U Secretary ka tnad treilang u Dr. Ashish Kumar Bhutani, u la ai jingkren ha ka National Level Review Meeting, kaba ar sngi ha nongbah Shillong, Meghalaya. Ha kane ka jingialang peit bniah kaba la sdang ha ka 10-11 tarik Iaiong 2025, la iakren ia ki sienjam bad ka jingthaw ia ki buit treikam ban pynkhlain shuh shuh bad pynthymmai ia ka kam Cooperative ha kylleng ka ri.

Haba ai jingkren ha ka jingïalang plie paidbah, u Dr. Ashish Kumar Bhutani u la ong ba hapoh ka jingialam jong u Myntri Rangbah duh Narendra Modi bad ka jingpyniaid jong u Myntri Kam Pohiing jong ka sorkar pdeng uba dei ruh u Myntri ka tnad iatreilang, u Amit Shah ka Tnad ka thmu ban kyntiew ia ka ioh ka kot kaba ialam da ka kam cooperative lyngba ka jingpynkhlain ia ka jingiatreilang hapdeng ki jylla ban pynurlong ia ka jingthmu “Sahakar Se Samriddhi.” U la ban jur ban lum ia ki PAN nombar jong baroh ki cooperative society jong ka ri khnang ban lah ban pyni kham bha ia ka kam cooperative ha ka GDP jong ka ri. U Dr. Bhutani u la pynskhem biang ïa ka jingkular jong ka Sorkar ban pynkhlain bad kyntiew ïa ka jinglong ka kam cooperative ha ka ri.

U Secretary ka tnad treilang u la ong ba ka White Revolution 2.0 ka dei kawei na ki sienjam ba kongsan, kaba thmu ban kyntiew ïa ki jaka nongkyndong lyngba ka kam ba iadei bad ka dud. U la ong ba ka kam ba iadei bad ka dud ka don ia ki nuksa ba bha kumno ka lah ban pynkupbor ia ki kynthei bad kyntiew ia ka bam ba tei met na ka bynta ki khynnah. U la ong ba ngi iatreilang bad ki jaka treikam kum ka Amul bad ka NDDB ban kyrshan ia ki jylla Assam, Jharkhand, Uttar Pradesh bad kiwei ki jylla ha kaba pyniar ia ki jingdon jingem ha ka kam ba iadei bad ka dud. Ka jinglah ban kamai na ka kam ri jingri mynta ka la palat ia ka rukom rep tynrai.

U Dr. Ashish Kumar Bhutani u la ong ba ka jingmynjur ïa ka bill ban seng ïa ka skulbah Tribhuvan Sahkari ba nyngkong eh ha India ka dei ka sienjam kaba kongsan. Kane ka skulbah kan pynbeit ia ka jingpule ha ka kam cooperative ha kylleng ki jylla bad kan kyntiew palat 250 tylli ki jaka pule cooperative kiba la don lypa.

U Secretary, ka tnad iatreilang, bad u Chief Secretary, Sorkar Meghalaya, ryngkat bad ki heh ophisar ki la ïashim bynta ha ka jingthung dieng hapoh ka sienjam “Ek Ped Maa Ke Naam” ha ka International Year of Cooperatives.

Ka jingialang ka la wanrah lang ia ki nongshim bynta ba kongsan kynthup ia ki nongmihkhmat na ki Jylla bad ki Union Territory, ki ophisar na ki seng cooperative, ki jaka kiba trei ha ki kam pisa, bad ki nongthaw polisi, kaba la kyntiew ia ka rynsan iatreilang na ka bynta ka jingiasam jingtip bad ka jingpyniadei bad ki buit treikam

Ka bynta halor ka Jingbishar bniah ia ki Jylla ka la pynpaw ia ka bynta ba kongsan jong ki jaka treikam cooperative ha ka kyrdan jong ka ri kum ka NCEL, NCOL, BBSSL, NCCF, bad ka NAFED ban kyntiew ia ka jinglong ka kam cooperative bad ban wanrah ia ka jingsaindur thymmai bad jingai bynta lang ia baroh.

U Director jong ka IRMA, u Anand (Gujarat), u la batai ia ka jingthmu jong ka Tribhuvan Sahkari University, ki jingthmu ba kongsan, bad ka jingtyrwa ia ka rukom trei ha ki jaka treikam. Ka jingïalang ka la pynpaw ïa ka jingangnud jong ka Tnad kaba la slem bha ban wanrah ia ki kam kiba iadei bad ka jingai jinghikai ha ki kam cooperative bad ki kam wad bniah katkum ka juk mynta.

Ka workshop kaba kyrpang halor ka International Year of Cooperatives 2025, kaba pynleit jingmut ha ki mat ba kongsan kum ki seng treilang kiba long ki nuksa, ka jingpeit bniah ia ka jingktah, bad ka jingthaw ia ka Business Reform Action Plan na ka bynta u snem mang tyngka ban wan. Ki kynhun na Maharashtra, Gujarat, bad Uttarakhand ki la iasam ia ki rukom treikam bad ki jingpynwandur ba bha tam ha ka jingkyntiew ia ka kam cooperative

Ki bynta ba la buh jingmut ha kine ki jingïalang ba ar sngi ki long halor ka jingpynïar ïa ka jingshakri ki bank na ka bynta ki cooperative society bad ban pynthikna ïa ka jingshakri ki bank ha ki jingkhang lyngba ki micro-ATM ryngkat bad ka jingai ram khlem jingsiew sut lyngba ki RuPay Kisan Credit Card sha ki dkhot jong ki Primary Agriculture Credit Societies (PACS), ki Dairy Cooperative Society bad kiwei kiwei ki jaka treikam Cooperative, bad ka jingpynkhlain ia ka  Rural Cooperative Banking. Ka jingpyniar ia ka jingseng ha ka por ia ki Multi-Purpose Agriculture Cooperative Societies (MPACS), ki Dairy and fishery cooperative, Grain Storage Plan, ka jingpynkylla digital ia ki PACS bad ki Agriculture and Rural Development Bank (ARDB) da ka jingthmu ban kyntiew  ia ka jingshai, ka jingtreikam kaba paka, ka jingioh ia ki lad jingshakri kilong ki bynta ba la iamir jingmut ha kane ka jingialang. La pynlong ruh ia ka jingiakren kaba bniah halor ka jingktah jong ki skhim jong ka NCDC bad ka jingpynbeit thymmai ia ka lynti treikam jong ka bad ki jingthmu ba kham iar jong ka ri kiba iadei bad ka roi ka par.

******