مرکزی وزیر داخلہ اور امداد باہمی کے وزیر جناب امت شاہ نے آج چھتیس گڑھ کے بیجاپور میں 50 نکسلیوں کے ہتھیار ڈالنے پر خوشی کا اظہار کیا اور انہیں مرکزی دھارے میں شامل ہونے پر خوش آمدید کہا ۔انہوں نے دیگر نکسلیوں سے تشدد ترک کرنے اور معاشرے میں ضم ہونے کی اپیل کرتے ہوئے اس بات پر زور دیا کہ وزیر اعظم جناب نریندر مودی کی پالیسی اسلحہ ترک کرنے والوں کی بحالی اور ترقی کو یقینی بناتی ہے ۔جناب شاہ نے نکسل ازم کے خاتمے کے لیے حکومت کے عزم کا اعادہ کرتے ہوئے کہا کہ 31 مارچ 2026 کے بعد یہ ملک میں تاریخ بن جائے گا ۔

 ایکس پر ایک پوسٹ میں ، مرکزی وزیر داخلہ جناب امت شاہ نے کہا ، "یہ بہت خوشی کی بات ہے کہ بیجاپور (چھتیس گڑھ) میں 50 نکسلیوں نے تشدد کا راستہ چھوڑ کر ہتھیار ڈال دیے ہیں۔میں ان لوگوں کا خیر مقدم کرتا ہوں جو تشدد اور ہتھیار چھوڑ کر ترقی کے مرکزی دھارے میں شامل ہوتے ہیں ۔مودی جی کی پالیسی واضح ہے کہ کوئی بھی نکسلائٹ جو ہتھیار چھوڑ کر ترقی کا راستہ اپنائے گا ، اس کی بحالی کی جائے گی اور اسے مرکزی دھارے سے جوڑا جائے گا ۔میں ایک بار پھر باقی لوگوں سے اپیل کرتا ہوں کہ وہ ہتھیار چھوڑ دیں اور مرکزی دھارے میں شامل ہوں ۔31 مارچ 2026 کے بعد ملک میں نکسل ازم تاریخ بن جائے گا ، یہی ہمارا عزم ہے ۔

*********************

UR-9943

(ش ح۔ش ت۔ش ہ ب)