2025গী এপ্রিলগী তাং 20দা আর্মি হোস্পিতাল (রিসর্চ এন্দ রেফরেল), ন্যু দিল্লীদা রন্নর 5,000 হেনবনা সোলজরাথোনগী অহানবা ‌ইদিসন 'রান ফোর সোলজর্স এন্দ রন ৱিথ সোলজর্স'দা পুন্না শরুক য়াখ্রে – মসি আর্মদ ফোর্সেসকী থৌনা ফরবা অথৌবশিংদা পীবা মতিক চাবা ইকাই খুম্নবা অমনি। আর্মি হোস্পিতাল (আর অমসুং আর) অমসুং ফিতিস্তান - এক ফিৎ ভারতনা পুন্না শিন্দুনা পাংথোকপা থৌরম অসিদা ভেতরেনশিং, লান্মীশিং, সিভিলিয়নশিং, মহৈরোইশিং অমসুং ফিৎনেস পামজবশিংবু অমত্তা ওইবগী অমসুং লৈবাক অসিগী চাউথোকচবগী থৌরম অসিদা শরুক য়াখি।

সোলজরাথোন অসিদা রেস কাংলুপ অহুম য়াওরি - 10 kmগী তাইম রন, 5 kmগী ফন রন, অমসুং 3 kmগী ৱাক - মখোয় পুম্নমক অসি মীয়াম্না শরুক য়ানবা অমসুং ইনক্লুসিবিতী পুক্নিং থৌগৎনবা শেমগৎপনি। রন্নরশিংনা ভারত লান্মীশিংগা লোয়ননা মখোয়গী দিসিপ্লিন, অখাং কনবা অমসুং সেবা তৌবগী ৱাখল্লোনদগী ইথিল লৌদুনা ত্রেক শিয়র তৌখি।

মিজোরমগী গবর্নর জেনরেল (দা) ভি.কে. সিংহ (রিতায়র্দ) লোয়ননা নেভেল স্তাফকী চীফ; আর্মি স্তাফকী ভাইস চীফ; দিরেক্তর জেনরেল আর্মদ ফোর্সেস মেদিকেল সর্বিসেস; দিল্লী এরিয়াগী জেনরেল ওফিসর কমান্দিং; DGMS (নেভী); DGMS (এয়র) অমসুং আর্মি হোস্পিতাল (আর.এন্দ.আর.) গী কমান্দেন্তনা লৈবাক নীংবগী ইথিল অমসুং ইকাই খুম্নবা উৎপগী ৱাখল্লোননা থল্লবা ফিভম অসিদা ইভেন্ত অসি ওফিসিএল ওইনা লমথাখি।

থৌরম অসিনা হেন্না চাউবা পান্দম অমা ফংহনখি - পুনেগী কির্কিদা লৈবা পেরপলেজিক রিহেবিলিতেসন সেন্তরদা মতেং পাংনবা ফন্দ রাইজিং তৌখি, মসিনা মথৌ তৌরিঙৈদা অশোকপা নংলবা জৱানশিংদা অখন্নবা কেয়র, থেরাপী অমসুং মতেং পাংলি। য়াম্না চাউনা রেস্পোন্স ফংখিবা অসিনা লৈবাক অসিগীদমক্তা থৱায় য়াওনা থবক তৌরিবা মীওইশিংদা মতেং পাংনবা ঐখোয়গী অপুনবা ফিরেপ অদু মপাঙ্গল কনখৎহনখি।

*****