கிராமப்புற போக்குவரத்து இணைப்பை வலுப்படுத்தவும், பொருளாதார வளர்ச்சியை விரைவுபடுத்தவும் குறிப்பிடத்தக்க நடவடிக்கையாக, திரிபுரா, ஒடிசா மாநிலங்களுக்கு பிரதமரின் ஜன்மன் (பிரதம மந்மிரி ஜன்ஜதி ஆதிவாசி நியாய மகா அபியான - PM-JANMAN) திட்டத்தின் கீழ் கிராமப்புற மேம்பாட்டு அமைச்சகம் புதிய திட்டங்களுக்கு ஒப்புதல் அளித்துள்ளது.

திரிபுரா மாநிலத்திற்கு ₹ 76.47 கோடி மதிப்பீட்டில் 84.352 கி.மீ நீளமுள்ள 25 சாலைகள் ஒப்புதல் அளிக்கப்பட்டுள்ளது

ஒடிசா மாநிலத்தில் ₹ 69.65 கோடி மதிப்பீட்டில் 63.271 கி.மீ. நீளமுள்ள 26 சாலைகள், 2 பாலங்கள் கட்டுவதற்கு ஒப்புதல் அளிக்கப்பட்டுள்ளது

இந்த மைல்கல் முயற்சியின் நோக்கங்கள்:

- இந்த மாநிலங்களில் உள்ள பழங்குடியின குடியிருப்புகளுக்கு அனைத்து பருவநிலைகளுக்கும் ஏற்ற சாலை இணைப்பை வழங்குதல்.

- இந்த மாநிலங்களில் வாழும் பாதிக்கப்படக்கூடிய பழங்குடி குழுக்களின் சமூக-பொருளாதார நிலையை மேம்படுத்துதல்.

- தொலைதூர கிராமங்களுக்கும் நகர்ப்புற மையங்களுக்கும் இடையிலான இடைவெளியைக் குறைத்து, கிராமப்புறங்களில் இணைப்பை மேம்படுத்துதல்.

- பிராந்தியத்தில் பொருளாதார வளர்ச்சி,  வர்த்தகத்தை வளர்த்தல்.

- சுகாதாரம், கல்வி, சந்தைகள் போன்ற அத்தியாவசிய சேவைகளுக்கான அணுகலை மேம்படுத்துதல்.

- வேலை வாய்ப்புகளை உருவாக்குதல், உள்ளூர் பொருளாதாரங்களை ஊக்குவித்தல்.

***

(Release ID: 2119160)

PLM / RJ