ملک کے شمال مشرقی خطے کی ترقی میں تعاون کرتے ہوئے این ایچ اے آئی  نے این ایچ اے آئی کے چیئرمین جناب سنتوش کمار یادو اور این ایچ اے آئی کے سینئر عہدیداروں کی موجودگی میں میسرز دنیش چندر آر اگروال انفراکون پرائیویٹ لمیٹڈ کے ساتھ رعایتی معاہدے پر دستخط کیے ہیں ۔ 121 کلو میٹر طویل گوہاٹی رنگ روڈ کو صفر گرانٹ کے ساتھ بلڈ آپریٹ ٹول (بی او ٹی) موڈ پر 5729 کروڑ روپے کی کل لاگت سے تیار کیا جائے گا ۔ معاہدے کی رعایتی مدت 30 سال ہے ، جس میں چار سال کی تعمیراتی مدت بھی شامل ہے ۔ پروجیکٹ کو رفتار فراہم کرتے ہوئے ، آسام کی ریاستی حکومت زمین کی لاگت کا 50 فیصد برداشت کرے گی  اور اسے رائلٹی سے چھوٹ ملے گی اور  جی ایس ٹی کے ریاستی حصے کا بھی فائدہ ملے گا جس میں تقریباً 1270 کروڑ روپے  کا تعاون شامل ہے۔ اس طرح  پروجیکٹ کی مجموعی لاگت تقریباً 7000 کروڑ روپے  ہے۔

گوہاٹی رنگ روڈ پروجیکٹ کے تین حصے ہوں گے جن میں 56 کلومیٹر طویل 4 لین ایکسیس کنٹرولڈ ناردرن گوہاٹی بائی پاس ، این ایچ 27 پر موجودہ 8 کلومیٹر بائی پاس کو چار لین سے چھ لین تک چوڑا کرنا اور این ایچ 27 پر موجودہ 58 کلومیٹر طویل بائی پاس کی بہتری شامل ہے ۔ قابل ذکر بات یہ ہے کہ اس منصوبے کے ایک حصے کے طور پر دریائے برہم پترا پر 3 کلومیٹر طویل بڑا پل بھی تعمیر کیا جائے گا ۔

گوہاٹی رنگ روڈ این ایچ-27 کے ایسٹ ویسٹ کوریڈور پر چلنے والے لمبی دوری کے ٹریفک کو  بلا رکاوٹ کنکٹی ویٹی  فراہم کرے گی ، جو ملک کے شمال مشرقی خطے کا گیٹ وے ہے ۔ رنگ روڈ کی ترقی سے مغربی بنگال/بہار سے سلچر ، ناگالینڈ اور تریپورہ آنے والے بڑے ٹریفک کو بائی پاس کرکے گوہاٹی شہر اور پڑوسی شمال مشرقی ریاستوں میں بھیڑ کو کم کرنے میں مدد ملے گی ۔ یہ پروجیکٹ سلی گوڑی ، سلچر ، شیلانگ ، جورہاٹ ، تیز پور ، جوگی گپھا اور بارپیٹا سمیت خطے کے بڑے شہروں کو بغیر کسی رکاوٹ کے کنکٹی ویٹی  فراہم کرے گا ۔

موجودہ این ایچ کی تجدید کاری

مجوزہ گرین فیلڈ بائی پاس

حکومت ہند بلڈ-آپریٹ-ٹرانسفر (بی او ٹی) پروجیکٹوں کے لیے عوامی نجی شراکت داری کی حوصلہ افزائی کرتی رہی ہے ۔ بی او ٹی موڈ پر پروجیکٹوں کو اپنانے کی حوصلہ افزائی کے لیے ، حالیہ ماضی میں بی او ٹی (ٹول) اور عارضی بی او ٹی (ٹول) کے ماڈل کنسیشن ایگریمنٹ (ایم سی اے) میں مختلف ترامیم کی گئی ہیں ۔ یہ ترمیم شدہ ماڈل رعایتی معاہدے کی بنیاد پر دستخط کیا گیا پہلا معاہدہ ہے جو اس طرح کے مزید معاہدوں کی راہ ہموار کرے گا۔

حکومت ہند کے ’ویژن 2047‘ کے ایک حصے کے طور پر ، بڑی تعداد میں تیز رفتار کوریڈور تیار کرنے کا تصور کیا گیا ہے ۔ سڑک کے شعبے کی ترقی میں مضبوط پبلک پرائیویٹ پارٹنرشپ اس وژن کو عملی جامہ پہنانے میں اہم کردار ادا کرے گی اور ملک میں عالمی معیار کے نیشنل ہائی وے نیٹ ورک کی ترقی کے ساتھ ساتھ آپریشن اور دیکھ بھال میں بہت اہم کردار ادا کرے گی ۔

۔۔۔۔۔۔۔۔۔۔۔

ش ح۔ ع ح ۔ ن م۔

U-9429