بھارت کی  صدر  جمہوریہ محترمہ دروپدی مرمو پرتگال اور سلوواک جمہوریہ کے اپنے سرکاری دورے کے پہلے مرحلے میں کل (6 اپریل 2025) لزبن پہنچیں ہیں ۔  27 سالوں میں کسی ہندوستانی صدر کا پرتگال کا پہلا دورہ ہے ۔

آج صبح (7 اپریل ، 2025) جمہوریہ پرتگال کے صدر  عزت مآب  جناب    مارسیلو ریبیلو ڈی سوسا نے صدر  جمہوریہ دروپدی مرمو کا لزبن میں تاریخی 'پراکا ڈو امپیریو' میں پرتپا ک خیرمقدم  کیا ۔ گارڈ آف آنر کے ساتھ ان کا    با ضابطہ  استقبال کیا گیا ۔

صدر  جمہوریہ ہند   دروپدی مرمو نے چرچ آف سانتا ماریا کا بھی دورہ کیا اور پرتگال کے قومی شاعر لوئس ویز ڈی کیموز کے مقبرے پر  گلہائے عقیدت  نذ رکیے۔ انہوں  نے پرتگال میں 16 ویں صدی کے فن تعمیر کے شاہکار جیرونیموس کی خانقاہ کا بھی دورہ کیا ۔

 میٹنگ کی اگلی  مصروفیات  میں ، صدر جمہوریہ   دروپدی مرمو اور پرتگال کے صدر مارسیلو ریبیلو ڈی سوسا نے دونوں ممالک کے درمیان سفارتی تعلقات کے 50 سال پورے ہونے کے موقع پر  منعقدہ تقریب  میں ڈاک ٹکٹوں کے اجراء میں شرکت کی ۔ یہ ڈاک ٹکٹ  بھارت  اور پرتگال کے بھرپور فنکارانہ اور  مالا مال  ثقافتی ورثے کی عکاسی کرتے ہیں ، اور دونوں ممالک کے  درخشا ں  لوک لباس کو پیش کرتے ہیں:  جس میں راجستھان کا مخصوص کالبیلیا لباس اور پرتگال کا روایتی ویانا ڈو کاسٹیلو لباس  شامل ہیں۔

 اس کے بعد  ، صدر جمہوریہ  ہند  دروپدی مرمو نے پرتگال کے صدر مارسیلو ریبیلو ڈی سوسا کے ساتھ   اپنی  میٹنگ اور وفد کی سطح کے مذاکرات کے دوران دو طرفہ تعلقات کے مختلف پہلوؤں اور مشترکہ دلچسپی کے عالمی اور علاقائی امور پر تبادلہ خیال کیا ۔ صدر جمہوریہ ہند  نے کہا کہ بھارت  اور پرتگال کے   مابین تعلقات تاریخی ہیں اور یہ  وقت کے ساتھ  فروغ پا کر مضبوط ہوتے رہے ہیں اور ایک جدید ، کثیر جہتی اور متحرک شراکت داری میں تبدیل ہوئے ہیں ۔ انہوں نے خاص طور پر تجارت اور سرمایہ کاری ، سائنس و ٹیکنالوجی ، آئی ٹی اور ڈیجیٹل ٹیکنالوجی ، قابل تجدید توانائی ، رابطے اور نقل و حرکت میں دیرینہ دو طرفہ تعلقات کو مزید مستحکم کرنے کی ضرورت پر زور دیا ۔

 اس کے بعد دونوں رہنماؤں نے باہمی ملاقات کے بعد پریس بیانات جاری کیے ۔

Please click here to see the President's Speech -

۔۔۔۔۔۔۔۔۔۔۔۔۔۔۔۔۔

ش ح۔ م م ع۔ رض

Urdu No. 9657