ٹرائی سروسز فیوچر وارفیئر کورس کا دوسرا ایڈیشن 21 اپریل سے 09 مئی 2025 تک نئی دہلی کے مانیکشا سینٹر میں منعقد ہوگا۔یہ کورس انٹیگریٹیڈ ڈیفنس اسٹاف کے ہیڈ کوارٹر کے زیراہتمام منعقد کیا جا رہا ہے اور ٹرائی سروسز تھنک ٹینک، سینٹر فار جوائنٹ وارفیئر اسٹڈیز (سی ای این جے او ڈبلیو ایس) کے ساتھ مربوط ہے۔

ستمبر 2024 میں منعقد ہونے والے پہلے کورس کی کامیابی کی بنیاد پر، یہ تین ہفتوں کا توسیعی پروگرام چیف آف ڈیفنس اسٹاف جنرل انل چوہان کے جدید جنگ کے پیچیدہ چیلنجوں کے لیے افسران کو تیار کرنے کے ویژن کو جاری رکھتا ہے۔یہ کورس بہتر اور متنوع شرکت کے باوجود اپنے رینک-اگنوسٹک نقطہ نظر کو برقرار رکھتا ہے۔

اس مرحلے میں ایک بہتر نصاب پیش کیا گیا ہے جس میں خصوصی مضامین اور فوجی کارروائیوں میں مخصوص میدان جنگ کی پیش رفت کا احاطہ کیا گیا ہے۔یہ اس بارے میں ایک علمی تفہیم پیدا کرنے پر مرکوز ہے کہ ٹیکنالوجی سے جنگی لڑائی پر کس طرح اثر پڑ رہا ہے، جس سے سوچ، تصورات، عقائد اور حکمت عملیوں، تکنیکوں اور طریقہ کار پر دوبارہ غور کرنے کی ضرورت ہے۔یہ مقامی دفاعی صنعت کی صلاحیتوں کے ساتھ آپریشنل ترجیحات کو ہم آہنگ کرے گا اور جدید اور مستقبل کی جنگی لڑائی کے مختلف پہلوؤں پر آزادانہ بحث کو فروغ دے گا۔

کورس میں شرکت کرنے والوں میں میجر جنرل سے لے کر میجر اور دیگر خدمات کے ان کے مساوی افسران کے ساتھ ساتھ وزارت دفاع کے تحت دیگر محکموں کے نمائندے، بشمول ڈی آر ڈی او، نیز اسٹارٹ اپس، ایم ایس ایم ای، ڈی پی ایس یو اور نجی صنعت کو شامل کرنے والی دفاعی صنعت شامل ہیں۔

یہ دوسرا ایڈیشن مسلح افواج کو ’مستقبل کے لیے تیار‘ بنانے کے بڑے مشن کو جاری رکھے ہوئے ہے، جس میں افواج کے درمیان اتحاد اور یکجہتی کو فروغ دیا جانا اور جدید جنگ کے بڑھتے ہوئے پیچیدہ منظر نامے کو سمت دینے کے لیے اسٹریٹجک لیڈروں کا تیار کیا جانا شامل ہے۔

******

ش ح۔ ش ا ر ۔ م ر

U-NO. 43