প্রধানমন্ত্রীগী লোইশঙ
প্রধান মন্ত্রীনা ৬শুবা বিম্সতেক সম্মিত্তা পীখিবা ৱারোল
Posted On:
04 APR 2025 12:59PM by PIB Imphal
এক্সেলেন্সীশিং,
খুরুমজরি!
মীৎকুপ অসিদা, ঐহাক্না প্রাইম মিনিস্তর হর এক্সেলেন্সী সিনাৱত্রা অমদি থাইলেন্দ লৈঙাক্কী মফমদা সম্মিত অসি নীংথিনা পাঙথোকপিবগীদমক থম্মোয় শেংনা থাগৎপা ফোঙদোকচরি।
এক্সেলেন্সীশিং,
অহানবমক্তদা, ভারতকী মীয়ামগী মহুৎ শিঞ্জরগা, ঐহাক্না হন্দক্কী ম্যান্মার অমদি থাইলেন্দগী য়ুহা হাবনা পুন্সি অমদি লন-থুম কয়া মাঙহনখিবগীদমক থম্মোয় শোক্না অৱাবা ফোঙদোকচরি। ঐখোয়না থৌদোক্তুদা শোক্লবশিংগীদমক লেপ্লি অমদি অশোকপশিং থুনা ফগৎলকপা ওইসনু হায়না য়াইফ-পাউজেল পীজরি।
এক্সেলেন্সীশিং,
ঐহাক্না প্রাইম মিনিস্তর অমদি মহাক্কী কাঙবুবু হৌখিবা চহি অহুম অসিদা বিম্সতেকপু মমায় চুম্বদা মতিং লৈনা লুচিংবগীদমক থাগৎচরি।
বিম্সতেক্না খা অমসুং খা-নোংপোক এসিয়াগী মরক্তা মরুওইবা থোং অমা ওইরি, অমদি রিজনেল কন্নেক্তিতিবী, তেংবাংনবা অমদি পুন্না নুংঙাই য়াইফমিন্নবগী মতিক লৈবা ফম্পাক অমা ওইরক্লি।
মমাঙ চহিদা বিম্সতেক চার্তর চৎনবা হৌখিবা য়াম্না অপেনবা পোকপা ৱাফম অমনি। ঙসি ঐখোয়না চৎননবা ৱারেপ্নগদৌরিবা বেঙ্ককোক ভিজন ২০৩০ অসিনা নুংঙাই য়াইফবা, সিক্যুর ওইবা, অমদি পুম্নমক কোনশিনবা বে ওফ বেঙ্গল রীজন অমা শেমগৎমিন্ননবগী ঐখোয়গী খোঙফমবু খুমাঙ চাওশিলহনগনি হায়না ঐনা থাজবা থম্লি।
এক্সেলেন্সীশিং,
মখা তানা বিম্সতেক মপাঙ্গল কলহন্নবা, ঐখোয়না মসিগী পনখৈ পাকথোক চাউথোকহনবা অমদি মসিগী ইন্সতিত্যুস্নেল কেপাসিতী হেনগৎহন্বা তাই।
হোম মিনিস্তরশিংগী মেকানিজম ইন্সতিত্যুস্নেলাইজ তৌরকপা পুক্নিং থৌগৎনিংঙাইনি। ফোরম অসিনা সাইবর ক্রাইম, সাইবর সিক্যুরিতী থ্রেত, তেরোরিজম, দ্রগ ত্রাফিক্কিং, অমদি হ্যুমেন ত্রাফিক্কিং থেংনবদা অচৌবা থৌদাং অমা লৌবা য়াগনি। হীরম অসিদা, ঐহাক্না চহি অসিগী লোইশিল্লকপদা মেকানিজম অসিগী অহানবা মীফম ভারতনা থৌবু ওইদুনা পাঙথোক্নবা ৱাফম প্রপোজ তৌজরি।
এক্সেলেন্সীশিং,
লমদম অসোমদা চাওখৎপা পুরক্নবগীদমক, ফীজিকেল কন্নেক্তিবিতীগা দিজিতেল অমদি ইনর্জী কন্নেক্তিবিতীগা পুন্না চৎমিন্নবা মথৌ তাই।
বেঙ্গলুরুদা লৈবা বিম্সতেক ইনর্জী সেন্তরনা থবক হৌখিবদা ঐ অপেন্বা ফাওই। রীজন থুংনা ইলেক্ত্রিক গ্রিদ ইন্তরকন্নেক্সন ফংবা ঙম্নবগীদমক ঐখোয়গী তীমশিংনা পায়খৎলিবা থৌরাং হেন্না খোঙজেল য়াঙশিনহন্নবা ৱাফম প্রপোজ তৌজরি।
