્લાં પાંચ વર્ષમાં 170 નવા-યુગના સ્ટાર્ટઅપ્સને $1 બિલિયનથી વધુની પ્રતિબદ્ધતા દર્શાવી છે. સ્ટ્રાઇડે હવે તેના પદચિહ્નને સિંગાપોર, અબુધાબી, રિયાધ અને લંડન સુધી વિસ્તૃત કર્યું છે. આ વર્ષની શરૂઆતમાં, સ્ટ્રાઇડ વેન્ચર્સે ડીપીઆઇઆઇટી સાથે એમઓયુ પર હસ્તાક્ષર કર્યા હતા, જેનો ઉદ્દેશ દેશભરમાં ઉભરતા સ્ટાર્ટઅપ્સને ભંડોળ, નેટવર્ક, બજારની સુલભતા તેમજ મેન્ટરશિપ સપોર્ટ પ્રદાન કરવાનો તેમજ ભારતીય સ્ટાર્ટઅપ્સને વૈશ્વિક સ્તરે સ્કેલ કરવામાં મદદ કરવાનો છે.

આ પહેલીવાર હતું જ્યારે સ્ટ્રાઇડ વેન્ચર્સે ભારત સ્ટાર્ટઅપ ગ્રાન્ડ ચેલેન્જનું આયોજન કર્યું હતું. વિજેતાઓ માટે, સ્ટ્રાઇડ વેન્ચર્સે ભારતમાં સ્થિરતા અને સર્ક્યુલરિટીમાં સ્ટાર્ટઅપના પ્રયત્નોને વધુ આગળ વધારવામાં મદદ કરવા માટે વધુ ઇકોસિસ્ટમ સપોર્ટ, મેન્ટરશિપ અને સ્ટ્રાઇડના નેટવર્કની એક્સેસ સાથે યોગ્ય ખંતને આધિન ₹ 10 કરોડ સુધીનું રોકાણ કરવાની જાહેરાત કરી હતી.

AP/IJ/GP/JD