Ka Tnat Kam Pohiing jong ka Sorkar Pdeng
Iaroh u Myntri kam pohïing ka sorkar pdeng uba dei ruh u Myntri ka tnad ïatreilang, u Amit Shah ïa ka rai jong ka Kynhun Myntri ka sorkar pdeng ban mynjur ïa ka Vibrant Villages Program-2
Ka jingsngewnguh kaba khraw ia u Myntri Rangbah duh Narendra Modi na ka bynta kane ka sienjam ba kongsan
Ka prokram Vibrant Villages ka la long ka lad wanrah jingkylla ia ki shnong khappud jong ngi kum ki jaka pdeng jong ka jingkiew shaphrang bad ka roi ka par
Ban pyniaid shakhmat ïa ka jingthmu, ka sorkar Modi mynta ka sngi ka la mynjur ïa ka Vibrant Villages Program-2 da kaba pynlut haduh T. 6,839 klur tyngka
Ka prokram kan pynkylla ia ki shnong kiba don ha ki jaka khappud sha ki rukom pynroi ba pura ryngkat bad ki jingdonkam kiba biang na ka bynta ka kamai kajih kaba ianeh, ka rukom im kaba kham biang bad pynkhlain shuh shuh ia ka jingshngain
Posted On:
04 APR 2025 6:44PM by PIB Shillong
U Myntri kam pohiing ka sorkar pdeng uba dei ruh u myntri ka tnad iatreilang, u Amit Shah u la iaroh ia ka rai jong ka Kynhun Myntri jong ka sorkar pdeng ban ai jingmynjur ia ka Vibrant Villages Program-2. U Amit Shah u la pynpaw ka jingsngewnguh ïa u Myntri Rangbah duh Narendra Modi na ka bynta kane ka sienjam kaba kongsan.
U Myntri kam pohiing jong ka sorkar pdeng uba dei ruh u Myntri ka tnad iatreilang, u Amit Shah ha ka post ha ka rynsan X u la ong, ka Vibrant Villages Program ka la long ka lad wanrah jingkylla ia ki shnong khappud jong ngi kum ki jaka pdeng jong ka jingkiew shaphrang bad ka roi ka par. Ban pynïaid shakhmat ïa ka jingthmu, ka sorkar Modi mynta ka sngi ka la mynjur ïa ka prokram Vibrant Villages Program-2 da kaba pynlut haduh T. 6,839 klur, u la bynrap.
U Myntri kam pohiing jong ka sorkar pdeng u la ong ba kane ka prokram kan pynkylla ia ki shnong kiba don ha ki jaka khappud sha ki rukom pynroi kiba pura ryngkat bad ki jingdonkam kiba biang na ka bynta ka kamai kajih kaba iaineh, ka rukom im kaba kham biang bad ka jingpynkhlain shuh shuh ia ka jingshngain.
***
(Release ID: 2119051)
Visitor Counter : 7