ভারতকী দিজিতেল পব্লিক ইনফ্রাস্ত্রকচর (দি.পি.আই.)না পব্লিক সর্ভিসশিং ফংহনবগী মওংদা য়াওল পুরক্লে। মসিনা গুদ গভর্নেন্স মশক থোক্না ফগৎহল্লে, ত্রান্সপেরেন্সে হেনগৎহল্লে, অমদি ফাইনেন্সিএল ইনক্লুজন খোঙজেল য়াঙখৎহল্লে। ঐখোয়না ঐখোয়গী দি.পি.আই. এক্সপিরিএন্স অসি বিম্সতেক মেম্বর স্তেতশিংদা শেয়র তৌজগে। ৱাফম অসি মাঙদা পুখৎনবা, হীরম অসিদা বিম্সতেক লৈবাকশিংগী অকক্নবা মথৌ তাবা অমদি অহেনবা মীৎয়েঙ চঙবা মথৌ তাবশিং হেন্না মমুৎ তানা খঙননবা পাইলোত স্তদী অমা পায়খৎপা য়াই।
ভারতকী য়ুনিফাইদ পেমেন্ত ইন্তরফেস (য়ু.পি.আই.) অমদি বিম্সতেক মেম্বর স্তেতকী পেমেন্ত সিস্তেমশিংগগী মরক্তা মরী শেমগৎনবা ৱাফমসু ঐহাক্না প্রপোজ তৌজরি। অসুম্না পুনশিনবসিনা ত্রেদ, ইন্দস্ত্রী, অমদি তুরিজমদা চাউনা কান্নবা পুরক্তুনা, থাক খুদিংদা শেন্মিৎলোনগী থবক থৌওংশিং হেনগৎহনগনি।
এক্সেলেন্সীশিং,
ত্রেদ অমদি বিজিনেস কন্নেক্তিবিতী অসি ঐখোয় পুন্না খুমাঙ চাওশিনমিন্নবদা চপ মান্ননা মরু ওই।
ঐখোয়গী বিজিনেস কম্ম্যুনিতীশিংগী মরক্তা খুৎশম্ননা চৎমিন্নবগী থৌরাং মপাঙ্গল কনখৎহন্নবা, ঐহাক্না বিম্সতেক চেম্বর ওফ কম্মর্স অমা লিংখৎনবা ৱাফম প্রপোজ তৌজরি। মসিগী মথক্তা, চহিগী ওইবা বিম্সতেক বিজিনেস সম্মিত অমা ইকনমিক এঙ্গেজমেন্ত হেন্না লৈহন্নবা পাঙথোক্কনি।
ঐহাক্না বিম্সতেক রিজন মনুংদা লোকেল শেনয়েকশিং শীজিন্নরগা লল্লোন ইতিক তৌনবা য়াবগী ওইথোকপা লৈবরা হাইনা থিজিন্নবা ৱাফমসু হৌদোকচরি।
এক্সেলেন্সীশিং,
ফ্রী, ওপন, সিক্যূর, অমদি সেফ ওইবা ইন্দিয়ন ওসীন অমা হায়বসি ঐখোয় অপুনবগী প্রাইওরিতীনি। ঙসি লোইশিনখিবা মেরিতাইম ত্রান্সপোর্ত এগ্রীমেন্ত অসিনা মর্চেন্ত সিপ্পিং অমসুং কার্গো ত্রান্সপোর্তকী তেংবাংনবা হেনগৎহন্দুনা, লমদম অদোমগী ত্রেদ মশক থোক্না হেনগৎহনগনি।
ভারতনা সস্তেনেবল মেরিতাইম ত্রান্সপোর্ত সেন্তর অমা লিংখৎনবা ৱাফম প্রপোজ তৌরি। সেন্তর অসিনা মেরিতাইম পোলিসীদা কেপাসিতী বিল্দিং, রিছর্চ, ইনোভেসন, অমদি খুৎশম্ননা চৎমিন্নবা হেনগৎহনবদা মীৎয়েঙ থমগনি। মসিনা রীজন পুম্বদা মেরিতাইম সিক্যুরিতীগী তেংবাংনবা হেনগৎহন্নবা মচাক অমসু ওইগনি।
এক্সেলেন্সীশিং,
হন্দক্কী য়ুহা হাখিবা অসি বিম্সতেক রীজন অসি মহৌশাগী লাংফম থোক্লকপদা কয়াদা খুদোংচাদবা ফীভমদা লৈরিবগে হায়বা নীংশিংহল্লি।
