মালেমগী লিভর নুমিৎ 2025 পাংথোক্লদুনা, কেন্দ্রগী হকশেল অমসুং য়াইফ-থৌরাংগী মন্ত্রী, শ্রী জগৎ প্রকাশ নদ্দানা ঙসি নির্মান ভবনদা মন্ত্রালয়না শিনবা হেল্থ কেম্পতা "লিভর হেল্থ প্লেদজ সেরেমোনী" লুচিংখি। কেন্দ্রগী হকশেল অমসুং য়াইফ য়ুম্বালগী রাজ্য মন্ত্রী, শ্রীমতি অনুপ্রিয়া পতেল, কেন্দ্রগী হেল্থ সেক্রেতরী, শ্রীমতি পুণ্য সলাইলা শ্রীবাস্তব, হেল্থ সর্ভিসেসকী দিরেক্তর জেনরেল, প্রোফেসর. (দাক্তর) অতুল গোয়ল, ইন্সতিত্যুত ওফ লিভর এন্দ বিলিয়রি সাইন্সেসকী দিরেক্তর, প্রোফেসর. (দাক্তর) এস.কে. সরিন,  ফুদ সেফতী এন্দ স্তেন্দর্দস ওথোরিতী ওফ ইন্দিয়া (FSSAI)গী CEO, শ্রী জি. কমলা বর্ধানা রাওসু থৌরম অদুদা শরুক য়াখি।

চহি অসিগী ৱার্ল্দ লিভর দেগী থিম 'ফুদ ইজ মেদিসিন'না ন্যুত্রিসন অমসুং লিভরগী হকশেলগী মরক্তা লৈবা মরুওইবা মরী অদুদা পুক্নিং চিংশিল্লি।

মীয়াম তিনখিবা অদুদা ৱা ঙাংলদুনা কেন্দ্রগী হকশেল মন্ত্রীনা হায়খি মদুদি, "ঐখোয় পুম্নমক্না খঙলি, লিভর অসি ঐখোয়গী হকচাংগী খ্বাইদগী মরুওইবা ওর্গানশিংগী মরক্তগী অমনি। মসিনা দাইজেসন, দিতোক্সিফিকেসন অমসুং ইনর্জী স্তোরেজগুম্বা মরুওইবা মথৌশিং পাংথোকই। লিভর অসি ফনা লৈত্রবদি, হকচাং পুম্নমক শোকই”।

লিভরগী হকশেলগী মরুওইবা অদু পল্লদুনা শ্রী নদ্দানা হায়খি মদুদি ফেত্তী লিভরনা লিভরগী মথৌদা অকায়বা পীবতা নত্তনা হার্ত দিজিজ, দাইএবেতিস, হাইপরতেন্সন অমসুং কেন্সরগী রিস্কসু য়াম্না হেনগৎহল্লি। মহাক্না মখা তাখি মদুদি “নুংঙাইবা পাউদি অফবা পুন্সি মহিং অমসুং অফব চিঞ্জাক চাবগী হৈনবীশিং ঙাকনা চৎপগী খুত্থাংদা ফেত্তী লিভর অসি ঙাকথোকপা ঙম্মী অমসুং চাউনা রিভর্সিবল ওই।”

মহাক্না অকনবা ৱাফম থমখি মদুদি হন্দক্তা, প্রধান মন্ত্রী শ্রী নরেন্দ্র মোদীজীনা "মন কী বাত্তা" মহাক্কী ৱারোল পীরদুনা লৈবাক মীয়ামদা থোং থাকপদা থাও শিজিন্নবা য়ামদ্রবদা ১০% হন্থহন্নবা অপীল তৌখি। অপীকপা অদুবু শক্তি লৈবা খোংথাং অসিনা লিভরগী হকশেল ফগৎহন্নবা অমসুং লৈবাক অসিদা নন-কম্ম্যুনিকেবল দিজিজ (NCD) গী অৱাবা হন্থহন্নবা য়াম্না চাউনা মতেং পাংগনি। শ্রী নদ্দানা মীপুম খুদিংমক্তা হায়খি মদুদি “লিভরগী হকশেলগীদমক চেকশিন্না লৈনবা, চাং নাইনা চেক তৌনবা অমসুং হকচাং ফবা পুন্সি মহিং অমা ঙাকনা চৎনবা” ৱাশক লৌখি।

