ایک اہم اقدام میں دیہی رابطے کو مضبوط کرنے اور معاشی ترقی کو تیز کرنے کے لیے، دیہی ترقی کی وزارت نے پردھان منتری جنجاتی آدیواسی نیائے مہا ابھیان  (پی ایم – جے این این ایم اے این )کے رابطہ جاتی حصے کے تحت تریپورہ اور اڈیشہ ریاستوں کے لیے منصوبوں کی منظوری دی ہے، ان منصوبوں کی نیچے تفصیلات دی گئی ہیں:

• تریپورہ: ریاست کے لیے 25 سڑکیں جن کی لمبائی 84.352 کلومیٹر ہے، جن کی تخمینی سرمایہ کاری 76.47 کروڑ روپے ہے، منظور کی گئی ہیں۔ اس اقدام کو جاری رکھتے ہوئے، پی ایم – جے این این ایم اے این کے تحت ریاست میں پہلے ہی 42 سڑکیں جن کی لمبائی 118.756 کلومیٹر ہے اور تخمینی سرمایہ کاری 114.32 کروڑ روپے ہے، منظور کی جا چکی ہیں۔
• اڈیشہ: ریاست کے لیے 26 سڑکیں جن کی لمبائی 63.271 کلومیٹر ہے اور 02 لمبے اسپین پل (ایل ایس بیز)، جن کی تخمینی سرمایہ کاری 69.65 کروڑ روپے ہے، منظور کیے گئے ہیں۔ اس اقدام کو جاری رکھتے ہوئے، پی ایم – جے این این ایم اے این کے تحت ریاست میں پہلے ہی 66 سڑکیں جن کی لمبائی 211.14 کلومیٹر ہے اور 04 ایل ایس بیز جن کی تخمینی سرمایہ کاری 219.40 کروڑ روپے ہے، منظور کی جا چکی ہیں۔

یہ تاریخی اقدام:

• ان ریاستوں میں خاص طور پر کمزور قبائلی گروہوں(پی وی ٹی جی) کے رہائشی علاقوں کو ہر موسم میں سڑک رابطہ فراہم کرے گا۔
• ان ریاستوں میں رہنے والے خاص طور پر کمزور قبائلی گروہوں (پی وی ٹی جی)  کی سماجی و معاشی حالت کو بہتر بنائے گا۔
• دیہی علاقوں میں رابطے کو بہتر بنائے گا، دور دراز کے دیہاتوں اور شہری مراکز کے درمیان فرق کو کم کرے گا۔
• خطے میں معاشی ترقی، تجارت اور کاروبار کو فروغ دے گا۔
• صحت کی دیکھ بھال، تعلیم اور بازاروں جیسے ضروری خدمات تک رسائی کو بہتر بنائے گا۔
• روزگار کے مواقع پیدا کرے گا اور مقامی معیشتوں کو متحرک کرے گا۔
• حکومت کے ترقی یافتہ بھارت (وکست بھارت) کے وژن کے مطابق ہوگا۔

پی ایم- جن من کے تحت یہ منصوبے خطے پر تبدیلی لانے والا اثر ڈالیں گے، جو ریاستوں میں قبائلی گروہوں کی ترقی اور خوشحالی میں معاون ثابت ہوں گے اور حکومت کے جامع ترقی کے عزم کو مضبوط کریں گے۔

************

ش ح ۔    م د  ۔  م  ص

 (U :  9570   )