ভারতনা মাগী মরূপশিংগীদমক লাংফমগী মতমদা অহানবা রেস্পোন্দর ওইনা মতম পুম্বদা লেপ্তুনা লৈরি। ম্যান্মারগী মীয়ামদা মতম চানা তেংবাং পোৎলমশিং য়ৌহনবা ঙম্বসি ঐখোয়গী লাইবক ফবনি হায়না লৌই। মহৌশাগী লাংফমশিং অসি থিংবা ঙমদবদি য়াই, অদুবু শেম শাদুনা মদুদা খুৎলৈ থুনা থৌরাং পায়খৎপা হায়বসি মতম পুম্বদা খোঙফম হোংদনা লৈগদবনি।
হীরমসিদা, ঐহাক্না ভারত্তা বিম্সতেক সেন্তর ওফ এক্সেলেন্স ফোর দিজাস্তর মেনেজমেন্ত অমা লিংখৎনবা ৱাফম প্রপোজ তৌজরি। সেন্তর অসিনা দিজাস্তরগী শেম শাবা, তেংবাং, অমদি হান্নগী ফীভমদা খুন্দা লৈতাহনবগী থৌরাংদা তেংবাংনবগী থৌদাং য়াগনি। মসিগী মথক্তা, বিম্সতেএক দিজাস্তর মেনেজমেন্ত ওথোরিতীশিংগী মরিশুবা জোইন্ত এক্সরসাইজ ভারত্তা চহি অসিগী লোইশিল্লকপদা পাঙথোক্কনি।
এক্সেলেন্সীশিং,
খুন্নাইদা পুন্না চাওখৎপা পুরকপদা মীয়ামগী হকশেল হায়বসি মরুওইবা য়ুম্বী অমনি।
বিম্সতেক লৈবাক পুম্বদা কেন্সর কেয়রগী লমদা ত্রেনিং অমসুং কেপাসিতী বিল্দিংগী ঙাক্লৌ ভারতনা পীগনি হায়না ঐনা লাউথোকচরি। হকশেলগী লমদা চঙশিল্লিবা অসিগী পরিংদাল সেন্তর ওফ এক্সেলেন্স অমসু মহৌশাগী হিদাক লাংথকশিংগী মরমদা থিজিন্নবা অমদি পাক শন্না খঙহন্নবা লিংখৎকনি।
মতৌ অসুম্না, ঐখোয়গী লৌমীশিংদা কান্নবা পীননবা, লৌউ-শিংউ সেক্তরদা ৱাখল লৌশিং অমদি খ্বায়দগী ফবা থৌওংশিং তাথোক তাশিন তৌনবা, থিজিন হুমজিনবদা খুৎশম্ননা চৎমিন্নবা, অমদি কেপাসিতী বিল্দিং তৌবদা মীৎয়েঙ থম্বা অতোপ্পা সেন্তর ওফ এক্সেলেন্স অমসু লিংখৎনবা ঐখোয়না প্রপোজ তৌজরি।
এক্সেলেন্সীশিং,
স্পেসকী লমদা ভারতকী সাইন্তিস্তশিংনা থাংজিল্লিবা খোঙথাং অসিনা মালেমগী খা থংবা শরুক্কী নহা কয়াগী পুক্নিং থৌগৎনফম অমা ওইরি। ঐখোয়না বিম্সতেক মেম্বর স্তেতশিংদা ঐখোয়গী হৈ-শিংবা অমদি থেংনরকখিবশিং তাথোক তাশিন তৌননবা শেম শাদুনা লৈরি।
হীরমসিদা, বিম্সতেক লৈবাকশিংগী মেনপৱার ত্রেনিংগী গ্রাউন্দ স্তেসন অমা লিংখৎনবা, নেনো-সেতলাইতশিং শেমগৎপা অমদি থাগৎপা, অমদি রিমোত সেন্সিং দেতা শীজিন্ননবা ৱাফম ঐহাক্না প্রপোজ তৌজরি।
এক্সেলেন্সীশিং,
রীজন পুম্বদা নহাশিং স্কিল লৈবা হেনগৎহন্নবা, ঐখোয়না বোধি ইনিসিএতিব, হায়বদি “বিম্সতেক ফোর ওর্গনাইজ দিভেলপমেন্ত ওফ হ্যুমেন রিসোর্স ইনফ্রাস্ত্রকচর” ইনিসিএতিব হৌদোক্লি।
প্রোগ্রাম অসিগী মখাদা, বিম্সতেক মেম্বর লৈবাকশিংদগী নহা ৩০০না চহি খুদিং ভারত্তগী ত্রেনিং ফংগনি।