কেম্প অসিদা শরুক য়ারিবা পুম্নমক্না পি.এম. নরেন্দ্র মোদীনা হায়জরকপগী পাউখুম ওইনা, চানবা চিঞ্জাক খনবদা, হকশেল ফবা পুন্সি মহিং অমা হিংবদা, চিঞ্জাক্কী ওইল শিজিন্নবদা য়ামদ্রবদা 10% হন্থহন্নবা অমসুং ওবিসিতী লান্থেংনবগী মতাংদা এৱেরনেস শন্দোক্নবা অচেৎপা ৱাফম থমখি।

FSSAI অমসুং ইন্সতিত্যুৎ ওফ লিভর এন্দ বিলিয়রী সাইন্স (ILBS) গা খুৎশম্নদুনা মন্ত্রালয় অসিনা মন্ত্রালয় অসিগী ওফিসিএলশিং অমসুং স্তাফকীদমক অপুনবা লিভর হেল্থ কেম্প অমা পাংথোকখি। কেম্প অসিদা, ILBSগী এক্সপর্ত দোক্তরশিং, নর্সশিং, অমসুং তেক্নিসিয়নশিং য়াওবা মল্তিদিসিপ্লিনরী তীম্না মখাগী সর্ভিসশিং অসি পীখি: ক্লিনিকেল একজামিনেসন (BMI, ৱেস-হিপ রেসিও, অমসুং ব্লদ প্রেসর য়াওনা); লেবোরেতরী তেস্তশিং (ফাস্তিং ব্লদ গ্লুকোজ, লিভর ফঙ্কসন তেস্ত, লিপিদ প্রোফাইল, কমপ্লিৎ ব্লদ কাউন্ত, হেপাতাইতিস B & C স্ক্রিনিং); লিভর ফেৎ অমসুং ফাইব্রোসিসকীদমক ফাইব্রোস্কেন; হকচাংগী কম্পোজিসন এনালাইসিস অমসুং থাও অমসুং প্রোসেস তৌরবা চিঞ্জাক্কী চাং হন্থহনবদা মীৎয়েং থমদুনা পর্সনেলাইজ তৌরবা ন্যুত্রিসন কাউন্সেলিং।

থৌরম অদুগী শরুক অমা ওইনা, FSSAIনা চহি অসিগী থীমগা চুনবা, 'ফুদ ইজ মেদিসিন'গী মতুং ইন্না, মিল্লেৎ অমসুং লিভর-ফ্রেন্দলী দাইৎশিং উৎলিবা ইনফোর্মেতিব একজিবিসন অমা শিনখি।

মিল্লেৎকী ন্যুত্রিসনেল ভেল্যু অদু পল্লদুনা স্তোল অদুনা লিভরগী হকশেল ফগৎহনবদা মখোয়না পীরিবা কান্নবশিং অদু উৎখি। দাইতরি ফাইবর, এন্তিওক্সিদেন্ত অমসুং মরুওইবা মাইক্রোন্যুত্রিএন্ত মরাং কায়না য়াউবা, মিল্লেৎনা বাইল সেক্রেসন পুক্নিং থৌগৎলি, ইনফ্লেমেসন হন্থহল্লি, লিপিদ প্রোফাইল অমসুং লিভরগী হকশেলগা নক্না মরী লৈনবা দাইজেসনগী ফেক্তরশিং ফগৎহল্লি। মখোয়বু নুমিৎ খুদিংগী চিঞ্জাক্কী মনুংদা য়াওবনা নন-অলকোহোলিক ফেতী লিভর দিজিজ (NAFLD) য়াওনা লিভরগী অনাবশিং থীংবদা মতেং পাংই।

মসিগী মথক্তা, ক্রুসিফেরস বেজিতেলশিং (ব্রোকোলি অমসুং কোবিথমচেৎগুম্বা), লিফী গ্রীনশিং, ফেত্তী ফিশ (ওমেগা-3  য়াম্না য়াউবা), নতশিং অমসুং  সিদশিং, সাইত্রস মহৈ-মরোংশিং অমসুং অফবা ফেৎশিং (ওলিভ ওইলগুম্বা), ওক্সিদেতিব স্ত্রেস হন্থহল্লিবা, দিতোক্সিফিকেসন প্রোসেসপু মতেং পাংলিবা, অমসুং লিভরগী অপুনবা মথৌ ঙাকপা অসিনচিংবা উৎখি।

****