রোদ ত্রান্সপোর্ত অমসুং হাইৱে মন্ত্রালয়
এন.ঐচ.এ.আই.না বি.ও.তি. (তোল) মোদতা পুন্না লুপা করোর ৫,৭২৯ চঙনা গুৱাহাতী রিং রোদ শেমগৎকদৌরি
থবক পায়খৎনবা এম./এস. দিনেশ চন্দ্র আর অগ্রৱাল ইনফ্রাকোন প্রাইভেত লিমিতেদকা কনসেসন এগ্রীমেন্ত খুৎয়েক পীনখ্রে
Posted On:
03 APR 2025 3:38PM by PIB Imphal
লৈবাকসিগী অৱাং-নোংপোক লমদমদা চাওখৎপা পুরক্নবা থৌদাং য়াদুনা, এন.ঐচ.এ.আই.না এম./এস. দিনেশ চন্দ্র আর অগ্রৱাল ইনফ্রাকোন প্রাইভেত লিমিতেদকা এন.ঐচ.এ.আই. চেয়রমেন, শ্রী সান্তোস কুমার য়াদব অমসুং এন.ঐচ.এ.আই.গী মকোক থোংবা ওফিসিএলশিং শরুক য়াদুনা কনসেসন এগ্রীমেন্ত অমা খুৎয়েক পীনখ্রে। কিলোমিতর ১২১ শাংবা গুৱাহাতী রিং রোদ অসি পুন্না লুপা করোর ৫,৭২৯ চঙনা বিল্দ ওপরেত তোল (বি.ও.তি.) মোদতা জিরো গ্রান্তকা লোয়ননা শেমগৎকনি। কন্ত্রেক্ত অসিগী কন্সেসন মতম অসি শেমগৎ শাগৎপগী চহি মরি য়াওআগা চহি ৩০ ওইগনি। প্রোজেক্ত অসিদা ইনোৎ হাপ্লদুনা, অসামগী স্তেত লৈঙাক্না লমগী শেঞ্জংগী ৫০% পুদুনা, অপুনবা অমদি স্তেতকী জি.এস.তিোগী রোয়েল্তী কোকপিদুনা লুপা করোর ১,২৭০ রোম থৌদাং য়ারি। অসুম্না, অপুনবা প্রোজেক্তকী শেঞ্জং অসি লুপা করোর ৭,০০০ রোম ওইগনি।
গুৱাহাতী রিং রোদ প্রোজেক্ত অসি শরুক অহুম ওইগনি মসিদা কিলোমিতর ৫৬ শাংবা লেন-৪ গী এক্সেস কন্ত্রোল নোর্দর্ন গুৱাহাতী বাইপাস, এন.ঐচ. ২৭ দা লৈরিবা কিলোমিতর ৮ গী বাইপাস লেন মরিদগী লেন তরুক্তা পাকথোকপা, অমদি এন.ঐচ. ২৭ দা লৈরিবা কিলোমিতর ৫৮ শাংবা বাইপাসকী ফীভম ফগৎহন্বা য়াওরি। পনবা য়াবদি, ব্রহ্মপুত্র তুরেল মথক্তা কিলোমিতর ৩ শাংবা অচৌবা থোং অমসু প্রোজেক্ত অসিগী মনুং চন্না শাগনি।
গুৱাহাতী রিং রোদ অসিনা, লৈবাক অসিগী অৱাং নোংপোক লমদমগী হোজঙ ওইরিবা এন.ঐচ. ২৭ গী ইস্ত-ৱেস্ত কোরিদোরতা শাংনা চৎলিবা ত্রাফিক্কী অপনবা লৈতবা কন্নেক্তিবিতী ফংহনগনি। রিং রোদ অসি শেমগৎপনা ৱেস্ত বেঙ্গল/বিহারদগী সিলচর, নাগালেন্দ অমদি ত্রিপুরাদা লাক্লিবা য়াম্লবা ত্রাফিক বাইপাস তৌদুনা গুৱাহাতী সহর অমদি য়ুম্লোন্নবা অৱাং-নোংপোক স্তেতশিংদা লম্বী কোমহনবদা মতেঙ ওইগনি। প্রোজেক্ত অসিনা সিলিগুরী, সিলচর, শিল্লোং, জোরহাত, তেজপুর, জোগিগোফা, অমসুং বার্পেতা য়াওনা লমদম অসোমগী মরুওইবা সহরশিংদা অপন্বা লৈতবা কন্নেক্তিবিতী ফংহনগনি।
হৌজিক লৈরিবা এন.ঐচ. অপগ্রেদ তৌবা 
প্রপোজ তৌরিবা গ্রীনফীল্দ বাইপাস 
ভারত লৈঙাক্না বিল্দ-ওপরেত-ত্রান্সফর (বি.ও.তি.) প্রোজেক্তশিংগীদমক পব্লিক প্রাইভেত পার্ত্নরসিপ পুক্নিং থৌগত্তুনা লাক্লি। বি.ও.তি. মোদতা প্রোজেক্ত পায়খৎপা পুক্নিং থৌগৎনবা, মমাঙদা বি.ও.তি. (তোল) অমসুং প্রোভিজনেল বি.ও.তি. (তোল)গী মোদেল কন্সেসন এগ্রীমেন্ত (এম.সি.এ.) দা ফনা য়াম্না শেমদোকখ্রে। মসিনা শেমদোক্লবা মোদেল কনসেসন এগ্রীমেন্ত অসিদা খুৎয়েক পীনবা অহান্বা কনত্রেক্ত ওইদুনা অসিগুম্বা অতৈ কনত্রেক্তশিংগী লম্বী য়াৎকনি।
ভারত লৈঙাক্কী ‘ভিজন ২০৪৭’ গী মনুং চন্না, হায়-স্পীদ কোরিদোর মশিং কয়া শেমগৎনবা মীৎয়েঙ থম্লি। লম্বীগী সেক্তর শেমগৎপদা অচৌবা পব্লিক প্রাইভেত পার্ত্নরসিপ থম্বনা মঙলান অসি মঙফাওনহনবদা মরুওইবা থৌদাং লৌগনি অমদি লৈবাকসিদা মালেমগী থাক্কী নেস্নেল হায়ৱে নেতৱর্ক শেমগৎপা লোয়ননা চলাইবা অমদি মেন্তেনেন্স তৌবদা চাউনা থৌদাং য়াগনি।
***
(Release ID: 2118326)
Visitor Counter : 48