ভারতকী ফোরেস্ত্রী রীছর্চ ইন্সতিত্যুৎতা বিম্সতেক মহৈরোয়শিংদা স্কোলারসিপ পীগনি, অমদি নলান্দা য়ুনিভর্সিতীগী স্কোলারসিপ স্কীমসু পাকথোক চাউথোকহনগনি। মসিগী মথক্তা, বিম্সতেক মেম্বর লৈবাকশিংদগী নহা ওইরিবা দিপ্লোমেতশিংগী চহিগী ত্রেনিং প্রোগ্রাম অমসু পাঙথোক্কনি।
এক্সেলেন্সীশিং,
ঐখোয়গী মান্নবা নাৎগী লনশিং অসিনা ঐখোয়গী মতম শাংলবা মরী অসিগী অকনবা য়ুম্ফম ওইরি।
ওরিসাগী ‘বালি জাত্রা’, বুদ্ধিস্ত অমদি হিন্দু চৎনবীগী অচেৎপা পুৱারীগী মরী, অমদি ঐখোয়গী ইরক্তা লোলগী মান্নবা উৎলিবা – পুম্নমক অসিনা ঐখোয়গী নাৎকী লৈনরিবা মরীগী মতিক লৈরবা খুদম অমা ওইনা লেপ্লি।
হায়রিবা মরী অসিবু সেলেব্রেত তৌনবা অমদি উত্থোক্নবা, ভারতনা চহি অসিগী লোইশিল্লকপদা অহানবা বিম্সতেক ত্রেদিস্নেল ম্যুজিক ফেস্তিবেল য়ুম্বু ওইদুনা পাঙথোক্কনি।
এক্সেলেন্সীশিং,
ঐখোয়গী নহাশিংগী মরক্তা এক্সচেঞ্জ হেনগৎহন্নবা, চহি অসিগী লোইশিল্লকপদা বিম্সতেক য়ং লীদর্স সম্মিত পাঙথোক্কনি। ঐখোয়না ইনোভেসন অমদি কোলাবোরেসন পুক্নিং থৌগৎনবা বিম্সতেক হেকাথোন অমদি য়ং প্রোফেস্নেল ভিজিতর্স প্রোগ্রামসু হৌরগনি।
শান্ন-খোৎনবগী লমদসু, ভারতনা চহি অসিদা বিম্সতেক এথ্লেতস মীত পাঙথোক্নবা ৱাফম হৌদোকচরি। অদুগা ২০২৭ দা মীৎয়েঙ থম্লগা, বিম্সতেক্কী ৩০ শুবা কুমওন্দা, ভারতনা অহানবা বিম্সতেক গেম্স পাঙথোক্কনি হায়না ঐনা লাউথোকচরি।
এক্সেলেন্সীশিং,
ঐখোয়গীদমক্তদি, বিম্সতেক অসি ইচম চম্বা রীজনেল ওর্গনাইজেসন অমা নত্তে। মসি পুম্নমক কোনশিনবা চাওখৎ থৌরাং অমদি অপুনবা সিক্যুরিতীগী মোদেল অমনি। মসিনা ঐখোয়গী মান্নবা খোঙফম অমদি ঐখোয়গী লিংজেল মান্নবগী পাঙ্গল ওইনা লেপ্লি।
মসিদা “সবকা সাথ, সবকা বিকাস, সবকা প্রয়াস” হায়রিবা ৱাখল্লোন অসিগী ৱাখল্লোন চেল্লি।
ঐখোয় পুন্না, সোলিদরিতী, কোওপরেসন, অমদি অমগা অমগা থাজনবগী ৱাখল্লোন মখা তানা মপাঙ্গল কনখৎহনখিগনি, অমদি বিম্সতেকপু হেন্না ৱাংবা থাক্তা পুখৎকনি।
লোইশিল্লকপদা, ঐহাক্না বঙ্গলাদেশপু বিম্সতেক্কী ইনকমিং চেয়র ওইনা তরাম্না ওকচরি অমদি মাগী মায় পাকপা লুচিংগীদমক য়াইফ-পাউজেল পীজরি।
ময়ামবু ঙমখৈ লৈতনা থাগৎচরি।
দিসক্লেমর – মসি প্রধান মন্ত্রীগী ৱারোলগী চাউরাকপা ৱাহন্থোক্নি। অশেঙবা ৱারোলদি হিন্দীদা পীখিবনি।
***
(Release ID: 2118934)
Visitor Counter : 37
Read this release in:
Marathi
,
Tamil
,
Telugu
,
English
,
Urdu
,
Hindi
,
Assamese
,
Bengali
,
Punjabi
,
Gujarati
,
Odia
,
Kannada
,
Malayalam