மத்திய ஊரக மேம்பாட்டு அமைச்சகம் வெள்ளிக்கிழமை ஒரு இணையவழி கருத்தரங்குக்கு ஏற்பாடு செய்தது, இது லட்சாதிபதி சகோதரிகள் மற்றும் மாநில கிராமப்புற வாழ்வாதார இயக்கங்களின்  பிரதிநிதிகளை ஒன்றிணைத்தது. ஒத்துழைப்பு மற்றும் உத்திசார் நடவடிக்கையில் கவனம் செலுத்துவதன் மூலம் 2025-26 பட்ஜெட் அறிவிப்புகளை செயல்படுத்துவதை நோக்கமாகக் கொண்ட பட்ஜெட்டுக்குப் பிந்தைய ஆலோசனைத் தொடரின் ஒரு பகுதியாக இந்த அமர்வு இருந்தது.

ஊரக வளம் மற்றும் மீள்திறன் திட்டத்தை முன்னெடுத்துச் செல்வதில் மாநில பங்களிப்பின் முக்கியத்துவத்தை ஊரக வளர்ச்சி மற்றும் மேம்பாட்டு அமைச்சகத்தின் செயலாளர் திரு சைலேஷ் குமார் சிங் வலியுறுத்தினார்.  ஊரக வளர்ச்சி அமைச்சகத்தின் கூடுதல் செயலாளர் திரு. டி.கே. அனில்குமார், கலந்துரையாடலுக்கான விரிவான விளக்கமளித்தார். இது ஆக்கப்பூர்வமான விவாதங்களுக்கான தளத்தை அமைத்தது. சுய உதவிக் குழு பெண்களுக்கு நிதி சுதந்திரம் மற்றும் வெற்றியை அடைவதற்கான மதிப்புமிக்க நுண்ணறிவு மற்றும் உத்திகளை பங்கேற்பாளர்கள் பகிர்ந்து கொண்டனர். இந்த ஆலோசனை கிராமப்புற முன்னேற்றத்தின்  நான்கு முக்கிய தூண்களான உள்கட்டமைப்பு, நிதி, சந்தைப்படுத்தல் மற்றும் திறன் மேம்பாடு ஆகியவற்றைச் சுற்றி இருந்தது.

கிராமப்புற பெண்களுக்கு அதிகாரம் அளிப்பதற்கான அதன் உறுதிப்பாட்டின் ஒரு பகுதியாக, பயனுள்ள வணிகத் திட்டங்களை வடிவமைப்பதில் ஆர்வமுள்ள லட்சாதிபதி சகோதரிகளுக்கு  ஆதரவளிக்க வடிவமைக்கப்பட்ட தொழில்முனைவோர் திட்டமிடல் டிஜிட்டல் கருவியையும் அமைச்சகம் அறிமுகப்படுத்தியது.

லட்சாதிபதி சகோதரியாக ஆவது தொடர்பான கேள்விகளுக்கு பெண்களுக்கு உதவ 0120-5202521 என்ற கட்டணமில்லா எண் அறிமுகப்படுத்தப்பட்டது. திங்கள் முதல் சனிக்கிழமை வரை, காலை 9 மணி முதல் மாலை 6 மணி வரை (தேசிய விடுமுறை நாட்களைத் தவிர்த்து), உதவி எண் சரியான நேரத்தில் மற்றும் பயனுள்ள ஆதரவை வழங்குவதை நோக்கமாகக் கொண்டுள்ளது.

மத்திய ஊரக வளர்ச்சி அமைச்சகத்தின் இணைச் செயலாளர் திருமதி ஸ்மிருதி சரண், ஊரக வளர்ச்சி அமைச்சகத்தின் இணைச் செயலாளர் செல்வி ஸ்வாதி சர்மா மற்றும் மூத்த அதிகாரிகள் மற்றும் கருப்பொருள் குழு உறுப்பினர்கள் இந்த நிகழ்ச்சியில் கலந்து கொண்டனர்.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும் https://pib.gov.in/PressReleasePage.aspx?PRID=2119152

***

PKV/ RJ