آئی این ایس   وی ترینی کو 15 اپریل 25 کو مقامی وقت کے مطابق 10:30 بجے (1400 بجے آئی ایس ٹی) گوا کے سفر کے آخری مرحلے کے لیے رائل کیپ یاٹ کلب سے رسمی طور پر جھنڈی دکھا کر روانہ کیا گیا۔ کیپ ٹاؤن میں ہندوستان کے دفتری قونصل جنرل، جنوبی افریقہ میں ہندوستان کے دفاعی اتاشی، آر سی وائی سی گورننگ کونسل کے اراکین اور کیپ ٹاؤن میں ہندوستانی برادری کے نمائندوں کی موجودگی کے ذریعہ روانہ کیا گیا۔

یہ پریکرما ایک اہم  پیش رفت ہے جس کا مقصد ہندوستان میں سمندری جہاز رانی کو فروغ دینا، وردی میں ہندوستانی خواتین کی طاقت اور لچک کو ظاہر کرنا اور ہندوستان کی دیسی جہاز سازی کی صلاحیتوں کو اجاگر کرنا ہے۔

 حالیہ نویکا ساگر پرکرما- II کے ایک حصے کے طور پر آئی این ایس وی ترینی جو افتخارکے ساتھ لیفٹیننٹ کمانڈر دلنا کے اور لیفٹیننٹ کمانڈر روپا اے کی طرف سے تیار کی گئی تھی، نے کیپ ٹاؤن، جنوبی افریقہ میں ایک طے شدہ سٹاپ اوور کیا۔

https://pib.gov.in/PressReleasePage.aspx?PRID=2117120

کیپ ٹاؤن میں اپنی پورٹ کال کے دوران آئی این ایس وی ترینی نے متعدد رسائی اور سفارتی مصروفیات کے لیے ایک مرکز کے طور پر کام کیا۔ جہاز نے کئی معزز مہمانوں کی میزبانی کی جن میں شامل ہیں:

• جناب پربھات کمار، جنوبی افریقہ میں ہندوستان کے معزز ہائی کمشنر۔

• مسٹر ریگن ایلن، مغربی کیپ کے ڈپٹی اسپیکر۔

• مسٹر جوناتھن روڈز، سابق بین الاقوامی کرکٹر اور ہندوستان کے دوست۔

• محترمہ کرسٹن نیوشفر، باوقار گولڈن گلوب ریس 2022–23 کی فاتح اور ایک مشہور سولو سرکنیویگیٹر۔

• محترمہ روبی جسپریت، کیپ ٹاؤن میں ہندوستان کی کونسل جنرل۔

• ہندوستانی تارکین وطن کے اراکین اور مقامی معززین۔

اس دورے نے ثقافتی تبادلے کا موقع بھی فراہم کیا اور ہندوستان اور جنوبی افریقہ کے درمیان بڑھتے ہوئے سمندری تعاون کو اجاگر کیا۔

اعلیٰ سطح کے مہمانوں کی میزبانی کے علاوہ، آئی این ایس وی ترینی کے عملے نے متعامل پروگراموں کی ایک سیریز میں حصہ لیا جس کا مقصد صنفی مساوات، خواتین کو بااختیار بنانا اور مقامی کشتیوں کی تعمیر میں ہندوستان کی صلاحیت کو فروغ دینا تھا۔ ان میں شامل ہیں:

• ہندوستانی ڈائاسپورا کے طلباء کے ساتھ ایک خاص بات چیت۔

• آر سی وائی سی ، کیپ ٹاؤن میں ممتاز شہریوں، اور سفارتی برادری کے اراکین کے ساتھ اشتراک کا تجربہ  کیا، جہاں افسران نے اپنے سفر، سمندری کشتی رانی کے چیلنجز، اور نویکا ساگر پریکرما کے پیچھے ویژن کے بارے میں  خیالات کا اشتراک کیا۔

• یونیورسٹی آف دی ویسٹرن کیپ میں فیکلٹی اور منتخب طلباء کے ساتھ ایک رسمی سیشن۔

• نیول کالج میں نیول کیڈٹس کے ساتھ  گفت و شنید، جوبحریہ کے افسران کی اگلی نسل کو متاثر کرتی ہے، اور

• رائل کیپ یاٹ کلب (آر سی وائی سی) سیلنگ اکیڈمی کے نوجوان خواہش مند ملاحوں کے ساتھ تعامل، سمندری جذبے اور دوستی کو فروغ دینا۔

عملے نے آئی این ایس وی ترینی کی معمول اور ضروری دیکھ بھال کے لیے بھی اس اسٹاپ کا استعمال کیا اور اس بات کو یقینی بناتے ہوئے کہ جہاز سفر کے آخری حصے تک بہترین آپریشنل حالت میں رہے۔

آئی این ایس وی ترینی کے مئی 2025 کے آخر تک گوا پہنچنے کی امید ہے، جو کہ ہندوستان کی سمندری تاریخ کے ایک اور قابل فخر باب کی کامیاب تکمیل کا نشان ہے۔ نویکا ساگر پرکرما- II خواتین کو بااختیار بنانے، سمندری  اہمیت اور قومی فخر کاایک  نشان بنا ہوا ہے۔

*****

ش ح-ظ ا-ج

UNO-9910