প্ৰধানমন্ত্ৰী শ্ৰী নৰেন্দ্ৰ মোদীয়ে আজি সংসদৰ উভয় সদনত ৱাকফ (সংশোধনী) বিধেয়ক আৰু মুছালমান ৱাকফ (প্ৰত্যাহাৰ) বিধেয়ক গৃহীত হোৱাটো আৰ্থ-সামাজিক ন্যায়, স্বচ্ছতা আৰু সামগ্ৰিক বিকাশৰ বাবে আমাৰ সামূহিক অন্বেষণৰ এক যুগান্তকাৰী মুহূৰ্ত বুলি প্ৰশংসা কৰিছে।

এক্সত পৃথক থ্ৰেড পোষ্টত তেওঁ লিখিছে -

"সংসদৰ দুয়োখন সদনৰ দ্বাৰা ৱাকফ (সংশোধনী) বিধেয়ক আৰু মুছালমান ৱাকফ (প্ৰত্যাহাৰ) বিধেয়ক গৃহীত হোৱাটোৱে আৰ্থ-সামাজিক ন্যায়, স্বচ্ছতা আৰু সামগ্ৰিক বিকাশৰ বাবে আমাৰ সামূহিক অনুসন্ধানত এক যুগান্তকাৰী মুহূৰ্ত হিচাপে চিহ্নিত হৈছে। এইটোৱে বিশেষকৈ যিসকলে দীৰ্ঘদিন ধৰি বঞ্চিত হৈ আছে তেওঁলোকক সহায় কৰিব, যিসকলক কণ্ঠ আৰু সুযোগ দুয়োটাৰ পৰাই বঞ্চিত কৰি অহা হৈছে।"

"সংসদীয় তথা সমিতিৰ আলোচনাত অংশগ্ৰহণ কৰা, তেওঁলোকৰ দৃষ্টিভংগী প্ৰকাশ কৰা আৰু এই আইনসমূহ শক্তিশালী কৰাত অৰিহণা যোগোৱা সংসদৰ সকলো সদস্যৰ প্ৰতি কৃতজ্ঞতা। লগতে সংসদীয় সমিতিলৈ তেওঁলোকৰ মূল্যৱান মতামত প্ৰেৰণ কৰা অগণন লোকক বিশেষ ধন্যবাদ জ্ঞাপন কৰিছো। আকৌ এবাৰ, ব্যাপক বিতৰ্ক আৰু আলোচনাৰ গুৰুত্ব পুনৰ নিশ্চিত কৰা হৈছে।"

"কেইবা দশক ধৰি ৱাকফ ব্যৱস্থা স্বচ্ছতা আৰু দায়বদ্ধতাৰ অভাৱৰ সমাৰ্থক আছিল। ইয়াৰ ফলত বিশেষকৈ মুছলমান মহিলা, দৰিদ্ৰ মুছলমান, পাছমাণ্ডা মুছলমানসকলৰ স্বাৰ্থৰ ক্ষতি হৈছিল। সংসদত গৃহীত আইনসমূহে স্বচ্ছতা বৃদ্ধি কৰিব আৰু লগতে জনসাধাৰণৰ অধিকাৰ সুৰক্ষিত কৰিব।"

"আমি এতিয়া এনে এটা যুগত প্ৰৱেশ কৰিম য’ত পৰিকাঠামো অধিক আধুনিক আৰু সামাজিক ন্যায়ৰ প্ৰতি সংবেদনশীল হ’ব। ডাঙৰ কথা হ’ল, আমি প্ৰতিজন নাগৰিকৰ মৰ্য্যাদাৰ প্ৰতি অগ্ৰাধিকাৰ দিবলৈ প্ৰতিশ্ৰুতিবদ্ধ। এনেদৰেই আমি এক শক্তিশালী, অধিক অন্তৰ্ভুক্তিমূলক আৰু অধিক সহানুভূতিশীল ভাৰত গঢ়ি তুলিছো।"

The passage of the Waqf (Amendment) Bill and the Mussalman Wakf (Repeal) Bill by both Houses of Parliament marks a watershed moment in our collective quest for socio-economic justice, transparency and inclusive growth. This will particularly help those who have long remained on…

— Narendra Modi (@narendramodi) April 4, 2025

***

MJPS/SR/HS